Wuj Richin Bix Chire ri Dios 66:13 - Kaqchiquel Bible

¹³ Yin kan xkinok k'a chupan ri awachoch, kan xtinporoj k'a chikop chawech, y xtinya' k'a apo ri nusujun chawe.

Wuj Richin Bix Chire ri Dios 66:13 ပူးပေါင်းရင်းမြစ်များ

Wuj Richin Bix Chire ri Dios 100:4

Qojq'ax-apo rik'in matioxinik pan okibel chire ri rachoch. Qojok-apo chupan ri ruwa-jay rik'in bix. Kan qojmatioxin chire y tiqaya' ruq'ij.

Wuj Richin Bix Chire ri Dios 56:12

Roma ri' xtintaqej k'a ri nusujun chawe nu-Dios yin. Kan xtinya' k'a sipanik richin matioxinik chawe.

Hebreos 13:15

Roma ri' jantape' k'a tiqaya' ruq'ij ri Dios pa rubi' ri Jesucristo. Kan tiqaq'alajirisaj rik'in ri qachi' chi ja rija' ri qaniman.

Wuj Richin ri Molojri'il 5:4

Toq rat k'o nasuj chire ri Dios richin naben, man k'a kayoke' richin naben, roma rija' kan man niqa' ta chuwech ri k'o nikisuj y xa man nikiben ta. Man k'a taben achi'el nikiben ri nakaneq taq winaqi'.

Wuj Richin Bix Chire ri Dios 118:19

¡Tijaqa' k'a chinuwech ri ruchi' ri rachoch ri Jehová, richin xkinok k'a apo y xtinbenya' ruq'ij!

Wuj Richin Bix Chire ri Dios 116:14

Wakami kan xtinben k'a ri nusujun chire ri Jehová, y xkinkitz'et k'a konojel ri nuwinaq.

Wuj Richin ri Nahum 1:15

Rix winaqi' aj-Judá titz'eta' ri achike k'amayon-pe ri utzilej rutzijol. Rija' kan peteneq k'a chuwa taq juyu'; kan peteneq k'a ri niq'alajirisan ri uxlanibel-k'u'x. Kan kixnimaq'ijun k'a rix aj-Judá; kan ke'iya' k'a ri isujun chire ri Jehová, roma man jun bey chik k'a xkepe chiwij ri e etzelanel iwichin. Rije' xa kan jumul k'a xkek'is-el.

Wuj Richin ri Jonás 2:9

Jak'a yin kan rik'in k'a bixanik xkimatioxin, y xtinsuj kamelabel chawe y xtinben ri nujikiban-pe chawe. Roma kan awik'in rat, Jehová, peteneq-wi ri kolotajik, xcha' ri Jonás.

Wuj Richin Bix Chire ri Dios 118:27

Ri Jehová kan jari' ri Dios, kan ruya'on k'a ri saqil pa qawi'. Roma ri' rix tik'ama-pe ruq'a' taq che' richin nitikeriba-q'anej ri nimaq'ij, y kixanpe k'a rik'in ri porobel.

Wuj Richin Bix Chire ri Dios 22:25

Jehová, yin kan xtinbixaj k'a ri abi' chikikojol ri wach'alal. Ri nusujun chawe, kan xtinben chikiwech ri nikiya' aq'ij.

Deut 23:22

Wi rix man jun nisuj man jun mak niben.

Deut 23:23

Ronojel k'a ri nisuj richin sipanik chire ri Jehová ri qa-Dios, kan k'o chi niben, kan tiya' k'a apo ri xisuj rik'in ronojel iwánima.

Deut 23:24

Toq yixok-apo chupan ri rulew jun iwinaq ri akuchi tikil-wi uva, man jun rubanon wi nitej ri janipe' niwajo', jak'a man jun tik'uaj-el pa taq iwachoch.

Wuj Kichin ri To'onela' 11:35

Y toq rija' xutz'et ri rumi'al, kan xuretz ri rutziaq chirij y xubij: ¡Numi'al yin, kan qitzij chi wakami xinaya' pa k'ayew! Kan ja chik k'a rat ri xatel-pe richin naya' re q'axo'n re' chuwe, roma yin kan k'o nusujun chire ri Jehová y man yitikir ta chik nintzolij-wi' chuwij, xcha'.

Wuj Richin ri Achin Job 22:27

K'ari' xkatikir k'a xkach'on rik'in, y rija' xkarak'axaj chuqa'; y man tamestaj taya' chire ri asujun chi naya' chire.

Wuj Richin Bix Chire ri Dios 65:2

Kan awik'in k'a rat xkepe-wi konojel ri winaqi', roma rat kan nawak'axaj ronojel ri ch'owen ri yeban awik'in.