Wuj Richin Bix Chire ri Dios 64:2 - Kaqchiquel Bible

² Kinawewaj chuwech ri ch'obonik ri nikiben pan ewel ri e banoy taq etzelal, chikiwech ri itzel taq winaqi' ri kimolon-ki'.

Wuj Richin Bix Chire ri Dios 64:2 ပူးပေါင်းရင်းမြစ်များ

Wuj Richin Bix Chire ri Dios 143:9

Nimalej Jehová, kinakolo' chikiwech ri e etzelanel wichin roma kan xaxe awik'in rat ninto-wi-wi'.

Wuj Richin Bix Chire ri Dios 59:2

Kinajech'ej chikiwech ri nalex-pe ri etzelal kik'in. Kinakolo' chikiwech ri achi'a' ri e kamisanela'.

Wuj Richin ri Jeremías 11:19

Yin kan man jun k'a ninmey, achi'el jun ti karne'l ri yuqen-el richin nibekamisex y kan man wetaman ta k'a chi k'o itzel nikich'ob chuwij. Y nikibij chi yichoy-el achi'el jun che' ri jebel ruwech, richin yinkelesaj-el chuwech re ruwach'ulew, richin chi man jun chik xtinatan wichin.

Wuj Richin Bix Chire ri Dios 31:20

Kan ye'achajij k'a chuwech ri kich'obonik ri e banoy etzelal. Kan awik'in k'a rat nikito-ki' chire ri kiyoq'onik ri winaqi' ri'.

Wuj Richin Bix Chire ri Dios 27:5

Toq yin xkik'oje' pa ruk'ayewal, rija' kan xkirewaj chupan ri rachoch. Kan xkirukuch jebel pan ewel chiri' y xkiruchajij, xtuben chuwe chi achi'el xa ta ink'o pa ruwi' jun nimalej abej y man jun nitikir niq'i'on wichin.

Wuj Richin ri Jeremías 18:23

Jak'a rat Jehová, kan awetaman ronojel ri kich'obonik ri kibanon chuwij y chi kan nikajo' yinkikamisaj. Man k'a takuy ri itzel taq kibanobal, ni man tamestaj ri kimak. Kan tabana' k'a chike chi chawech rat xtikipajk'ij-wi ri kaqen y kan rik'in k'a ri awoyowal taya' ri rutojbalil pa kiwi', xicha'.

Wuj Richin Bix Chire ri Dios 56:6

Nikimol k'a ki' pan ewel; kitzuliben ri akuchi yiq'ax-wi yin, richin nikelesaj ri nuk'aslen.

Wuj Richin Bix Chire ri Dios 3:1

¡Jehová, kan janila k'a xek'iyer ri e etzelanel wichin! Kan janila k'a e k'iy ri e yakatajineq chuwij.

Hechos 25:3

Rije' xkik'utuj k'a jun nimalej utzil chire ri Festo chi tutaqa' ruk'amik ri Pablo, roma xa kan kinojin chik ajk'a jebel chi toq xtik'an-pe pa Jerusalem, nikiq'elebej ri pa bey, y nikikamisaj.

Wuj Richin ri Isaías 32:2

Chikijujunal rije' xke'ok achi'el tobel chuwech jun kaq'iq', y xke'ok achi'el jun jay, ri kan xtikito-ki' chupan chuwech jun q'eqel-job. Rije' kan xtikiben chike ri winaqi' richin xkech'uch'u', achi'el nuben jun ti raqen-ya' ri nibiyin chupan ri tz'iran ruwach'ulew, y achi'el rumujal jun nimalej abej chupan ri tz'iran ruwach'ulew.

Wuj Richin Bix Chire ri Dios 2:2

Yeyakatej k'a ri q'atoy taq tzij kichin ri ruwach'ulew, y ri tata'al nikiya' chikiwech, richin yeyakatej chirij ri Jehová y ri rey ri rucha'on rija'.

Wuj Richin ri Rutikeribel 4:6

K'ari' ri Jehová xubij chire ri Caín: ¿Achike roma janila xpe awoyowal y kan xjalatej la awech?

Wuj Richin ri Jeremías 18:19

¡Jehová kinawak'axaj k'a! ¡Tawak'axaj k'a ri nikibij ri e etzelanel wichin!

Hechos 24:9

Ri winaqi' ri e rachibilan-el ri Tértulo, kan nikibij k'a chi qitzij ri xubij.