Wuj Richin Bix Chire ri Dios 66:12 - Kaqchiquel Bible

¹² Xaben chiqe chi ri e etzelanel qichin xojkixeq'. Kan xaben k'a chiqe chi achi'el xa ta xojq'ax pa q'aq' y pa ya', chirij k'a ronojel re' xaya' uxlanen pa ruk'iyal chiqe.

Wuj Richin Bix Chire ri Dios 66:12 ပူးပေါင်းရင်းမြစ်များ

Wuj Richin ri Isaías 51:23

Pa ruk'exel ri' rija' xtuya' chike ri e etzelanel iwichin. Rije' ojer kan xkibij chiwe chi tik'aqa-qa-iwi' pan ulew richin chi xkeq'ax-el chiwij. Roma rije' kan xebiyin pan iwi', achi'el yebiyin chupan ri bey.

Santiago 5:11

Y keri' chuqa' tibana' rix wach'alal. Roma qetaman chi ri yekoch'on, jebel ruwa-kiq'ij. Achi'el xkoch'on ri achin Job, ri janila tijoj-poqonal xuk'owisaj. Y kan iwetaman k'a ri xuben ri ajaw rik'in ri pa ruk'isibel. Ri ajaw k'o joyowanik rik'in y yeruto' ri ek'o pa q'axo'n.

Hechos 14:22

Ri tinamit ri xebeq'ax-wi-pe, xkikuqubala' k'a kan kik'u'x ri qach'alal, y xkibila' kan chike chi tikuqer kik'u'x rik'in ri Jesucristo. Nikibila' k'a chi rik'in tijoj-poqonal ye'ok pa rajawaren ri Dios.

Wuj Richin ri Achin Job 36:16

Y ri Dios xarukol-pe, rat Job, chupan ri ruk'ayewal ri akuchi xak'oje-wi, xaruya' pa kikoten, y k'ari' xana' chi kan utz atk'o; ri pa ruwi' ri a-mesa kan xenuk'e' ronojel ri xk'atzin chawe.

Wuj Richin Bix Chire ri Dios 33:19

Kan yerukol k'a chuwech ri kamik; kan ruya'on k'a kik'aslen, stape' k'o wayjal.

San Lucas 16:25

Jak'a ri Abraham xubij chire: Toqaqa k'a chi'ak'u'x, chi toq xak'ase' chuwech ri ruwach'ulew, yalan jebel xak'owisaj ri ak'aslen, jak'a re Lázaro yalan tijoj-poqonal xuk'owisaj. Jak'a re wakami, rija' yalan jebel ri ruk'aslen ri xorila' wawe', y rat xa jun k'aslen richin tijoj-poqonal xawil.

2 Sam 15:17

Y toq ri David y konojel ri e beneq chirij xe'apon rik'in ri ruk'isibel jay chire ri tinamit, xepa'e-qa chiri'.

Wuj Richin ri Achin Job 5:19

Ronojel mul xkarukol chuwech ri ruk'ayewal, y man xtuya' ta q'ij chi ri etzelal xtapon awik'in.

Dn 3:26

Jari' k'a toq ri Nabucodonosor xjel-apo chuchi' ri q'aq', y xubij k'a chike: Sadrac, Mesac, Abed-negó rusamajela' ri k'aslik Dios, kixel-pe chiri', kixanpe, xcha'. Y rije' kan xe'el k'a pe chupan ri q'aq'.