Wuj Richin Bix Chire ri Dios 69:3 - Kaqchiquel Bible

³ Xikos yan janila, roma yisik'in chuk'utuxik to'onik, ri nuqul kan niq'axon chik, y xjasjo' yan. Ri runaq'-nuwech chuqa' nik'is yan qa ruchuq'a', roma yatinkanoj rat nu-Dios.

Wuj Richin Bix Chire ri Dios 69:3 ပူးပေါင်းရင်းမြစ်များ

Wuj Richin Bix Chire ri Dios 6:6

Yin kan xirijix yan k'a roma oq'ej. Ronojel aq'a' janila yinoq' pa nuwarabel. Kan xch'eqe' yan k'a ri nuch'at rik'in ri ruya'al runaq'-nuwech.

Wuj Richin ri Isaías 38:14

Xinben achi'el yech'ipch'ot ri taq tz'unun, xijilon achi'el yejilon ri taq paloma. Ri runaq' taq nuwech kan janila xekos rokik xaxe xitzu'un-el chila' chikaj. Yin kan xink'utuj utzil chawe rat Jehová chi xinato' ta, roma xik'oje' pa q'axo'n.

Wuj Richin Bix Chire ri Dios 119:123

Ri runaq' taq nuwech xa kan xk'is-qa kuchuq'a' richin koyoben ri asujun. Kan woyoben k'a chi yitotej achi'el ri asujun chuwe.

Wuj Richin Bix Chire ri Dios 119:82

Ri runaq' taq nuwech xa kan xk'is-qa kuchuq'a' richin koyoben ri asujun. Yin kan nink'utuj k'a qa chi janipe' yape richin nakuquba' nuk'u'x.

Deut 28:32

Kan chiwech rix xkejach-el ri iwalk'ual pa kiq'a' ch'aqa' chik winaqi' ri man e iwinaq ta, y jantape' k'a xtiwajo' xtitz'et chik kiwech, jak'a man jun chik xkixtikir xtiben richin xketzolej ta chik pe iwik'in.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

San Juan 19:28

Roma ri Jesús kan retaman chik k'a chi ronojel xk'achoj yan y kan k'o chi nibanatej na ronojel ri tz'ibatel kan chupan ri ruch'abel ri Dios, roma ri' xubij: Nichaqi'j nuchi', xcha'.

Wuj Richin ri K'uxla'anik 2:11

Ri woq'ej kan nuk'is k'a ruchuq'a' ri runaq'-nuwech. Ri nupan kan achike na k'a nuben roma ri q'axo'n. Kan niq'axon ri wánima roma nintz'et ri tijoj-poqonal ri nikik'owisaj ri nuwinaq; roma ri ak'uala' y ri neneya' e punupuxineq pa taq bey richin ri tinamit.

Wuj Richin Bix Chire ri Dios 69:21

Chupan ri nuway xkixol kamisanel aq'om, y toq xchaqi'j nuchi', xa xkiya' k'ayilej-vino chuwe.

Wuj Richin Bix Chire ri Dios 39:7

Wakami k'a wajaw ¿Achike ta chik k'a xtinwoyobej? Yin kan awik'in k'a rat nukuquban-wi nuk'u'x.

Wuj Richin Bix Chire ri Dios 25:21

Tabana' utzil kinakolo', roma ri nubanobal kan utz, y kan choj chawech rat. Roma yin kan nukuquban nuk'u'x awik'in.

Wuj Richin Bix Chire ri Dios 22:15

Ri pa nuchi' kan chaqi'j-chaqi'j k'a, kan achi'el ri poqolaj. Ri waq' kan xutz'om k'ari' ri pa nuja'j, roma ri' kan nintz'et k'a ruwech ri nukamik.

Wuj Richin Bix Chire ri Dios 22:2

Nu-Dios yin, ri paq'ij yich'on awik'in y kan man nak'uluba' ta pe ri nuch'abel. Chuqa' yich'on awik'in ri chaq'a' y man wilon ta uxlanen.

Wuj Richin ri Achin Job 16:16

Ri runaq' taq nuwech kan e sipojineq chik k'a roma oq'ej. Ri nutz'ubal kan xeq'equmatej yan k'a.

Wuj Richin ri Achin Job 11:20

Jak'a ri runaq' taq kiwech ri e itzel taq winaqi' kan xtik'is kuchuq'a', y man jun akuchi xtikito-wi-ki'. Xaxe k'a ri kamik ri xtito'on-el kichin chuwech ri'.

Wuj Richin Bix Chire ri Dios 40:3

Rija' xuk'ut jun k'ak'a' bix chinuwech, jun bix richin ninya' ruq'ij rija'. Re' kan xtikitz'et k'a e k'iy, y xtikixibij-ki', y kan xtikikuquba' kik'u'x rik'in ri Jehová.

Wuj Richin Bix Chire ri Dios 88:7

Ri awoyowal kan janila nim qajineq pa nuwi', yin kan maneq chik k'a wuchuq'a' roma ri awoyowal.