Wuj Richin Bix Chire ri Dios 68:10 - Kaqchiquel Bible

¹⁰ Ri qawinaq kan chiri' k'a pa tz'iran ruwach'ulew xek'oje-wi. Rik'in ri awutzil xaya' ri k'atzinel chike ri man jun k'o kik'in.

Wuj Richin Bix Chire ri Dios 68:10 ပူးပေါင်းရင်းမြစ်များ

Wuj Richin Bix Chire ri Dios 74:19

Roj ri oj achi'el jun ti paloma man qojajech pa kiq'a' ri itzel taq winaqi'. Man qojamestaj kan roj y qojato' pa kiq'a' rije'.

San Mateo 11:5

Chi ri moyi' yetikir chik yetzu'un; ri winaqi' ri man kan ta yetikir yebiyin roma e jetz', yebiyin jebel; ri e yawa'i' rik'in ri yabil ri nutaluj-ri', kan xech'ajch'ojir-el; ri man ye'ak'ex ta xek'achoj; ri kaminaqi' xek'astej; y ri winaqi' ri meba' kánima chuwech ri Dios, kan nitzijox k'a ri utzilej ch'abel richin kolotajik chike.

1 Pedro 5:3

Jak'a man roma ta chi ja rix ri yixchajin kichin, kan nik'o ruwi' ri niben chike. Xa kan ja rix kixuk'uan jun chojmilej k'aslen chikiwech.

San Lucas 1:53

Ri yewayjan, kan xuya' k'a ronojel ri nik'atzin chike, jak'a ri beyoma' xa choj keri' xeruteq-el.

Wuj Richin Bix Chire ri Dios 78:20

qitzij wi chi rija' xupaxij ri abej; chi xuben chi xbebulbu'x-pe ya' y xmu'e' ri ruwach'ulew rik'in ri ya' ri'. Jak'a ¿kan nitikir kami nuya' chuqa' qaway? ¿Kan nitikir kami nuya' ti'ij chiqe roj ri oj rutinamit?, xecha'.

Wuj Richin Bix Chire ri Dios 65:9

Kan no'atz'eta' k'a qa re ruwach'ulew y kan naya'aj; kan janila k'a nim beyomel naya' pa ruwi'. Rik'in ri ya' ri k'o awik'in, rat naben k'a chi nik'iy-pe ri tiko'n. Kan niwachin k'a roma kan keri' ri arayibel rat.

1 Sam 2:8

Nuben chire ri man jun k'o rik'in, richin nrelesaj-pe pa rumeba'il. Jak'a ri molonel nrelesaj-pe pa q'ayis richin nitz'uye' chikikojol ri tata'al, richin niya'ox ruq'ij. Roma ja ri Jehová rajaw ri ruch'okolibal ri ruwach'ulew y pa ruwi' ri' xuch'okoba-wi ri ruwach'ulew.

Deut 26:5

Y kere' k'a xtibij-apo chuwech ri Jehová ri qa-Dios: Ri qati't-qamama' e aj-Aram xebe-kela' xebe-kela' xkiben y xa juba' man xeken. Chuqa' xebek'oje' pan Egipto y e juba' ok. Chiri' janila xewinaqir. Kan xe'ok jun nimalej tinamit y xk'oje' kuchuq'a'.

Wuj Richin ri Q'axanri'il 16:3

Y xbekimolo' k'a ki' kik'in, y xkibij chike: ¿Achike roma toq rix janila nim iq'ij ibanon-q'anej, toq xa konojel ri winaqi' man yixkikoch' ta chik? Qonojel roj kan oj ch'aron richin ri Jehová y rija' kan k'o chuqa' qik'in roj y man nik'atzin ta richin nik'oje' ta chik jun pa qawi', xecha'.

1 Rey 8:36

wi keri', rat kan xke'awak'axaj k'a pe chila' chikaj y xtakuy ta rumak ri atinamit Israel, y xtak'ut ta k'a ri utzilej bey ri akuchi k'o chi yebiyin-wi, y xtaya' ta chik k'a pe ri job pa ruwi' re ruwach'ulew ri xkichinaj kan awik'in rat.

Wuj Richin Bix Chire ri Dios 65:10

Kan naben k'a chi ri boloj kan yemu'e-qa, y ri ya' yebiyin k'a chukojol. Rik'in ri job kan buyul-buyul k'a nuben ri ulew, y yojawurtisaj k'a rik'in ri qatiko'n.

Wuj Richin Bix Chire ri Dios 65:11

Toq napon ri jun juna', rat naben chi ri tiko'n niwachin pa ruk'iyal, y naben chi ri sutz', chuqa' nuk'en-pe beyomel pa ruk'iyal.

Wuj Richin ri Isaías 40:29

Rija' nuya' chik ruchuq'a' ri wineq ri janila kosineq, y nuya' ruchuq'a' ri wineq ri maneq ruchuq'a'.