Wuj Richin Bix Chire ri Dios 66:10 - Kaqchiquel Bible

¹⁰ Qa-Dios roj, ronojel re' xaben richin xojatejtobej; xojach'ajch'ojirisaj achi'el toq nijosq'ix ri saqipueq.

Wuj Richin Bix Chire ri Dios 66:10 ပူးပေါင်းရင်းမြစ်များ

Wuj Richin ri Isaías 48:10

Kan qitzij na wi chi ix nuya'on pa tijoj-poqonal, jak'a xaxe richin xixinch'ajch'ojirisaj, achi'el niban rik'in ri saqipueq. Xinya' ruk'ayewal pan iwi' richin nijel ri ik'aslen, achi'el nich'ajch'ojirisex ri saqipueq pa q'aq'.

Wuj Richin Bix Chire ri Dios 17:3

Rat kan atzuliben k'a ri wánima chi paq'ij chi chaq'a'. Kan in atejtoben y man jun itzel awilon chuwij, roma yin kan nubin chi kan man jun etzelal ri xtinbij.

Wuj Richin Etamabel-Tzij 17:3

Richin chi nitz'et wi utz ri saqipueq, niya'erisex pa jun bojo'y y ri q'anapueq niya'ox pan horno; jak'a richin nitz'et wi ch'ajch'oj ránima ri wineq, kan ja ri Jehová ri nitejtoben.

Wuj Richin ri Achin Job 23:10

Jak'a rija' kan retaman achike bey ri nuchapon-el, y toq yiruya' pa tejtobenik, kan yinok k'a achi'el ri q'anapueq toq nich'ich'an.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

Deut 13:3

kan man tinimaj k'a rutzij jun wineq keri'. Roma ri Jehová ri qa-Dios xa yixrutejtobej richin nutz'et wi kan qitzij niwajo' rija' rik'in ronojel iwánima, chupan chijun ik'aslen.

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

Deut 8:16

Y ri chiri' xojrutzuq rik'in aj-chikajil-wey, ri man jun bey kitz'eton ta ri qati't-qamama', y chuqa' kan xojruya' pa poqon y xojrutejtobej richin utz xqaben.

Wuj Richin Etamabel-Tzij 25:4

Taya'erisaj ri saqipueq richin chi nawelesaj ri tz'il chupan, y kan jari' utz chik chi niban jun qumbel rik'in, roma ri samajiy saqipueq.

Wuj Richin ri Malaquías 3:3

Y rija' kan xtitz'uye' pa rutz'uyubal richin xtuben ri q'atoj-tzij pan iwi' rix sacerdote. Kan xkixruch'ajch'ojirisaj achi'el yech'ajch'ojirisex ri q'anapueq y ri saqipueq toq yeq'axex pa q'aq', richin xtik'en-pe isipanik rik'in chojmilal.