Wuj Richin Bix Chire ri Dios 69:36 - Kaqchiquel Bible

³⁶ Ri e kijatzul ri e rusamajela' ri Dios, kan xtikichinaj k'a ri ruwach'ulew. Konojel ri ye'ajowan richin ri Dios kan xkek'oje' k'a chiri'.

Wuj Richin Bix Chire ri Dios 69:36 ပူးပေါင်းရင်းမြစ်များ

Wuj Richin Bix Chire ri Dios 102:28

Ri e kijatzul ri yesamajin awichin kan kuqul k'a kik'u'x xkek'ase'. Kan chawech k'a rat xkek'oje-wi ronojel sol winaqi' ri'.

Hechos 2:39

Roma jare' ri rusujun ri Dios, man xaxe ta chiwe rix, ni chike ri iwalk'ual, xa kan chike k'a konojel winaqi' ri ek'o nej-naqaj; roma konojel k'a re' e oyon roma ri qajaw Dios, xcha' ri Pedro.

Wuj Richin Bix Chire ri Dios 37:29

Ri choj kik'aslen chuwech ri Jehová, xtikichinaj ri ruwach'ulew. Y kan xkek'ase' k'a chiri' richin jantape'.

Apocalipsis 21:27

Jak'a ronojel ri xa tz'il, kan man jun bey xtok-apo chupan. Ni man jun chuqa' wineq ri xa nuya' ruq'ij jun chik dios, ni chuqa' ri e tz'ukuy taq tzij, ri xke'ok-apo ri chiri', xaxe ri tz'ibatel kibi' chupan ri wuj richin k'aslen, ri ruwuj ri Karne'l.

San Juan 14:23

Roma ri' ri Jesús xubij: Ri kan yirajo', kan nuben ri nubij ri nuch'abel. Ri jun ri xtibanon keri', kan xtajowex-wi roma ri nata' chuqa'. K'ari' ri nata' y yin kan xqojpe rik'in y xtiqaben k'a qachoch ri pa ránima.

Santiago 1:12

Ri wineq ri nukoch' ri tijoj-poqonal, kan jebel ruwa-ruq'ij, roma ri Dios xtuya' chire ri wineq ri' ri sipanik richin ri utzilej k'aslen ri man jun bey xtik'is. Ja sipanik ri' ri rubin chi xtuya' chire ri najowan richin.

Romanos 8:28

Qetaman chi ronojel ri niqak'owisaj utz nuben chiqe roj ri niqajo' ri Dios, roma xojroyoj rija' richin xojok ralk'ual.

Wuj Richin ri Isaías 61:9

Ri kijatzul kan xtinimirisex k'a kiq'ij chikikojol ri ch'aqa' chik tzobaj winaqi' richin ri ruwach'ulew. Konojel k'a ri xketz'eton kichin xtikinimaj k'a chi rije' kan kik'ulun urtisanik pa nuq'a' yin. Kere' nubij ri Dios, ncha'.

Wuj Richin Bix Chire ri Dios 91:14

Ri Jehová nubij: Roma kan wik'in yin rukuquban-wi ruk'u'x, yin kan xtinkol. Kan xtinya' pa jotol, roma kan ruya'on rejqalen ri nubi'.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

Wuj Richin ri Isaías 44:26

Ja yin ri yibanon richin xtibanatej ri nikik'utuj ri e nusamajela', y chuqa' ja yin yibanon chi xtibanatej ri nikibij rije' pa ruwi' ri xtibanatej-apo, chi ri Jerusalem xkek'oje' chik winaqi' chupan, y chuqa' ri ch'aqa' chik tinamit richin ri Judá. Y kan xkepabex chik jun bey.