Wuj Richin Bix Chire ri Dios 69:19 - Kaqchiquel Bible

¹⁹ Rat kan atzuliben k'a ronojel ri k'ixbilal ri nink'owisaj, ri nuq'axo'n y ri qasanri'il ri niban chuwe; jak'a kan chawech rat ek'o-wi ri e etzelanel wichin.

Wuj Richin Bix Chire ri Dios 69:19 ပူးပေါင်းရင်းမြစ်များ

Hebreos 12:2

Kan rik'in ri Jesús tiqaya-wi ri qatzubal, roma ja rija' ri xbanon chiqe chi xqanimaj ri Dios y chi kuqurineq chik qak'u'x. Rija' man xupoqonaj ta xken chuwech ri cruz, stape' ri kamik ri' nik'ixbisan, roma retaman chi chirij ri kamik xtipe jun nimalej kikoten. Y kan xbetz'uye' k'a chila' chikaj pa rijkiq'a' ri Dios.

1 Pedro 2:23

Toq xebix poqon taq ch'abel chire, man xutzolij ta ruk'exel rik'in poqon taq ch'abel. Toq xban chire chi nutej poqon, man xubij ta chi nuben ruk'exel chike. Xa pa ruq'a' ri Dios ri kan pa ruchojmilal niq'aton-tzij xuya-wi ronojel ri xkiben chire.

Wuj Richin ri Isaías 53:3

Kan xetzelex k'a, y kan man jun rejqalen xkiben ri winaqi' chire. Rija' jun achin ri kan janila xq'axomer, y kan xuk'owisaj ruk'ayewal. Kan man jun xjoyowan ta ruwech, y kan man jun xpoqonan ta richin, y roj xqapiskolij ri qapalej richin man xqatzu' ta.

San Juan 8:49

Jak'a ri Jesús xubij chike: Yin man jun itzel espíritu ri k'o ta wik'in. Yin kan ja ri nata' ri ninya' ruq'ij, jak'a rix xa man niya' ta nuq'ij.

Wuj Richin Bix Chire ri Dios 38:9

Rat kan awetaman k'a ri nurayibel yin. Ri rurayibel ri wánima kan man ewatel ta chawech.

Wuj Richin Bix Chire ri Dios 5:9

Rije' man jun bey yech'on ri qitzij; kan e nojineq k'a rik'in etzelal. Kan xaxe k'a ri q'oloj ri k'o pa kichi'. Roma ri' rije' kan e achi'el k'a jun muqbel kamineq.