Wuj Richin Bix Chire ri Dios 62:9 - Kaqchiquel Bible

⁹ Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

Wuj Richin Bix Chire ri Dios 62:9 ပူးပေါင်းရင်းမြစ်များ

Wuj Richin Bix Chire ri Dios 39:5

Rat kan abanon k'a chuwe chi xa ti juba' ok ri nuk'aslen. Ronojel ri nujuna' xa kan man jun ok chawech rat. Ri nuk'aslen xa kan chi'anin niq'ax, y man jun retal nik'oje' kan, achi'el nuben ri kaq'iq'.

Wuj Richin ri Isaías 40:17

Konojel k'a ri tzobaj winaqi' richin ri ruwach'ulew, chuwech rija' xa man jun kejqalen, y xa achi'el man e winaqi' ta.

Wuj Richin ri Isaías 40:15

Chuwech ri Jehová, roj ri tzobaj winaqi' richin ri ruwach'ulew man jun qejqalen; roj xa kan oj achi'el ok jun ti tz'uj ya' ri nitzaq kan pa jun nim k'ojelibel. Chuqa' xa kan oj achi'el ok ri poqolaj ri k'o chupan jun etabel. Ri Jehová yerutz'et ri taq ruwach'ulew ri ek'o pa ya' achi'el ri sanayi'.

Wuj Richin Bix Chire ri Dios 118:9

Más utz niqakuquba' qak'u'x rik'in ri Jehová, ke chuwech niqakuquba' qak'u'x kik'in ri e tata'al.

Wuj Richin Bix Chire ri Dios 39:11

Kan rik'in rutojbalil-mak nachojmirisaj ri ruk'aslen ri wineq, Ri rubeyomel kan nak'is, achi'el ri taq chikopi' ri nikichikopirisaj ri jel; Kan qitzij wi chi ri wineq xa q'axel, achi'el niq'ax ri kaq'iq'.

Romanos 3:4

Man keri' ta. Ri Dios kan qitzij wi nich'on, stape' konojel winaqi' e tz'ukuy taq tzij. Roma ri' kan tz'ibatel kan chirij ri Dios,*f5* Xtiq'alajin chikiwech ri winaqi' chi kan choj ri ruq'atbel-tzij ri xuya' pa kiwi'. Y kan ruk'amon toq rija' nuya' ruk'ayewal pa kiwi' ri winaqi'.

Wuj Richin Bix Chire ri Dios 116:11

Roma ri nuq'axo'n kan xinmalij k'a nuk'u'x, xinbij k'a chi konojel winaqi' xa e tz'ukuy taq tzij.

2 Sam 15:31

Y ri David kan retaman chik k'a chi ri Ahitófel k'o chikikojol ri e yakatajineq chirij. Roma ri' xuk'utuj utzil chire ri Dios chi xtuyoj ta ronojel ri ruch'obonik ri Ahitófel.

2 Sam 15:6

Y keri' k'a xuben kik'in konojel ri winaqi' israelita ri yepe rik'in ri rey richin nikichojmirisaj xabachike na'oj. Keri' xuben ri Absalón richin utz xtz'et koma ri winaqi', y xa kan rik'in rija' xkikuquba-wi kik'u'x.

1 Sam 23:12

K'ari' ri David xuk'utuj chik jun bey: ¿Ri winaqi' ek'o wawe' pa Queilá, xqojkijech kami el pa ruq'a' ri Saúl?, xcha'. Y ri Jehová xubij chi xkejach-el.

1 Sam 18:5

Y ri David kan nibe xabakuchi nitaq-wi-el roma ri Saúl, y ronojel ri nibix-el chire nuben rik'in na'oj. Y xukusex aj-raqen richin jun tzobaj aj-labal. Y re' kan xqa' k'a chikiwech konojel winaqi' y keri' chuqa' ri aj-raqen ri ek'o rik'in ri Saúl.

San Juan 19:15

Jak'a ri winaqi' ri kimolon-apo-ki', rik'in k'a kuchuq'a' xech'on-apo y xkibij: ¡Tikamisex! ¡Tikamisex! ¡Tikamisex chuwech cruz!, xecha-apo. K'ari' ri Pilato xubij k'a chike: ¿Ja ri i-rey ri niwajo' chi ninteq rukamisaxik chuwech cruz?, xcha'. Jak'a ri aj-raqen kichin ri sacerdote xa xkibij k'a apo: ¡Xaxe ri César ri qa-rey roj!, xecha'.

San Mateo 21:9

Ri winaqi' ri e nabey chuwech ri Jesús y ri ek'o kan chirij, kan rik'in k'a ronojel kuchuq'a' nikibij: ¡Nimalej ruq'ij ri riy-rumam kan ri rey David! ¡Kan utz wi ri ruq'ij ri peteneq pa rubi' ri qajaw Dios! ¡Kan nimalej ruq'ij chila' chikaj! ¡Matiox chire ri Dios!, yecha' k'a.

Dn 5:27

Ri TEKEL nel chi tzij chi rat xatetex yan k'a pa jun etabel y xnabex chi chupan ri aq'atoj-tzij man ja ta rubanik yatajin.

1 Sam 18:7

Ri ixoqi' yetzopiyaj, yebixan y nikibila': Ri Saúl xaxe e 1,000 xerukamisaj, jak'a ri David e 10,000, yecha'.

1 Sam 1:15

Y ri Ana xubij chire: Ni, yin man in q'abarel ta, ni man nuqumun ta pe vino. Yin xa janila niq'axon ri wánima y jari' ri ninbij chire ri Jehová.

2 Rey 19:14

Ri rey Ezequías xuk'ul k'a ri wuj ri uk'uan-apo koma ri achi'a' ri e taqon-el, y toq xutz'et yan ri nubij, jari' toq xbe-el pa rachoch ri Jehová y xurik' ri wuj chuwech ri Jehová.

Wuj Richin Bix Chire ri Dios 46:2

Roma ri', man xtiqaxibij ta qi', stape' nipe jun silonel, stape' wi ta ri nima'q taq juyu' yetzaq ta pa ruk'u'x ri palou.

Wuj Richin Bix Chire ri Dios 71:7

E k'iy ri kan yinkimey; jak'a yin kan awik'in rat ninto-wi-wi'.

Wuj Richin Bix Chire ri Dios 142:3

Jehová, toq yin kan janila yibison, rat kan atk'o wik'in richin natz'et ri nubey. Rat xatz'et chi ri akuchi yibe-wi, ri e etzelanel wichin nikiyala' pikbel pa nubey.

Wuj Richin ri Isaías 26:4

Kan tiqakuquba' qak'u'x rik'in ri Jehová tibe-q'ij tibe-seq, roma rik'in ri Jehová ri qajaw k'o-wi ri uchuq'a' richin q'asen.