Wuj Richin Bix Chire ri Dios 68:28 - Kaqchiquel Bible

²⁸ Nimalej Dios, kan tak'utu' k'a ri awuchuq'a', tak'utu' ri awuchuq'a' ri xak'ut chiqawech roj.

Wuj Richin Bix Chire ri Dios 68:28 ပူးပေါင်းရင်းမြစ်များ

Wuj Richin Bix Chire ri Dios 138:8

Rat Jehová, kan xtaben k'a chupan ri nuk'aslen ri nawajo' rat. Ri ajoyowanik rat Jehová kan richin k'a jantape'. Roma ri' tabana' utzil man ta malij kan ri ja rat at banayon.

Wuj Richin Bix Chire ri Dios 71:3

Kinawewaj, achi'el xa ta ninwewaj-wi' chirij jun nimalej abej. Rat kan abin k'a chi kan yinakol, roma kan ja rat ri at nutobal yin.

Filipenses 1:6

Ri Dios ruchapon k'a jun utzilej samaj pa taq iwánima, y kan jujik chi xtuk'is-wi pa ruwi', toq xtapon ri q'ij richin nipe chik ri Jesucristo.

Wuj Richin Bix Chire ri Dios 42:8

Ri paq'ij ri Jehová xtuya' rutzil pa nuwi', richin keri' ri chi'aq'a', yin kan xtinbixaj ri rubi' rija', y kan yich'on k'a rik'in ri Dios ri rajaw ri nuk'aslen.

Wuj Richin ri Isaías 40:31

Jak'a ri kikuquban kik'u'x rik'in ri Jehová kan xtikik'ul k'ak'a' uchuq'a', achi'el uchuq'a' ri k'o kik'in ri kot toq anineq yebe chikaj. Kan xke'anin y man xkekos ta. Kan xkebiyin janila y kan man xtik'is ta ri kuchuq'a'.

2 Tesalonicenses 1:11

Roma ri' beneq-ruwech yojch'on rik'in ri Dios pan iwi' rix, richin chi xtuben ta chiwe chi yixtikir nik'uaj jun k'aslen utz ri ruk'amon chiwe chi'iwonojel ri xojoyox roma rija'. Y xtuben ta chiwe chi yixtikir niben ronojel ri utz ri nirayij, y ri samaj ri ichapon roma ikuquban ik'u'x rik'in ri Jesucristo.

Wuj Richin Bix Chire ri Dios 44:4

Rat, nimalej Dios, ri at nu-rey. Tabana' utzil taya' ri kolotajik chike ri e rijatzul kan ri Jacob.

Wuj Kichin ri To'onela' 4:10

Y ri Barac kan xerumol k'a pe chikikojol ri tzobaj richin ri Zabulón y ri Neftalí e 10,000 achi'a' chiri' pa Quedes. K'ari' xejote-q'anej pa Tabor y ri Débora kan beneq k'a kik'in.

1 Sam 9:21

Y ri Saúl xubij: ¿Achike roma nabij chuwe yin re ch'abel re'? Roma yin xa in rijatzul kan ri Benjamín, jun tzobaj ri janila ko'ol ok chikikojol konojel tzobaj richin ri Israel. Pa ruwi' re', ri e aj pa wachoch yin xa kan maneq ok qejqalen chikiwech ri ch'aqa' chik jay winaqi' richin ri tzobaj richin ri Benjamín, xcha'.