Wuj Richin Bix Chire ri Dios 69:27 - Kaqchiquel Bible

²⁷ Toqaqa chi'ak'u'x ronojel ri kimak, y man taya' k'a ri kolotajik chike.

Wuj Richin Bix Chire ri Dios 69:27 ပူးပေါင်းရင်းမြစ်များ

Wuj Richin ri Isaías 26:10

Stape' rat nak'ut ri ajowabel chikiwech ri winaqi' ri itzel kik'aslen, rije' kan man xtiketamaj ta xkebiyin pa ruchojmilal. Stape' kan pa ruchojmilal xtiban kik'in, rije' xa kan nikiben etzelal, y xa kan pa rubanik nikiben chi man nikitz'et ta chi rat Jehová kan k'o-wi aq'ij.

Wuj Richin ri Nehemías 4:5

Man taya' q'ij chi nik'is choj keri' ri kimak, ri xojkiyojobej y xojkiyoq' chikiwech ri winaqi' y xyakatej koyowal chiqij roj ri yojpaban-q'anej ri tz'aq, xicha'.

2 Timoteo 4:14

Ri Alejandro ri samajiy-ch'ich', k'iy k'a itzel ri rubanon chuwe. Ri Dios kan xtuya-wi k'a ri rutojbalil chire, kan achi'el ri rubanobal.

Romanos 1:28

Rije' nikich'ob chi man jun nik'atzin-wi niketamaj ruwech ri Dios. Roma ri' rija' xerumalij kan richin nikich'ob ri itzel taq ch'obonik, y tikibanala' ri man ruk'amon ta.

Romanos 9:31

Jak'a ri qawinaq judío, kan nikitej-wi kiq'ij nikiben ri nubij chupan ri rupixa' ri Dios richin ta chi man jun kimak yek'ulun chuwech. Jak'a xa man yetikir ta.

Romanos 9:18

Y keri', niqatz'et k'a chi rik'in ri Dios k'o-wi chi nujoyowaj ruwech jun wineq o wi xa nukowirisaj ri ránima chupan ri itzel ruk'aslen.

Wuj Richin Bix Chire ri Dios 109:14

Ri itzel taq kibanobal ri kite-kitata', xtoqaqa ta k'a chuk'u'x ri Jehová. Ri kimak man ta k'a xtikuyutej.

Wuj Richin Bix Chire ri Dios 81:12

Roma ri' xenya' kan rik'in ri rukowirinen ri kánima; y xebiyin k'a achi'el ri xkajo' rije'.

Wuj Richin ri Chojmirisabelri'il 26:39

Y ri man xkeken ta, ri xkek'oje' kan chikikojol ri etzelanel kichin, kan xkek'is k'a roma ri itzel kibanobal, achi'el xeken ri ite-itata' roma ri kimak.

Ex 9:12

Y ri Jehová xukowirisaj chik k'a jun bey ri ránima ri rey y roma ri' man xerak'axaj ta ri Moisés y ri Aarón kan achi'el ri bin chik chike.

Ex 8:32

Jak'a ri rey xa xukowirisaj chik jun bey ri ránima y man xuya' ta q'ij richin xebe ri israelita.

Ex 8:15

Y toq ri rey xuna' chi k'o chik uxlanen, roma ri xkalet xa e maneq chik, jari' toq xukowirisaj más ri ránima y man xniman ta chike ri Moisés y ri Aarón, kan achi'el ri rubin ri Jehová.

San Mateo 21:19

Toq e beneq, rija' xutz'et k'a jun che' wíkix tikil chuchi' bey. Xbe-apo chukanoxik ruwech, jak'a xa man jun ti ruwech k'o, xa ruyon ruxaq. Jari' k'a toq ri Jesús xch'on rik'in ri che' y xubij k'a: Man jun bey chik k'a xkawachin, xcha'. Y ri wíkix ri' kan jari' xchaqi'j-qa.

Wuj Richin ri Isaías 5:6

Y xtinben chi kan man jun chik xtik'oje' kan. Man chik k'a xkenjol ta ri ruq'a', ni man xtiban ta chik makoj chupan. Kan xtik'iy k'a pe q'ayis y k'ix chupan. Y chuqa' kan xkich'on rik'in ri sutz' chi man chik xtuteq-pe job, xcha'.

Wuj Richin Bix Chire ri Dios 24:5

Rije' xtikik'ul k'a urtisanik pa ruq'a' ri Jehová. Toq xtiq'at-tzij pa kiwi', ri Dios ri xkolon kichin xtubij chi rije' kan e choj.

Wuj Richin ri Achin Job 19:22

¿Achike k'a roma toq rix kan yiniya' chuqa' pa ruk'ayewal achi'el nuben ri Dios? ¿Kan man nik'o ta kami ruwi' niben chuwe rik'in re'?

Wuj Richin ri Isaías 53:4

Man rik'in ri', rija' kan xutej poqon pa qak'exel roj, y xuk'uaj ri qaq'axo'n. Y toq rija' k'o chik chupan ri ruk'ayewal, xq'ax chiqawech chi ri ruk'ayewal ri xpe rik'in ri Dios kan richin-wi rija', y chi ri Dios kan xuya' q'ij chi rija' xsokotej.