Wuj Richin Bix Chire ri Dios 68:1 - Kaqchiquel Bible

¹ Ri Dios kan xtiyakatej y ri e etzelanel richin xa xtikitaluj-el-ki'; ri man ye'ajowan ta richin, xa xke'animej chuwech.

Wuj Richin Bix Chire ri Dios 68:1 ပူးပေါင်းရင်းမြစ်များ

2 Crón 6:41

¡Jehová Dios!, kayakatej k'a wakami richin yak'oje' chupan ri awachoch ri kan awichin rat, y chuqa' chupan re jay re' xtik'oje-wi ri káxa ri k'o ri nimalej awuchuq'a' chupan. Tabana' chi ri sacerdote kan jantape' ta k'a utz xtel ronojel chikiwech, y chi roj ri qakuquban qak'u'x awik'in xqojkikot ta k'a rik'in ronojel ri utzil ri naya' chiqe.

Wuj Richin Bix Chire ri Dios 21:8

Ri awuchuq'a' rat kan nitikir k'a chikij konojel ri e etzelanel awichin. Rat kan ye'atzeq k'a ri ye'etzelan awichin.

Wuj Richin Bix Chire ri Dios 44:26

Roma ri' Jehová, kayakatej richin yojato'. Qojakolo' rik'in ri ajoyowanik.

Wuj Richin Bix Chire ri Dios 59:11

Man ke'akamisaj-el jumul, richin chi ri nuwinaq nikik'en kina'oj chikij rije'; xa ke'ataluj k'a el rik'in ri awuchuq'a' y tabana' chike richin nikitej poqon, keri' tabana' chike, rat ri at nutobal yin.

Wuj Richin Bix Chire ri Dios 68:14

Toq ri Dios xerutaluj-el konojel ri rey chiri' pa juyu' Salmón, ri juyu' ri', kan achi'el xa ta xqaqa chuma-tew pa ruwi' nitzu'un.

Wuj Richin Bix Chire ri Dios 68:30

Ke'aq'ata' ri aj-Egipto ri e achi'el nima'q taq chikopi' chukojol ri q'ayis pop. Ke'awoqotaj ri ch'aqa' chik ruwach'ulew, ri e achi'el tzobaj achija' y alaji' taq wákix, ri winaqi' ri kan xaxe richin yebeyomer nikiqasaj kiq'ij ch'aqa' chik, ke'ataluj k'a el konojel winaqi' ri xaxe oyowal ri niqa' chikiwech.

Wuj Richin Bix Chire ri Dios 89:10

Rat kan xach'akon chirij ri chikop Rahab,*f92* y xaben chi xken. Rik'in ri nimalej awuchuq'a', xe'ach'ek y xe'ataluj ri e etzelanel awichin.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin ri Isaías 33:3

Konojel ri tinamit kan ye'animej toq nikak'axaj ri ach'abel rat Jehová. Y toq nayek-el ri aq'a' chikaj richin naben oyowal, ri tzobaj winaqi' richin re ruwach'ulew xa kan nikitaluj-el-ki'.

Ez 5:2

Y toq xtak'is ri oyowal chirij ri ruwachibel ri tinamit Jerusalem, jari' toq xtaporoj ri jun nabey chuyaj chire ri rusumal-awi' pa ruwi' ri xan. Ri jun chik chuyaj xtaya' pa ruwi' ri xan y k'ari' xtatzak'ij rik'in espada. Y chire ri rox chuyaj xtak'en kan ka'i-oxi' raqen rusumal-awi' y xtaxim chutza'n-qa ri atziaq. Y ri xtik'oje' kan xtak'eq-el pa kaq'iq'. Y re' nuk'exewachuj chi kan keri' xtinben iwik'in rix y kan xkixintzeqelibej rik'in espada.

Dn 2:35

K'ari' kan pa jun k'a ramaj ronojel ri q'eqapueq, ri xeq-ulew, ri q'enq'oj-pueq, ri saqipueq y ri q'anapueq xe'ok poqolaj, y xuk'uaj-el kaq'iq' ronojel, achi'el ri solot toq nijosq'ix ri ixin; y kan man jun k'a retal ri wachibel ri xk'oje' kan. Jak'a ri abej ri xwulan ri wachibel, xa kan xok k'a q'anej jun nimalej juyu' ri kan xunojisaj ronojel ri ruwach'ulew.

Wuj Richin ri Q'axanri'il 10:35

Y toq ri káxa richin ri Jehová niyak-el richin yebe, jari' toq ri Moisés nubij chire ri Dios: Qojatzeqelibej k'a el qajaw, y ri etzelanel awichin yek'is ta, y kan ta ye'animej chawech ri ye'ixowan awichin.

Deut 7:10

Y nuya' rutojbalil chike ri winaqi' ri ye'etzelan richin y chi'anin k'a xkeruk'is.