Wuj Richin Bix Chire ri Dios 61:7 - Kaqchiquel Bible

⁷ Xtinq'et ta k'a tzij chawech richin q'asen. Kan kinato' rik'in ri awutzil y man kinamalij kan.

Wuj Richin Bix Chire ri Dios 61:7 ပူးပေါင်းရင်းမြစ်များ

Wuj Richin ri Rutikeribel 24:27

y xubij: Nim aq'ij-ak'ojlen rat Jehová ru-Dios ri wajaw Abraham y at nu-Dios chuqa' yin, rat janila xajoyowaj ruwech ri wajaw y xaben ri xasuj chire y chuqa' xak'ut ri bey chinuwech yin chi choj xinoqaqa-el pa kachoch ri rach'alal ri wajaw, xcha'.

Wuj Richin ri Rutikeribel 32:10

Yin man ruk'amon ta k'a richin xink'ul ronojel utzil re xaya' chuwe, y kan abanon wik'in ronojel ri qitzij. Toq yin xiq'ax-el pa ruwi' re raqen-ya' Jordán, man jun nuk'uan-el, xaxe re ti nuch'ame'y y wakami xitzolin-pe y e peteneq e ka'i' tzobaj winaqi' wik'in.

2 Sam 7:26

richin kan xtinimirisex ta ri abi' jumul, y ri winaqi' richin chijun ri ruwach'ulew xtiketamaj ta chi kan ja rat ri at Jehová k'iytisanel richin ronojel, ri at qa-Dios roj. Chuqa' kan xtiketamaj ta chi ri wijatzul kan xtik'oje' richin jantape' chawech rat.

Wuj Richin Bix Chire ri Dios 21:5

Kan xnimer ruq'ij roma rat kan xaya' ch'akonik chire; kan xaya' k'a ruwaq'ijaj y k'ojlemal chire.

Wuj Richin Bix Chire ri Dios 40:11

Jehová, tabana' utzil man naq'et ri awutzil pa nuwi' yin. Man yinamalij kan, y ri awajowabal chuwe kan man ta xtik'is.

Wuj Richin Bix Chire ri Dios 41:12

Ja k'a yin kan in ato'on roma ri ruchojmilal ri nuk'aslen. Xtaben k'a chuwe richin xkik'oje' chawech rat jantape'.

Wuj Richin Bix Chire ri Dios 43:3

Tataqa-pe ri asaqil y ri ach'abel, richin chi jare' xkinuk'uan akuchi atk'o-wi rat, pa ruwi' ri ajuyu'.

Wuj Richin Bix Chire ri Dios 57:3

Kan k'a chila' chikaj nateq-pe ri awutzil pa nuwi' y kan yirukol chuwech ri kich'abel ri e etzelanel wichin. Rat kan nateq k'a pe ri ajoyowanik pa nuwi' y kan naben wik'in ri nabij.

Wuj Richin Etamabel-Tzij 20:28

Ri kow nichapo richin ri rey, ja toq kan jebel runa'oj y kan k'o ri qitzijri'il pa ruk'aslen. Jari' ri nibanon chi man jun nisilon y nelesan-el ri pa rutz'uyubal.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.

San Lucas 1:33

Richin keri' ri Jesús nuq'et-tzij pan iwi' rix ri ix riy-rumam kan ri Jacob. Ri ruq'atbel-tzij richin tibe-q'ij tibe-seq, xcha' ri ángel chire ri María.

Hebreos 9:24

Ri Cristo man xok ta apo chupan ri rachoch ri Dios ri banon koma winaqi', ri xa ruwachibel ri rachoch ri Dios ri k'o chila' chikaj. Rija' kan xok k'a chila' chikaj, y kan rik'in-apo ri Dios k'o-wi, richin nich'on pa qawi' roj.