Wuj Richin Bix Chire ri Dios 65:3 - Kaqchiquel Bible

³ Ri itzel taq qabanobal kan yojruch'ek, jak'a rat kan nakuy ronojel ri yakatajinenri'il ri yeqaben.

Wuj Richin Bix Chire ri Dios 65:3 ပူးပေါင်းရင်းမြစ်များ

1 Rey 9:3

Y xuk'uluba-pe ri ruch'abel ri Salomón y xubij chire: Yin kan xinwak'axaj ri ach'owen y ri utzil ri xak'utuj chuwe. Kan xinben yan k'a wichin chire re jay re xapaba-q'anej rat richin chi wawe' niya'ox-wi nuq'ij. Kan jantape' k'a xtik'oje' chinuk'u'x y kan xtinchajij ronojel q'ij.

2 Rey 19:20

Chirij ri' ri Isaías xuteq rubixik chire ri Ezequías y xubij chire: Ri Jehová ri qa-Dios nubij chi xrak'axaj ri xabij rat chire chirij ri Senaquerib rey richin ri Asiria.

2 Rey 20:5

Katzolin, y kere' tabij chire ri Ezequías: Rat at rey pa ruwi' ri nutinamit. Y yin in a-Dios rat, y ri ru-Dios chuqa' ri David ri ánima amama'. Xinwak'axaj ri ach'owen, y xintz'et ri ruya'al runaq'-awech. Wakami k'a xkatink'achojirisaj richin keri' pa rox q'ij xkabe-el pa wachoch richin naya' nuq'ij.

Wuj Richin Bix Chire ri Dios 38:4

Y roma ri ralal kan yijiq' yan. Kan achi'el k'a jun ejqa'n rubanon chuwij, ri kan man yitikir ta nink'uaj.

Wuj Richin Bix Chire ri Dios 40:12

Roma janila ruk'ayewal ri nuk'uluwachin kan man yitikir ta ninwajlaj. Ri numak kan xiruq'i' yan, y roma ri' kan man yitikir ta chik yitzu'un. Kan más k'a xek'iyer ke chuwech ri rusumal-nuwi', y kan janila xinmalij-qa nuk'u'x.

Wuj Richin Bix Chire ri Dios 51:7

Tabana' utzil tawelesaj ri numak, richin keri' xkinok ch'ajch'oj chawech. Kinajosq'ij, richin chi ri nuk'aslen xtok más seq chuwech ri chuma-tew.

Wuj Richin Bix Chire ri Dios 79:9

Nimalej Dios ri at qakolotajik roj. Tabana' utzil qojato' roma ri ruk'ojlemal ri abi'. Qojakolo' y takuyu' ri qamak roma ri nimalej abi'.

Wuj Richin ri Isaías 6:7

y xuya-apo ri q'aq' ri' chi nuchi', y xubij chuwe: Re q'aq' re' xuneq ri achi'. Y re' xuben chi kan xkuyutej k'a ronojel ri amak, richin kan man xtawejqalej ta chik, xcha'.

Wuj Richin ri Isaías 66:23

Xtibanatej k'a chi ronojel ik' y q'ij richin uxlanen, kan konojel k'a winaqi' richin chijun ruwach'ulew xkepe richin nokiya' nuq'ij. Yin Jehová ri yibin.

Wuj Richin ri Jeremías 16:19

Xinbij chire ri Jehová: Ja rat ri yaya'on wuchuq'a' jantape' y at to'oy wichin. Ja rat ri at nutobal toq k'o ruk'ayewal. Kan awik'in k'a rat xkepe-wi konojel tzobaj taq winaqi' richin re ruwach'ulew y xtikibij chawe: Ri qati't-qamama' xekisamajij ri dios ri man e qitzij ta ri man jun yetikir nikiben.

Wuj Richin ri Zacarías 13:1

Chupan ri q'ij ri' ri chiri' pa Jerusalem kan xtik'oje' k'a jun achi'el ralaxbal-ya' richin chi chupan ri' xtich'ajch'ojir ri kimak ri e aj pa rachoch kan ri David y konojel ri e aj chiri'.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

Gálatas 5:17

Roma ri rayibel ri' kan man yeqa' ta chuwech ri Loq'olej Espíritu. Y ri nrajo' ri Loq'olej Espíritu, man niqa' ta chikiwech ri itzel taq rayibel ri ek'o iwik'in rix. Roma ri' man kan ta yixtikir niben ri nirayij.

Hebreos 9:14

Wi k'o xk'atzin-wi ronojel ri', k'a tala' chik ri rukik'el ri Cristo ri man jun bey xmakun y rik'in ri ruchuq'a' ri Loq'olej Espíritu kan xuya-ri' pa kamik richin xutoj ri qamak chuwech ri Dios. Roma ri' rija' kan nitikir nuch'ajch'ojirisaj ri qánima chire ri mak ri nik'amon-pe kamik y nuben chiqe chi yojtikir niqasamajij ri k'aslik Dios.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.