Wuj Richin Bix Chire ri Dios 65:11 - Kaqchiquel Bible

¹¹ Toq napon ri jun juna', rat naben chi ri tiko'n niwachin pa ruk'iyal, y naben chi ri sutz', chuqa' nuk'en-pe beyomel pa ruk'iyal.

Wuj Richin Bix Chire ri Dios 65:11 ပူးပေါင်းရင်းမြစ်များ

Wuj Richin Bix Chire ri Dios 103:4

Ja rija' ri nikolon qichin chuwech ri kamik. Ri rutzil y ri rujoyowanik ri nuya' chiqe kan achi'el k'a jun corona nuben pa qajolon.

Wuj Richin Bix Chire ri Dios 5:12

Roma rat Jehová, nawurtisaj ri choj ruk'aslen, ri awutzil nusutij-rij achi'el jun tobel.

Wuj Richin Bix Chire ri Dios 36:8

Kan nikuqer k'a kik'u'x chire ri ruk'iyal ri kiway ri naya-pe. Rat naya' pa ruk'iyal ri nikiqum, kan achi'el jun raqen-ya' ri janila ruki'il.

Wuj Richin ri Hageo 2:19

Stape' man jun chik k'o chupan ri ik'ujay, y man jani yewachin-pe ri juwi-uva, ri wíkix, ri granado y ri olivo, jak'a re wakami rija' nutikeriba' nuya' chik urtisanik pan iwi', xcha' ri Hageo.

Wuj Richin Etamabel-Tzij 14:18

Ri nrichinaj kan ri wineq ri xa maneq runa'oj, ja ri man nitikir ta nich'obon chi utzil; jak'a ri e nowineq nikichinaj kan ri etamabel.

Wuj Richin ri Malaquías 3:10

Tik'uaj k'a chupan ri wachoch ri jun chire ri lajuj chire ronojel ri k'o iwik'in, richin kan k'o xtik'oje' chupan ri yakonabel. Kinitejtobej na pe y yin xtinben chi achi'el xa ta xtijaqatej-pe ri kaj richin xtiq'ejej-pe ri urtisanik y kan pa ruk'iyal ri xtiqaqa pan iwi'.

Joel 2:14

Rik'in juba' rija' xa nutzolij-ri' chirij, y xtuya' kan urtisanik pa qawi'; richin keri' xtik'oje' chik ri vino y ri jalajoj ruwech ixin richin niqaya-apo ri sipanik chire rija'.

Wuj Richin Bix Chire ri Dios 25:10

Kan jantape' k'a naya' ri utzil y ri qitzij pa kiwi' ri nikitaqej ri apixa'.

Wuj Richin Bix Chire ri Dios 104:3

Kan xajikiba' ri ruwi' ri awachoch pa ruwi' ri sutz'.*f99* Ri sutz' xe'ok achi'el jun carruaje uk'uey awichin. Rat kan yabiyin pa ruwi' ri kaq'iq'.

Romanos 11:17

K'o k'a jun q'ij xtik k'a jun che' richin oliwo. Chirij ri' xelesex-el jun ruq'a'. Chuqa' xtun-apo jun ti ruq'a-che' oliwo ri xa choj k'iyineq-pe pa juyu'. Ri nuwinaq judío kan e achi'el ri ruq'a-che' ri xelesex-el. Y rix ri man ix judío ta xa ix achi'el ri ti ruq'a-che' ri' ri xtun-apo pa kik'exel rije'. Xixtun-apo rik'in ri che' oliwo y k'iy utzil nik'ul.

Wuj Richin ri Achin Job 36:28

Ri sutz' ri' nuya-pe ya' y niqaqa-pe; y ri job ri' kan nich'orin k'a niqaqa pa kiwi' konojel winaqi'.

Deut 11:12

Ri ruwach'ulew ri' kan ja ri Jehová ri qa-Dios nichajin, y ri rutzubal kan ruya'on pa ruwi' richin q'asen.

Wuj Richin ri Achin Job 5:10

Ja rija' ri niya'on-pe ri job pa ruwi' ri ruwach'ulew. Nuteq k'a pe ri ya' pa ruwi' ri ulew ri yetikonej chuwech.

Wuj Richin Bix Chire ri Dios 68:10

Ri qawinaq kan chiri' k'a pa tz'iran ruwach'ulew xek'oje-wi. Rik'in ri awutzil xaya' ri k'atzinel chike ri man jun k'o kik'in.

Wuj Richin Bix Chire ri Dios 104:13

Jehová, kan k'a chila' chikaj akuchi atk'o-wi, naya'aj-pe re ruwach'ulew. Rik'in k'a ri asamaj rat yech'uch'u' konojel ri ek'o chuwech re ruwach'ulew.