Wuj Richin Bix Chire ri Dios 68:5 - Kaqchiquel Bible

⁵ Ri Dios kan tata'aj k'a chike ri meba'i' y to'onel kichin ri malkani' Kan k'a chupan k'a ri rachoch yeruto-wi-pe.

Wuj Richin Bix Chire ri Dios 68:5 ပူးပေါင်းရင်းမြစ်များ

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.

Wuj Richin ri Jeremías 49:11

Ke'aya' kan ri taq ameba' y ri malkani' wik'in richin xkenchajij, xticha' ta.

Deut 10:18

Rija' kan yeruto' k'a ri meba'i' y ri malkani', y chuqa' kan yerajo' ri man e aj pa qatinamit ta, y roma ri' kan nuya' kiway y kitziaq.

Wuj Richin ri Jeremías 5:28

Y kan janila e ti'oj, roma jebel yetzuq. Ri kimak kan ik'owineq chik ruwi' ri nikiben, roma man nikiben ta pa ruchojmilal kik'in ri meba'i', ni man nikiq'et ta tzij pa ruchojmilal pa kiwi' ri man jun ok k'o kik'in.

Wuj Richin Bix Chire ri Dios 146:9

Ri Jehová kan yeruchajij ri e aj juk'an chik ruwach'ulew. Ri meba'i' y ri malkani' kan yeruq'axaj k'a. Jak'a kan nusech kik'u'x ri e banoy taq etzelal.

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin Bix Chire ri Dios 72:4

Xtuq'et k'a tzij pa kiwi' ri e k'ayewatajineq. Xkerukol k'a kalk'ual ri man jun k'o kik'in. Jak'a ri xetz'ilon kichin, rat xke'aya' pa ruk'ayewal.

Wuj Richin Bix Chire ri Dios 10:18

Taq'ata-tzij pa kiwi' ri meba'i' y ri yetz'ilox, richin chi ri banoy etzelal man ta chik xtuben etzelal chike.

2 Crón 6:2

Jak'a re wakami, yin xinpaba-q'anej re jun jebelej y nimalej awachoch richin yak'oje' chupan richin q'asen, xcha'.

Efesios 5:1

Roma ri' roj ri oj ralk'ual chik ri Dios y yalan yojrajo', tiqabana' achi'el ri nuben rija'.

Wuj Richin ri Isaías 66:1

Ri Jehová nubij: Ri nutz'uyubal k'o wawe' chikaj, y ri rupalibal ri waqen, ja ri ruwach'ulew. ¿Akuchi kami nich'ob rix richin nipaba-q'anej jun wachoch? ¿Akuchi kami nich'ob niben-wi jun k'ojelibel richin yinuxlan juba'?

Wuj Richin Bix Chire ri Dios 72:2

richin rija' xtiq'aton-tzij pa ruwi' ri tinamit, y richin xtuya' ruchojmilal pa kiwi' ri yetz'ilox.

Wuj Richin Bix Chire ri Dios 33:14

Kan k'a akuchi k'o-wi rija' yerutz'et-pe. Yerutzu-pe konojel ri ek'o chuwech re ruwach'ulew.

2 Crón 30:27

Chirij ronojel re', ri e sacerdote y ri e levita keri' e pa'el xkiya' urtisanik pa kiwi' ri winaqi'. Y ri Dios kan xrak'axaj k'a ri kich'owen k'a chila' chikaj, akuchi k'o-wi Rija'.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Deut 26:15

Tatz'eta' k'a pe chila' chikaj ri akuchi atk'o-wi. Taya' k'a pe urtisanik pa ruwi' ri atinamit Israel; ri akuchi niwachin-wi ronojel ruwech tiko'n; achi'el ri xasuj chike ri qati't-qamama', xkixcha'.

Ex 3:15

Chuqa' xubij chire ri Moisés: Kere' tabij chike ri awinaq: Jehová ri Dios kichin kan ri qati't-qamama', ri Abraham, ri Isaac, y ri Jacob, ja rija' ri in taqayon-pe iwik'in rix, xkacha' chike. Ja nubi' re' richin q'asen. Rik'in k'a re bi'aj re' xkinatex koma ri winaqi' chi wiq chi tanaj.

Wuj Richin Bix Chire ri Dios 118:19

¡Tijaqa' k'a chinuwech ri ruchi' ri rachoch ri Jehová, richin xkinok k'a apo y xtinbenya' ruq'ij!

Wuj Richin Bix Chire ri Dios 150:6

Konojel ri k'o kik'aslen kan tikinimirisaj k'a ruq'ij ri Jehová. ¡Kan tinimirisex k'a ruq'ij rija'!

Wuj Richin ri Isaías 12:4

Chupan k'a ri q'ij ri', rix nuwinaq xtibij: Tiqaya' matiox chire ri Jehová, y kan tiqaya' ruq'ij. Chuqa' tiqaya' k'a rutzijol chike konojel winaqi' richin chijun ruwach'ulew ri nima'q taq rubanobal. Kan tiqaya' rutzijol chi rija' kan nimalej-wi.