Wuj Richin Bix Chire ri Dios 65:6 - Kaqchiquel Bible

⁶ Rik'in ri nimalej awuchuq'a', rat xe'ajikiba' ri nimalej taq juyu'. Kan at nojineq k'a rik'in uchuq'a'.

Wuj Richin Bix Chire ri Dios 65:6 ပူးပေါင်းရင်းမြစ်များ

Wuj Richin Bix Chire ri Dios 93:1

Ri Jehová jari' ri rey y xuwiq k'a ri' rik'in ruwaq'ijaj. Rija' kan k'o ruchuq'a' y xuch'okoba' k'a jebel ri ruwach'ulew, xuben chire chi man nisilon ta ri akuchi k'o-wi.

Wuj Richin ri Habacuc 3:6

Toq ri Jehová nipa'e-qa juba', ri ruwach'ulew kan nisilon. Xaxe nutzu', kan nuben chike ri winaqi' chi yek'ark'ot. Ri ojer taq juyu' kan yek'is chuwech rija'. Ri ojer taq ruwi' juyu' xa kan yewuluwu' k'a qa. Jak'a ri bey richin ri Jehová, ri' kan richin q'asen.

Wuj Richin ri Miqueas 6:2

Rix juyu' ri ix ruch'okolibal ri ruwach'ulew, tiwak'axaj chuqa' ri nuch'ojinik chikij ri nutinamit Israel, roma xtinben jun ch'ojikil kik'in.

Wuj Richin ri Isaías 51:9

Y ri winaqi' nikibij: Jak'a rat Jehová, kan takusaj k'a ri awuchuq'a'. Kan takusaj achi'el xakusaj ri ojer kan kik'in ri winaqi' chi wiq chi tanaj. Ja rat xak'ajin richin ri Rahab*f12* y xakamisaj ri nimalej chikop ri'.

Wuj Richin Bix Chire ri Dios 119:90

Rat kan naben-wi ri asujun pa kiwi' ri chi sol chi sol winaqi'. Ja rat xajikiban richin ri ruwach'ulew y kan jari' k'o wakami.

Wuj Richin Bix Chire ri Dios 24:2

Pa ruwi' ri palou xuben-wi ri ruwach'ulew. Xuya' kixe' ri ruwach'ulew chupan ri ya' ri nej e qajineq-wi.*f23*

1 Sam 2:4

Y rija' kan xuwulaj ri rute-kich'ab ri nikina' chi k'o kuchuq'a' y ri man jun k'o pa kiq'a', xuya' kuchuq'a'.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin ri Isaías 45:22

Kinitzeqelibej yin y yixkolotej iwonojel rix, roma yin ri in Dios, y man jun chik achi'el yin.

Wuj Richin ri Isaías 63:1

K'o k'a jun q'ij toq k'o jun ri xtuk'utuj: ¿Achike kami ri peteneq pa ruwach'ulew Edom, y k'o pa tinamit Bosrá, ri kan nich'ich'an ri rutziaq? ¿Achike kami ri rukusan-pe jun tzieq ri kan nitz'intz'ot y kan peteneq rik'in uchuq'a'?, xticha'. Ja yin Jehová ri yich'on pa ruchojmilal, y k'o wuchuq'a' richin yixinkol.