Wuj Richin Bix Chire ri Dios 7:12 - Kaqchiquel Bible

¹² Wi ri aj-mak man nutzolij ta ri' chirij, ri Dios kan xtuben rey ri ru-espada; kan xtuya' k'a chuwi-rutele'n ri rute-ch'ab, y kan xtuq'ijuj k'a rik'in.

Wuj Richin Bix Chire ri Dios 7:12 ပူးပေါင်းရင်းမြစ်များ

Hechos 3:19

Wakami titzolej k'a pe ik'u'x rik'in ri Dios, y tijalatej ri ik'aslen, richin keri' nikuyutej y nisachatej ri imak. Y xkepe k'a q'ij richin uxlanen toq ri ajaw kan k'o chik iwik'in.

San Mateo 3:10

Y pa ruwi' ri' nich'on-wi ri tzij: Ri ikej e naban chik chuxe' ronojel ri che' ri man nikiya' ta kiwech, richin yechoy. Y ronojel k'a ri che' ri xkechoy, xkek'aq pa q'aq', nicha'.

Ez 18:30

Roma ri' yin kan ninq'et-tzij pan iwi' chi'ijujunal rix ri aj-Israel achi'el ri rubanik ri ibanobal. Yin Jehová ri ink'o pa ruwi' ronojel ninjikiba' nutzij. Titzolej k'a pe ik'u'x y tiya' k'a kan ri rubanik ri itzel taq banobel, richin keri' man xtiqaqa ta rutojbalil ri imak pan iwi'.

Deut 32:41

Toq yin xtinben rey ri nu-espada ri janila nirepelun, y toq xtinchop ri nuq'atoj-tzij; jari' toq xtinya' ruk'exel chike ri e etzelanel iwichin, y kan xtinya' k'a rutojbalil chike ri ye'etzelan wichin.

Wuj Richin Bix Chire ri Dios 85:4

Qa-Dios y qakolonel roj, tabana' utzil qojakolo' chik wakami, y taq'ata' ri awoyowal ri aya'on pa qawi'.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Ez 21:23

Jak'a ri winaqi' ri ek'o chupan ri tinamit man xtikinimaj ta, roma rije' xjunamatej-kiwech roma kibanon jun jikibel-tzij kik'in ri aj-Babilonia. Jak'a ri rey nunataj chike ri kimak ri kibanon y chirij ri' k'ari' xke'uk'uex-el.

Wuj Richin ri Isaías 34:5

Chirij ronojel re' ri ru-espada ri Jehová kan xtiqaqa pa ruwi' ri ruwach'ulew Edom, y ri tinamit ri' kan xtik'is jumul.

Wuj Richin ri Isaías 27:1

Chupan ri q'ij ri' ri Jehová kan xtuya' ruk'ayewal rik'in ri ru-espada, pa ruwi' ri nimalej chikop ri k'o pa palou. Xtukamisaj ri dragón ri k'o chupan ri palou, rik'in jun espada ri janila rey.

Wuj Richin ri Rutikeribel 18:25

Rat kan at choj-wi y man naben ta keri', chi xtak'is ta ruk'aslen ri utz rubanobal kik'in ri itzel taq kibanobal. Chi junan ta naben chike. Y roma rat kan at choj-wi, kan tabana' k'a ri ruk'amon, xcha' ri Abraham chire ri Dios.

Wuj Richin Bix Chire ri Dios 9:5

Xaben k'a chike ri winaqi' richin ri ruwach'ulew chi xkixibij-ki'; xe'ak'is k'a ri e banoy taq etzelal; xaben chi ri kibi' man jun bey chik xnatex chuwech re ruwach'ulew.

Wuj Richin Bix Chire ri Dios 129:4

Jak'a ri Jehová kan choj wi ri nuben; rija' kan xutzak'ila' k'a ri kolo' ri' ri kik'uan ri e etzelanel wichin.