Wuj Richin Bix Chire ri Dios 68:27 - Kaqchiquel Bible

²⁷ Chiri' k'o-wi chuqa' ri tzobaj richin ri Benjamín, ja rija' ri k'o pa kiwi', jak'a ri e tata'al richin ri tzobaj Judá, ek'o chupan ri kimolojri'il, keri' chuqa' ri e tata'al richin ri tzobaj Zabulón y ri Neftalí.

Wuj Richin Bix Chire ri Dios 68:27 ပူးပေါင်းရင်းမြစ်များ

1 Sam 9:21

Y ri Saúl xubij: ¿Achike roma nabij chuwe yin re ch'abel re'? Roma yin xa in rijatzul kan ri Benjamín, jun tzobaj ri janila ko'ol ok chikikojol konojel tzobaj richin ri Israel. Pa ruwi' re', ri e aj pa wachoch yin xa kan maneq ok qejqalen chikiwech ri ch'aqa' chik jay winaqi' richin ri tzobaj richin ri Benjamín, xcha'.

Wuj Richin ri Isaías 11:13

Ri ch'upun-k'u'x ri k'o kik'in ri qawinaq ri ek'o pa xaman chire ri ruwach'ulew Israel kan xtik'is. Y man itzel ta chik xtikina' chiqe roj ri ojk'o wawe' pa ruwach'ulew Judá. Chuqa' ri ch'upun-k'u'x ri k'o kik'in ri qawinaq ri ek'o wawe' pa Judá kan xtik'is. Y man itzel ta chik xtikina' chike ri ek'o chiri' pa xaman.

Wuj Richin Bix Chire ri Dios 60:7

Ri ruwach'ulew Galaad y ri Manasés kan e wichin yin. ri ruwach'ulew ri k'o pa xaman kan achi'el jun tobel richin jolomaj chuwe yin, y ri Judá ri k'o pa xokon, kan jari' ri nuya'on richin nuq'et-tzij.

Wuj Richin Bix Chire ri Dios 47:9

Ri aj-raqen kichin ri ruwach'ulew kan nikimol k'a ki', kan achi'el nikimol-ki' ri rutinamit ri ru-Dios ri Abraham, roma kan pa ruq'a' ri Dios ek'o-wi konojel ri q'atoy taq tzij. Rija' kan k'o k'a pa ruwi' ronojel.

1 Crón 27:12

Ri beleje' ik': Ja ri Ebiézer ri aj-Anatot, rijatzul kan ri Benjamín.

1 Crón 15:3

Xeri' xerumol chik k'a konojel ri aj-Israel pa Jerusalem richin nikiq'axaj ri káxa chupan ri jay ri xuben.

1 Crón 12:29

Chupan ri tzobaj ri Benjamín, ri junan kijatzul rik'in ri Saúl, xe'apon e 3,000 achi'a'. E k'iy chike rije' kan xkiben achi'el ri nibix chike roma ri Saúl toq k'a k'es na.

1 Crón 12:16

Ek'o achi'a' chike ri e rijatzul kan ri Benjamín y e jujun chike ri tzobaj richin kan ri Judá, y xebek'oje' rik'in ri David akuchi rewan-wi-ri' chupan ri tobel.

Wuj Kichin ri To'onela' 20:35

Y ri Jehová xuben chi xetzaq ri aj-Benjamín pa kiq'a' ri ch'aqa' chik israelita; y chupan ri q'ij ri' ri israelita xekikamisaj 25,100 achi'a' aj-Benjamín chiri'.

Wuj Kichin ri To'onela' 5:18

Jak'a ri tzobaj richin Zabulón kan xkiya-ki' chuwi-kamik. Keri' chuqa' ri tzobaj richin Neftalí kan xkiya-ki' chuwi-kamik chupan ri oyowal.

Wuj Richin ri Rutikeribel 42:32

y oj kablajuj qach'alal-qi' y ri jun qachaq' xa xken yan y ri más ko'ol k'o kan awik'in rat re wawe' pa ruwach'ulew Canaán, xojcha' chire.

2 Sam 3:19

Chuqa' xch'on kik'in konojel ri winaqi' aj-Benjamín. Y k'ari' xbe pan Hebrón rik'in ri David richin xberubij chire ri achike nikich'ob ri benjamita y ri ch'aqa' chik israelita.

Wuj Richin Bix Chire ri Dios 26:12

Yin kan in jikil chawech, roma ri' kan xtinya' aq'ij chikiwech ri nuwinaq.

Wuj Richin ri Isaías 48:1

Tiwak'axaj k'a ri nuch'abel yin, rix israelita, rix ri ix rutzobaj kan ri Judá. Rix niya' itzij pa nubi' yin, y chuqa' ninataj ri nubi', yin ri i-Dios. Jak'a xa man qitzij ta niben, ni man niben ta pa ruchojmilal.