Wuj Richin Bix Chire ri Dios 69:26 - Kaqchiquel Bible

²⁶ Roma kan chaq xkitzeqelibej ri aya'on q'axo'n pa ruwi', y kan xetze'en k'a chirij jun ri k'o pa ruk'ayewal.

Wuj Richin Bix Chire ri Dios 69:26 ပူးပေါင်းရင်းမြစ်များ

Wuj Richin ri Isaías 53:4

Man rik'in ri', rija' kan xutej poqon pa qak'exel roj, y xuk'uaj ri qaq'axo'n. Y toq rija' k'o chik chupan ri ruk'ayewal, xq'ax chiqawech chi ri ruk'ayewal ri xpe rik'in ri Dios kan richin-wi rija', y chi ri Dios kan xuya' q'ij chi rija' xsokotej.

Wuj Richin ri Zacarías 1:15

Yin woyowal juba' chiwe. Jak'a kan janila xyakatej woyowal chikij ri nima'q taq ajawaren ri kan nikina' chi kan jebel e jikil, roma kan xik'o chik ruwi' ri q'axo'n ri xkiben chiwe.

2 Crón 28:9

Y chiri' k'o k'a jun q'alajirisey ruch'abel ri Dios rubini'an Oded. Rija' xeberuk'ulu-el ri aj-labal ri xetzolin-pe pa Judá chiri' chuchi' ri Samaria, y xubij chike: Ri Jehová ri ki-Dios kan ri qati't-qamama' xpe royowal pa kiwi' ri aj-Judá, y roma ri' xerujech pan iq'a' rix. Jak'a rix xa kan rik'in janila iwoyowal xe'ikamisaj kan, y re banobel re' kan xapon-q'anej k'a chila' chikaj.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.

Wuj Richin ri Isaías 53:10

Man rik'in ri' ri Jehová kan xuya' pa k'ayew, y xuben chire chi xtz'ilox. Y ri Jehová xuben chire chi xkamisex achi'el jun kamelabel richin nikuyutej ri qamak. Y rija' xkerutz'et k'a ri e rijatzul, y xtik'ase' richin jantape'. Y keri' k'a ri ruch'obonik ri Jehová kan xtibanatej roma rija', xkecha'.

1 Tesalonicenses 2:15

Ri judío ri xek'oje' ojer kan xekikamisala' ri e q'alajirisey ruch'abel ri Dios. Chuqa' ri qawinaq xebin chi tikamisex ri ajaw Jesucristo. Y chuqa' ja rije' ri xe'oqotan-pe qichin roj. Konojel re itzel taq winaqi' re' man nikiben ta ri niqa' chuwech ri Dios, y yeketzelaj ri winaqi'.

Wuj Richin Bix Chire ri Dios 109:16

Roma re wineq re' kan man xoqaqa ta chuk'u'x richin xuben ta juba' utzil. Xa xerutzeqelibej winaqi' ri e poqonatajineq, k'o nik'atzin chike y niq'axon ri kánima, xerutzeqelibej richin xerukamisaj.

Wuj Richin ri Achin Job 30:13

Rije' kan nikiq'atala' k'a ri bey richin ri nuk'aslen, kan e tikirineq k'a chuwij richin chi in kiya'on pa tijoj-poqonal y man jun achike ta ri yito'on chikiwech.