Wuj Richin Bix Chire ri Dios 68:26 - Kaqchiquel Bible

²⁶ Tinimirisaj ruq'ij ri Dios chupan ri molojri'il, Chi'iwonojel rix israelita tinimirisaj ruq'ij ri ajaw.

Wuj Richin Bix Chire ri Dios 68:26 ပူးပေါင်းရင်းမြစ်များ

Wuj Richin ri Isaías 48:1

Tiwak'axaj k'a ri nuch'abel yin, rix israelita, rix ri ix rutzobaj kan ri Judá. Rix niya' itzij pa nubi' yin, y chuqa' ninataj ri nubi', yin ri i-Dios. Jak'a xa man qitzij ta niben, ni man niben ta pa ruchojmilal.

Deut 33:28

Rix kan xkixk'ase' rik'in kuqubabel-k'u'x y ri iwijatzul kan xkek'ase' rik'in uxlanen roma ri chiri' e maneq chik etzelanel kichin. Chuwech ri ruwach'ulew kan xtiwachin ri trigo y ri uva, y ri chikaj kan xtiqaqa-pe job pa ruwi' ri iwulew.

Wuj Richin Bix Chire ri Dios 111:1

Tinimirisex ruq'ij ri Jehová. Yin xtinya' ruq'ij ri Jehová rik'in ronojel wánima. Beneq ruwech keri' xtinben chupan ri molojri'il kichin ri choj kik'aslen.

Wuj Richin Bix Chire ri Dios 26:12

Yin kan in jikil chawech, roma ri' kan xtinya' aq'ij chikiwech ri nuwinaq.

Wuj Richin Etamabel-Tzij 5:16

Rix achi'a' man k'a tiya' q'ij chi ri alaxibel-ya' ri k'o iwik'in choj nibiyin-el pa bey, man tichoxij-el choj keri' pa taq bey.

Wuj Richin Bix Chire ri Dios 107:32

Tinimirisaj ruq'ij chupan ri molojri'il kichin ri winaqi'. Y chupan ri molojri'il kichin ri rijita'q taq achi'a' ri k'o kiq'ij, tinimirisaj ruq'ij ri Jehová.

Ex 15:20

Y jak'a ri María, ri q'alajirisey ruch'abel ri Dios, ri rana' ri Aarón, xuchop jun q'ojom rubini'an pandero, richin xubixaj rubi' ri Dios. Y konojel k'a ri ixoqi' xkitzeqelibej-el y rije' kik'ualon chuqa' ki-pandero y yetzopiyaj ri yebixan.

Wuj Richin Bix Chire ri Dios 87:7

Konojel k'a bixanela' y q'ojomanela' ri ek'o chupan ri tinamit ri' xtikibij: Ronojel ri kikoten ri k'o kik'in kan rik'in ri Sión nipe-wi, xkecha'.