Wuj Richin Bix Chire ri Dios 6:1 - Kaqchiquel Bible

¹ Jehová, tabana' utzil man yinaya' pa ruk'ayewal toq awoyowal. Ni man taben chuwe richin nintej poqon rik'in ri awoyowal.

Wuj Richin Bix Chire ri Dios 6:1 ပူးပေါင်းရင်းမြစ်များ

Wuj Richin Bix Chire ri Dios 118:18

Rija' kan xuben k'a chuwe richin xintej janila poqon, jak'a kan man xuya' ta q'ij richin xinapon pa kamik.

Wuj Richin Bix Chire ri Dios 12:1

Jehová, qojato' roma ri choj kik'aslen xa xek'is, kan man jun chik k'a k'o chikikojol ri winaqi' ri choj ta niyibin chawech.

Wuj Richin Bix Chire ri Dios 2:5

K'ari' rik'in janila royowal xkeruch'olij, y kan xtusech kik'u'x.

Wuj Richin Bix Chire ri Dios 38:1

Jehová, tabana' utzil man yinach'olij toq k'o awoyowal. Man taya' ruk'ayewal pa nuwi' rik'in awoyowal,

Wuj Richin Bix Chire ri Dios 4:1

Nu-Dios yin, ri pa ruchojmilal yaq'aton-tzij, tak'uluba' k'a pe ri nuch'abel toq yich'on-q'anej awik'in; toq xik'oje' pa bis, rat xaya' uxlanen chuwe. Tajoyowaj k'a nuwech y tawak'axaj k'a ri nuch'owen.

Wuj Richin ri Isaías 54:9

Kan xinjikiba' k'a nutzij chiwech, achi'el xinjikiba' nutzij chuwech ri ánima Noé. Xinjikiba' chi ri ya' ri xmuqun ri ruwach'ulew chupan ri q'ij ri', kan man jun bey chik xtibanatej keri'. Y re wakami xinjikiba' nutzij iwik'in chi man jun bey chik xtipe woyowal chiwe, ni man jun bey chik xkixinch'olij.

Wuj Richin ri Isaías 57:16

Man chaq xtinya' ta rejqal ri nutinamit, ni man chaq xtinben ta oyowal kik'in ronojel mul. Wi keri' xtinben, xa xtimayamo-qa ri kánima ri winaqi' ri e nuk'iytisan yin.

Wuj Richin ri Jeremías 10:24

Toq yojmakun, tabana' utzil qojach'olij pa ruchojmilal, jak'a man rik'in ta awoyowal, roma wi keri', xa xqojak'is.

Wuj Richin ri Jeremías 46:28

Man tik'en rukiy rix ri ix rijatzul kan ri Jacob roma yin ink'o iwik'in. Stape' xkenk'is k'a konojel tzobaj winaqi' ri akuchi xixintaluj-wi-el, jak'a rix man xkixink'is ta. Xaxe k'a xtinya' jun xik'a'y chiwe richin yixchojmir, ri kan ruk'amon, roma kan man xkixinya' ta kan choj keri'. Yin Jehová ri yibin, xcha' ri Dios.