Wuj Richin Bix Chire ri Dios 69:7 - Kaqchiquel Bible

⁷ Roma nukuquban nuk'u'x awik'in, ri winaqi' yinkik'ixbisaj; roma ri' ri nupalej kan kaqarineq roma k'ix.

Wuj Richin Bix Chire ri Dios 69:7 ပူးပေါင်းရင်းမြစ်များ

Wuj Richin Bix Chire ri Dios 44:15

Roma ri' ronojel q'ij kan nisach k'a nuk'u'x. Kan man yitikir ta ninyek-q'anej ri nujolon.

Wuj Richin Bix Chire ri Dios 44:22

Roj kan awoma k'a rat ajaw, jubama yojkamisex, xa kan banon chiqe chi oj achi'el ri karne'l toq ye'uk'uex richin yebekamisex.

Wuj Richin ri Isaías 50:6

Kan xinya' k'a ri ruche'el-wij chikiwech ri yech'ayon wichin, y chuqa' kan xinya' ri nupalej chikiwech ri xe'elesan ri rusumal-nuchi'. Kan man xinwewaj ta nupalej chikiwech ri janila xinkiyoq' y ri xinkichubaj.

Wuj Richin ri Isaías 53:3

Kan xetzelex k'a, y kan man jun rejqalen xkiben ri winaqi' chire. Rija' jun achin ri kan janila xq'axomer, y kan xuk'owisaj ruk'ayewal. Kan man jun xjoyowan ta ruwech, y kan man jun xpoqonan ta richin, y roj xqapiskolij ri qapalej richin man xqatzu' ta.

Wuj Richin ri Jeremías 15:15

K'ari' yin xich'on chik rik'in ri Jehová y xinbij: Rat kan awetaman ronojel. ¡Tabana' utzil kinato'. Taya' k'a tijoj-poqonal pa kiwi' ri e etzelanel wichin! Man k'a taben kik'in rije' chi kan janila ye'akoch'; y man taya' q'ij chi yin yiken. Tatz'eta' chi kan awoma rat ninq'axaj janila q'axo'n.

San Lucas 23:11

Ri Herodes y ri aj-labal kan man jun ruq'ij xkiben chire ri Jesús y xkitze'ej. Xkiya' k'a jun tzieq chirij, kan achi'el ri yekikusala' ri rey, y k'ari' xutzolij chik el rik'in ri Pilato.

Hebreos 12:2

Kan rik'in ri Jesús tiqaya-wi ri qatzubal, roma ja rija' ri xbanon chiqe chi xqanimaj ri Dios y chi kuqurineq chik qak'u'x. Rija' man xupoqonaj ta xken chuwech ri cruz, stape' ri kamik ri' nik'ixbisan, roma retaman chi chirij ri kamik xtipe jun nimalej kikoten. Y kan xbetz'uye' k'a chila' chikaj pa rijkiq'a' ri Dios.