Wuj Richin Bix Chire ri Dios 62:7 - Kaqchiquel Bible

⁷ Kan rik'in ri Dios k'o-wi ri nukolotajik y ri nuruwaq'ijaj; rik'in rija' k'o-wi ri nutobal ri akuchi ninto-wi-wi' yin.

Wuj Richin Bix Chire ri Dios 62:7 ပူးပေါင်းရင်းမြစ်များ

Wuj Richin Bix Chire ri Dios 3:3

Jak'a rat Jehová at to'onel wichin yin; rat ri yabanon chuwe chi k'o ruwa-nuq'ij y naben chuwe richin chi yitikir ninyek-wi'.

Wuj Richin ri Isaías 26:4

Kan tiqakuquba' qak'u'x rik'in ri Jehová tibe-q'ij tibe-seq, roma rik'in ri Jehová ri qajaw k'o-wi ri uchuq'a' richin q'asen.

Wuj Richin Bix Chire ri Dios 94:22

Jak'a yin kan ja rat Jehová ri at nutobal. Ja rat ri at nu-Dios richin ri nukolotajik.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin ri Jeremías 3:23

Man jun nik'atzin-wi yojbe-q'anej pa ruwi' taq juyu' y niqareq qachi', roma roj kan awik'in rat qajaw Dios niqil-wi ri kolotajik roj ri oj atinamit Israel.

Wuj Richin Bix Chire ri Dios 95:1

Kixanpe, qojch'on rik'in kikoten chire ri Jehová. Rik'in kikoten qabixala' bix chire ri qatobal y qakolonel.

Gálatas 6:14

Y nej k'a k'o-wi chuwe yin, chi ninben ta achi'el ri nikiben rije', roma yin man ninkanoj ta nuq'ij. Yin xa kan xaxe-wi ri qajaw Jesucristo ri xken ri ninya' ruq'ij. Y jak'a chuqa' rija' ri banayon chuwe chi xiken yan chikiwech ri ch'obonik aj-ruwach'ulew. Y re ch'obonik re' xeken yan chuqa' chinuwech yin.

Wuj Richin Bix Chire ri Dios 46:1

Ri Dios jari' ri quchuq'a' y rik'in rija' niqato-wi-qi'. Toq k'o ruk'ayewal kan chi'anin k'a yojruto'.

Wuj Richin ri Isaías 45:25

Jak'a yin, Jehová, xtinben chi ri winaqi' israelita kan xkech'akon, y kan xtel utzilej kitzijol, ncha' ri Dios.

Wuj Richin Bix Chire ri Dios 85:9

Kan qitzij na wi chi ri Jehová kan naqaj k'o-wi chike ri k'o rukiy rija' chikiwech; kan yeruto' richin chi ri ruk'ojlemal jantape' k'o chupan ri qaruwach'ulew.

Wuj Richin Bix Chire ri Dios 18:46

Nimalej ruq'ij ri Jehová roma ja rija' ri tobel wichin yin. Xtinnimirisaj k'a ri nu-Dios, ri xya'on ri nukolotajik.

Wuj Richin Bix Chire ri Dios 4:2

Rix achi'a', ¿k'a janipe' k'a yixtane' richin yiniyoq'? ¿K'a janipe' k'a yixtane' richin niqasaj nuq'ij y nibij tz'ukun taq tzij?

Wuj Richin Bix Chire ri Dios 16:8

Yin kan ja ri Jehová ri nuya'on pa nabey. Roma rija' k'o pa wijkiq'a', roma ri' kan man yitzaq ta.

Wuj Richin Bix Chire ri Dios 125:1

Ri ququl kik'u'x rik'in ri Dios kan jikil ek'o,*f109* e achi'el ri juyu' Sión, ri kan man nisilon ta, y kan jantape' ek'o.

Wuj Richin ri Isaías 33:16

Ja wineq re' ri xtik'ase' pa ruwi' taq juyu'. Xtrewaj-ri' chikikojol nima'q taq abej, y kan jantape' xtik'oje' ruway y ruya'.