wi keri' xtiben, yin xkixinwelesaj-el chupan re ruwach'ulew re nuya'on chiwe. Y ri itinamit Israel kan xtitze'ex y chuqa' itzel rutzijoxik xtiban koma ri winaqi' kichin ch'aqa' chik tinamit chuwech re ruwach'ulew. Chuqa' re jay re akuchi niya-wi nuq'ij, xa kan xtinmalij kan.
Y jari' chuqa' toq ri Jehová xch'on chik rik'in ri Isaías richin trelesaj-el ri rutziaq richin bis, y chuqa' ri ruxajab. Y ri Isaías kan keri' k'a ri xuben, xbiyajilan chikikojol ri winaqi'.
Chupan ri q'ij ri' ri Jehová k'iytisanel richin ronojel xkixroyoj rix richin xkixoq', y richin xkixk'oje' pa bis. K'o chi xtik'uq-el ri rusumal-iwi', y xtikusaj-el tzieq richin bis.
Kan koma k'a rije', ri winaqi' richin ri ch'aqa' chik ruwach'ulew kan xtisach kik'u'x. Chuqa' e ya'ol k'ix, kan xkeyojobex y kan xtiqaqa itzel pa kiwi' ri akuchi xkenteq-wi-el.
Tikusaj itziaq richin bis rix sacerdote; tiraqa' ichi' roma bis rix ri ix richin ri qa-Dios. Kixbison chi junaq'a' rix ri yixsamej rik'in ri porobel, roma pa rachoch ri qa-Dios maneq chik sipanik napon; achi'el ri vino y ri jalajoj ruwech ixin.
Kan xkixkimey k'a ri winaqi' roma ri nik'uluwachij y kan xkech'on itzel chiwij y chuqa' xketze'en chiwij konojel ri winaqi' ri ek'o chiri' akuchi xkixuk'uex-wi roma ri Jehová.