Wuj Richin Bix Chire ri Dios 65:4 - Kaqchiquel Bible

⁴ Kan jebel k'a ruwa-qaq'ij roj ri xojacha' rat richin yojk'oje' awik'in, richin chi yojk'oje' chuwa-jay chire ri awachoch. Kan xqojch'uch'u' k'a rik'in ri utzil ri k'o chupan ri awachoch.

Wuj Richin Bix Chire ri Dios 65:4 ပူးပေါင်းရင်းမြစ်များ

Wuj Richin Bix Chire ri Dios 84:4

Jebel ruwa-kiq'ij ri ek'o pan awachoch, ri kan jantape' nikiya' aq'ij.

Efesios 1:4

Roma toq k'a man jani k'o ta re ruwach'ulew, jari' toq ri Dios xojrucha' yan richin xojok richin rija' roma ri xaxe jun xqaben rik'in ri Cristo. Richin chi xojok loq'olej y man ta jun mak k'o pa taq qak'aslen. Kan roma k'a ri ajowabel ri k'o rik'in ri Dios.

Wuj Richin Bix Chire ri Dios 23:6

Kan qitzij na wi chi ri awutzil y ri awajowabal, kan xtaya' k'a pa nuwi' ronojel q'ij chire ri nuk'aslen. Rokik xtaya' nuk'aslen, yin xkik'oje' jantape' pan awachoch.

Wuj Richin Bix Chire ri Dios 36:8

Kan nikuqer k'a kik'u'x chire ri ruk'iyal ri kiway ri naya-pe. Rat naya' pa ruk'iyal ri nikiqum, kan achi'el jun raqen-ya' ri janila ruki'il.

Wuj Richin Bix Chire ri Dios 33:12

Jebel ruwa-kiq'ij ri winaqi' chi ja ri Jehová ri ki-Dios, ri tinamit ri xucha' richin xok richin.

Wuj Richin Bix Chire ri Dios 4:3

Tiwetamaj k'a chi ri Jehová e rucha'on ri choj kik'aslen chuwech rija'. Roma ri' kan xtrak'axaj toq yin xkich'on rik'in.

Apocalipsis 3:12

Ri xkech'akon xtinben chike chi xke'ok achi'el jun pilar richin ri rachoch ri nu-Dios y chiri' xkek'oje-wi jantape'. Y chikij k'a rije' xtintz'ibaj ri rubi' ri nu-Dios y ri rubi' ri rutinamit rija', ri k'ak'a' Jerusalem ri niqaqa-pe chila' chikaj. Y chiri' chuqa' xtintz'ibaj ri k'ak'a' nubi' yin.

Wuj Richin ri Jeremías 31:25

Chike ri e kosinaqi' y ri maneq kuchuq'a', yin xtinya' uxlanen pa ruk'iyal chike y jun k'ak'a' uchuq'a', xcha' ri Dios.

Wuj Richin Bix Chire ri Dios 63:5

Xaben k'a chi xch'uch'u' ri wánima achi'el xa ta jebel in wayneq. Kan rik'in k'a kikoten xtinbixaj bix chawe richin ninya' aq'ij.

Wuj Richin Bix Chire ri Dios 15:1

Jehová, ¿achike k'a ri xtik'oje' chupan ri awachoch? ¿Achike k'a ri xtik'ase' chupan ri juyu' ri acha'on rat?

Wuj Richin Bix Chire ri Dios 24:7

¡Wakami k'a tijaqa' ri okibel richin ri tinamit, chuqa' ri okibel ri kan ek'o-pe ojer, richin nok-apo ri rey ri k'o ronojel ruq'ij!

Wuj Richin Bix Chire ri Dios 17:15

Jak'a yin kan xtikuqer nuk'u'x toq xtinbentz'eta' awech; kan xtikuqer nuk'u'x toq xkik'astej chik q'anej awik'in rat.

2 Tesalonicenses 2:13

Jak'a roj beneq ruwech k'o chi yojmatioxin chire ri Dios iwoma rix qach'alal, ri janila yixajowex roma ri ajaw, roma kan pa rutikeribel-pe jari' toq xixrucha' yan richin yixkolotej chupan ri imak. Y xixkolotej roma xikuquba' ik'u'x rik'in ri qitzij, y roma ri rusamaj ri Loq'olej Espíritu.

Wuj Richin Bix Chire ri Dios 135:4

roma rija' kan ja ri e rijatzul kan ri Jacob ri xerucha'. Xucha' k'a ri tinamit Israel richin xok richin.

2 Crón 6:39

jari' k'a toq rat k'a chila' chikaj xtawak'axaj-pe ri kich'owen awik'in, y ri utzil ri nikik'utuj chawe. Y rat kan xke'ato' k'a pa ruchojmilal. Kan xtakuy k'a kimak ri atinamit.

Wuj Richin Bix Chire ri Dios 38:5

Roma ri nuch'ujerik, ri ch'a'k chuwij kan nipujan y kan chuw chik.

Wuj Richin ri Miqueas 7:18

Kan man jun chik Dios k'o achi'el rat Jehová, roma rat kan nakuy k'a ri qamak, roj ri xojkolotej kan. Man naya' ri awoyowal pa qawi' richin jantape', roma rat kan at jun Dios joyowanel.