Wuj Richin Bix Chire ri Dios 68:17 - Kaqchiquel Bible

¹⁷ Ri carruaje ri e richin ri Dios, kan man e ajlatel ta. Chikikojol k'a ri' xpe-wi ri Dios toq xel-pe pa Sinaí, richin xpe chupan ri rachoch.

Wuj Richin Bix Chire ri Dios 68:17 ပူးပေါင်းရင်းမြစ်များ

Deut 33:2

Y xubij k'a: Ri Jehová k'a pa ruwi' ri juyu' Sinaí xpe-wi; kan k'a pa ruwach'ulew Seír oj rusaqirisan-pe; kan xyik'lun k'a pe pa ruwi' ri juyu' ri k'o pa Parán. Y pa 1,000 ángel ek'o rik'in, y pa rijkiq'a' ruk'amon-pe jun achi'el q'aq' nitzu'un.

Dn 7:10

Y chiri' kan nel-pe q'aq', kan achi'el k'a jun raqen-ya' ri nibusku'l. Kan pa taq 1,000 k'a ri yesamajin richin; kan man e ajlatel ta k'a ri ek'o-apo chunaqaj. Ri Dios ri tz'uyul chupan ri tz'uyubel xuchop k'a nuq'et-tzij, y xejaq k'a ri wuj ri ek'o chuwech.

Apocalipsis 5:11

Chirij ri' xintz'et k'a chi e janila k'iy ángel ri kisutin-rij ri jun ri tz'uyul chupan ri tz'uyubel richin q'atbel-tzij, ri e kaji' ri k'o kik'aslen y ri achi'a' ri k'o kiq'ij. Y ri ángel ri ek'o kan janila e k'iy, ri kan man ajlatel ta.

San Mateo 26:53

¿Rat nach'ob chi yin man yitikir ta ninwoyoj ri nata' y rija' yiruto'? Rija' nitikir yeruteq-pe kablajuj tzobaj ángel chinuto'ik.

Wuj Richin ri Habacuc 3:8

Nimalej Jehová, ¿kan niyakatej chuqa' awoyowal chikij ri raqen taq ya'? ¿Kan nipe chuqa' awoyowal chikij ri palou?*f2* Rat xape pa ruwi' ri sutz' richin yojakol, ri sutz' kan e achi'el kiej o carruaje xaben chike.

Apocalipsis 9:16

Y xintz'et k'a chi ri e aj-labal ri yech'oke' chirij taq kiej ri e beneq kik'in ek'o k'a 200,000,000.

Wuj Richin Bix Chire ri Dios 18:10

Xch'oke' k'a el chirij jun querubín,*f16* y xexik'an-el pa kaq'iq'.

Ex 3:5

Y ri Jehová xubij: Man kajel-pe, tawelesaj la axajab chi'awaqen, roma la akuchi at pa'el-wi wakami, kan wichin yin, xcha' chire.

2 Rey 2:11

Y toq rije' yetzijon e beneq pa bey, chaq k'ate' xok'ulun jun carruaje qiriren-pe koma kiej, y ri kiej y ri carruaje kan pa ruxaq q'aq' k'a e peteneq-wi. Y re' kan xeruch'er k'a ri Elías y ri Eliseo, y ri Elías xuk'uex k'a el chikaj pa jun surkum.

Wuj Richin Bix Chire ri Dios 9:12

Ri Dios kan ye'oqaqa chuk'u'x ri ek'o pa tijoj-poqonal y nrak'axaj ri kich'owen; y kan nuya' k'a rutojbalil chike ri kamisanela'.

Wuj Richin ri Isaías 2:2

Chupan ri ruk'isibel taq q'ij, xtijikibex k'a ri juyu' Sión, ri akuchi k'o-wi ri rachoch ri Jehová. Y jak'a juyu' ri' ri más nej jotol chikaj, kan janila nim chikiwech ri ch'aqa' chik juyu' ri ek'o chunaqaj. Y konojel k'a ri winaqi' richin ri ruwach'ulew xtikinojisaj ri ruwech.

Ez 43:7

Y xubij k'a chuwe: Rat Ezequiel, jare' ri ruk'ojelibal ri nutz'uyubal y ri akuchi xkipa'e-wi. Kan wawe' k'a xkik'oje-wi q'asen chikikojol ri awinaq israelita. Rije' y ri ki-rey man jun bey chik xtikiqasaj nuq'ij. Kan man jun bey chik xtikiya' kiq'ij ch'aqa' chik dios y man xkekilij ta chik. Chuqa' man xtikiben ta chik q'anej kiwachibel ri ki-rey akuchi yekiya-wi kiq'ij ri wachibel toq xeken yan el.

Ez 43:9

Wakami k'a, wi xtikimalij kan ri itzel taq banobel ri man niqa' ta chinuwech yin y wi man xtikiben ta chik ri wachibel ri kan nikiya' kiq'ij, k'ari' yin xkik'oje' chikikojol richin q'asen.