Wuj Richin Bix Chire ri Dios 62:2 - Kaqchiquel Bible

² Kan xaxe k'a rija' ri nutobal y ri nukolotajik. Rik'in rija' ninto-wi-wi' y kan man xkijilijo' ta k'a.

Wuj Richin Bix Chire ri Dios 62:2 ပူးပေါင်းရင်းမြစ်များ

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin Bix Chire ri Dios 62:6

Kan xaxe k'a rik'in rija' ninto-wi-wi' y ja rija' ri nikolon wichin. Ja rija' ri nutobal y roma ri' kan man xkijilijo' ta k'a.

Wuj Richin ri Isaías 26:4

Kan tiqakuquba' qak'u'x rik'in ri Jehová tibe-q'ij tibe-seq, roma rik'in ri Jehová ri qajaw k'o-wi ri uchuq'a' richin q'asen.

Wuj Richin ri Isaías 32:2

Chikijujunal rije' xke'ok achi'el tobel chuwech jun kaq'iq', y xke'ok achi'el jun jay, ri kan xtikito-ki' chupan chuwech jun q'eqel-job. Rije' kan xtikiben chike ri winaqi' richin xkech'uch'u', achi'el nuben jun ti raqen-ya' ri nibiyin chupan ri tz'iran ruwach'ulew, y achi'el rumujal jun nimalej abej chupan ri tz'iran ruwach'ulew.

Wuj Richin Bix Chire ri Dios 89:26

Rija' kan xtubij k'a chuwe chi yin in rutata', chi yin in ru-Dios, in rutobal y chuqa' in rukolonel.

Wuj Richin Bix Chire ri Dios 59:17

Nu-Dios yin, ja rat ri at wuchuq'a', roma ri' ninbixaj ri abi'. Kan ja rat k'a ri at nutobal y ri ajoyowanik pa nuwi' kan richin jantape'.

Wuj Richin Bix Chire ri Dios 59:9

Yin kan ninto-wi' awik'in rat nu-Dios, chuwech ri etzelanel wichin; roma kan ja rat k'a ri at nuto'onel.

Wuj Richin Bix Chire ri Dios 37:24

Y stape' nupajk'ij raqen, man nitzaq ta kan jumul. Roma ja ri Jehová ri chapayon chiruq'a'.

Wuj Richin Bix Chire ri Dios 27:1

Ja ri Jehová ri saqil y kolotajik chire ri nuk'aslen. ¿Achoq chuwech ta k'a xtinxibij-wi'? Ja ri Jehová nichajin ri nuk'aslen. ¿Achike ta k'a roma xkik'ark'ot-qa?

1 Corintios 10:13

Y toq k'o jun tejtobenik nipe pa qak'aslen, man tiqabij chi xaxe roj ri yojk'uluwachin keri', roma konojel keri' nikik'uluwachij. Jak'a ri Dios kan ruya'on rutzij chi kan yojruto-wi, y man nuya' ta q'ij chi nik'o ruwi' ralal ri tejtobenik ri'. Jak'a nuya' chiqe ri uchuq'a' chi yojtikir yojik'o chupan ronojel.

Wuj Richin Bix Chire ri Dios 21:1

Jehová, ri rey kan janila nikikot rik'in ri ruchuq'a' ri xaya'; kan janila k'a nikikot rik'in ri ch'akonik ri xaya' chire.

Wuj Richin Bix Chire ri Dios 37:39

Jak'a ri kikolotajik ri choj kik'aslen kan rik'in ri Jehová peteneq-wi. Ja rija' ri kuchuq'a' chupan ri ruk'ayewal.

Wuj Richin ri K'uxla'anik 3:26

Kan más utz niqoyobej ri rutzil ri Jehová, Kan tiqoyobej k'a richin yojruto'.