Wuj Richin Bix Chire ri Dios 64:8 - Kaqchiquel Bible

⁸ Kan ja ri kaq' rije' ri nibanon chike richin yetzaq. Ri xketz'eton kichin kan xketze'en chikij.

Wuj Richin Bix Chire ri Dios 64:8 ပူးပေါင်းရင်းမြစ်များ

Wuj Richin Etamabel-Tzij 18:7

Ja ri ruchi' ri wineq ri maneq runa'oj, jari' ri nibanon chire chi nitzaq; kan ja wi ri ruchi' rija', jari' ri nibanon chi niqaqa pa pikbel ri ruk'aslen.

Wuj Richin Etamabel-Tzij 12:13

Roma ri mak ri ye'el pa ruchi' ri wineq, nitzaq pa pikbel richin ri wineq itzel; jak'a ri wineq ri kan choj ruk'aslen, rik'in ri ruchi' nikolotej chuwech ri ruk'ayewal.

Wuj Richin Bix Chire ri Dios 140:9

Man taya' q'ij chi ri e etzelanel wichin yinkich'ek. Tabana' chike chi ri ch'abel ri yekibila', chikij ta k'a rije' xtiqaqa-wi.

San Lucas 19:22

Roma ri' ri rey xubij k'a chire ri samajel ri': Rat at jun itzel samajel. Ri tzij ri xabij, jari' ri xtinkusaj richin ninq'et-tzij pan awi'. Roma awetaman chi yin kan in k'a'el-wi, chi yin kan ninch'ojij-wi numéro ri akuchi xa man jun nuyakon ta, y chuqa' kan ninwajo' nink'ul ri nel-pe chuwech ri tikoj ri xa man ja ta yin xitiko-qa.

San Mateo 21:41

Ri winaqi' xkibij k'a: Ri rajaw ri ulew man k'a xtujoyowaj ta kiwech ri itzel taq qajoy-ulew y xkeruk'is; y k'ari' ri rulew xtuya' chik kan pa qajik chike ch'aqa' chik qajoy taq ulew, ri kan xtikiya-wi ri uva qajibel richin, toq napon ri ruq'ijul, xecha'.

Wuj Richin ri Nahum 3:7

Konojel k'a ri xketz'eton awichin xke'animej chawech; Xkesik'in y xtikibij: ¡Ri Nínive xa xwulatej! ¿Achike k'a xtijoyowan ruwech? ¿Achike k'a xtikuquban ruk'u'x?, xkecha'.

Wuj Richin ri Jeremías 48:27

roma rix aj-Moab, kan xixyojoben chikij ri israelita y xixch'on chikij rije' rik'in joyobenik, chi achi'el xa ta e eleq'oma'.

Wuj Richin ri Jeremías 18:16

Jak'a re wakami ri iruwach'ulew xtok jun tz'iran. Konojel winaqi' richin ch'aqa' chik ruwach'ulew ri xkeq'ax keri' kan janila xtikimey y kan xtikisiloj ri kijolon. Y jantape' k'a xtikiyojobej.

Wuj Richin Bix Chire ri Dios 31:11

Kan in yakol k'a kitze'en ri e etzelanel wichin, y ri wachk'uljay chuqa' kan yinkiyojobej; ri etamayon nuwech nikixibij-ki' chinuwech, y ri yetz'eton wichin ye'animej toq yinkitz'et.

Wuj Richin Bix Chire ri Dios 22:7

Konojel k'a ri yetz'eton wichin, kan yetze'en chuwij; Nikiyumumula' kichi', nikisilola' ri kijolon y nikibij:

Wuj Richin ri Achin Job 15:6

Xa kan ja ri achi' rat ri nisujun awichin, y man ja ta yin. Kan ja ri achi' rat niq'alajirisan ri achike abanikil.

Apocalipsis 18:10

Jak'a roma nikixibij-ki' chuwech ri ruk'ayewal ri qajineq pa ruwi', kan k'a nej k'a xtikitzu-pe y xtikibij: Toq'ex ruwech ri Babilonia; jun tinamit ri k'o ruchuq'a' richin xk'oje' pa kiwi' konojel. Toq'ex ruwech roma xa pa jun ti ramaj xk'is pa ruq'a' ri ruk'ayewal ri xqaqa-pe pa ruwi', xkecha'.

Apocalipsis 18:4

K'ari' xinwak'axaj k'a chi k'o jun chik ri nich'on-pe chila' chikaj y nubij: Rix ri kan ix wichin chik yin, kixel k'a pe ri pa tinamit Babilonia, man xa kixqaqa chuqa' pa mak y yixilon chuqa' rix rik'in ri ruk'ayewal ri xtiqaqa pa kiwi' ri winaqi' aj chiri'.

Wuj Richin Bix Chire ri Dios 59:12

Kere' tikik'uluwachij roma jantape' yemakun rik'in ri ch'abel ri ye'el pa kichi', Kan ta xtiqasex kiq'ij roma ri kinimirisanen, y roma xaxe ri tz'ukuj-tzij ri xqa' chikiwech.

Wuj Richin Bix Chire ri Dios 52:6

Re' kan xtikitz'et k'a ri choj kik'aslen y xtikik'en rukiy ri Dios. Xketze'en k'a chawij rat y xtikibij:

Wuj Richin Bix Chire ri Dios 9:3

Ri e etzelanel wichin kan ye'animej k'a chawech rat. Toq nak'ut-awi' chikiwech, rije' xa yetzaq y yek'is.

Wuj Richin ri Q'axanri'il 16:34

Y toq xerubeq' k'a ri ruwach'ulew kan xesik'in k'a; y konojel k'a ri winaqi' ri ek'o-apo chikinaqaj, chuqa' xesik'in, xe'animej y nikibila' k'a: Re ruwach'ulew xa xqojrubeq' chuqa' roj, xecha'.

Wuj Richin Bix Chire ri Dios 144:6

Tak'aqa-pe ri koyopa' richin nikitaluj-el-ki' ri e etzelanel awichin. Tak'aqa-pe ri ach'ab richin ye'animej.