Wuj Richin Bix Chire ri Dios 6:2 - Kaqchiquel Bible

² Tajoyowaj nuwech, Jehová, roma kan maneq chik wuchuq'a'. Kinawaq'omaj, roma ri nuq'axo'n napon k'a chupan ri nubaqil.

Wuj Richin Bix Chire ri Dios 6:2 ပူးပေါင်းရင်းမြစ်များ

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Wuj Richin Bix Chire ri Dios 31:10

Kan xirijix yan qa roma q'axo'n; ri k'iy nujuna' nuben chuwe chi xaxe chik yijiq'ijo'x. Ri wuchuq'a' kan xk'is yan k'a roma ri numak; ri nubaqil kan maneq chik ruchuq'a' chuqa'.

Wuj Richin Bix Chire ri Dios 30:2

Jehová nu-Dios yin, xink'utuj to'onik chawe y kan xinak'achojirisaj.

Wuj Richin ri Jeremías 17:14

Kan ja rat Jehová kataq'oman wichin, richin xkik'achoj-el. Kinakolo' y xkikolotej, roma yin xa kan xaxe rat ri ninya' aq'ij.

Wuj Richin Bix Chire ri Dios 51:8

Tabana' chuwe chi kan xkikikot chik. Kan ta k'a xkich'uch'u' chik chire ri q'axo'n ri aya'on chuwe.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Wuj Richin Bix Chire ri Dios 38:7

Kan chijun k'a ri ruche'el-wij nirepo. Y kan maneq chik k'a ti juba' chire ri nuch'akul ri man ta yawa'.

Wuj Richin Bix Chire ri Dios 38:3

Y chuqa' roma ri', kan niq'axon k'a ri nuch'akul, y kan mulan k'a roma ri numak.

Wuj Richin Bix Chire ri Dios 32:3

Rokik man nuq'alajirisan ta ri numak, kan yimayamo' yan qa ninna' yin. Kan chi jun q'ij k'a yijilo roma q'axo'n.

Wuj Richin ri Rutikeribel 20:17

Roma ri' ri Jehová kan xuben k'a chike konojel ixoqi' ri ek'o chiri' chi man xk'oje' ta chik kal, roma ri Abimélec xuk'en-qa ri Sara. Y k'a ja toq xch'on na ri Abraham rik'in ri Dios pa ruwi', k'ari' ri Abimélec y ri rixjayil xek'oje' chik kalk'ual y konojel ri rusamajela' e ixoqi' xek'oje' chik kal.

San Mateo 4:24

Ri rutzijol ri Jesús xapon k'a pa ronojel tinamit richin ri ruwach'ulew Siria. Y kan xek'amalox-pe chuwech, yawa'i' ri man junan ta ruwech yabil nok chike. Ek'o ri kan q'axo'n richin ri ch'akulaj kik'uan, ek'o ri xa itzel taq espíritu ri e okineq kik'in. Ek'o k'a ri e ch'uja' y ek'o k'a chuqa' ri e sikirineq. Y kan konojel k'a re yawa'i' re' xeruk'achojirisaj-el.

Wuj Richin Bix Chire ri Dios 22:14

Ri wuchuq'a' kan xk'is yan k'a qa, achi'el nik'is ri ya' toq nitix pan ulew. Ronojel k'a ri nubaqil kan xe'el yan pa kik'ojelibal. Kan maneq chik oyobenri'il chuwe yin. Xa xk'is yan qa achi'el nik'is ri cera toq nimeq'e'.

Wuj Richin ri Achin Job 5:18

Roma rija' nisokon, y nupis chuqa' ri sokotajik; rija' nich'ayon rik'in tijoj-poqonal y nuya' ri raq'omal.

Wuj Richin ri Q'axanri'il 12:13

Y ri Moisés rik'in ruchuq'a' xch'on-q'anej rik'in ri Jehová y xubij k'a chire: ¡Wajaw yin, tabana' utzil tak'achojirisaj ri wana'!, xcha'.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Wuj Richin ri Achin Job 19:21

Rix ri ix wachibil, xa tijoyowaj k'a nuwech. Roma re ruk'ayewal re qajineq pa nuwi', kan ja ri Dios yoyon-pe.

Wuj Richin Bix Chire ri Dios 38:2

roma ri ruk'ayewal ri' kan e achi'el ch'ab ri ye'ak'eq-pe chuwij. Kan chuwij k'a yin xqaqa-wi.

Wuj Richin ri Jeremías 10:24

Toq yojmakun, tabana' utzil qojach'olij pa ruchojmilal, jak'a man rik'in ta awoyowal, roma wi keri', xa xqojak'is.