Wuj Richin Bix Chire ri Dios 59:7 - Kaqchiquel Bible

⁷ Kan nikik'aqala' k'a poqon taq ch'abel, y ri kaq' kan achi'el espada. y kan nikibij-qa chi man jun ye'ak'axan chire ri yekibij.

Wuj Richin Bix Chire ri Dios 59:7 ပူးပေါင်းရင်းမြစ်များ

Wuj Richin Bix Chire ri Dios 57:4

Yin achi'el xa ta chikikojol koj ink'o-wi, Ink'o chikikojol winaqi' ri nikajo' yinkik'is. Ri key kan achi'el ri kum y kokoj taq ch'ab, y ri kaq' kan achi'el k'a jun espada ri ya-ya' rey.

Wuj Richin Etamabel-Tzij 15:2

Ri raq' ri chojmilej wineq, kan jebel k'a rubixik nuben chire ri etamabel; jak'a ri ruchi' ri xa maneq runa'oj, kan nuchololej ch'abel ri xa maneq rejqalen.

Wuj Richin Bix Chire ri Dios 10:11

K'ari' nubij chik qa pa ránima: Ri Dios xa numestaj ronojel; rija' man nitzu'un ta pe, man jun bey xtutz'et re', nicha-qa.

Wuj Richin Bix Chire ri Dios 73:11

Kan nikibij k'a chi ri Dios man nretamaj ta ri nikiben rije', y chi man jun bey xtunabej.

Wuj Richin Etamabel-Tzij 15:28

Ri ránima ri wineq ri choj ruk'aslen, kan nuch'ob na jebel ri nubij chire ri nik'uluben richin; jak'a ri pa ruchi' ri wineq itzel, kan yecholol ye'el-pe ri itzel taq ch'abel.

Wuj Richin Etamabel-Tzij 12:18

Ek'o winaqi' ri man nikipoqonaj ta yech'on, y ri kich'abel xa yesokon achi'el espada; jak'a ri kaq' ri kan k'o-wi na'oj kik'in, ri ch'abel ri yekibij kan ye'aq'oman k'a.

Wuj Richin Bix Chire ri Dios 55:21

Ri ruch'abel kan jebel k'a nuben chire, Jak'a ri ránima xa nojineq chi oyowal. Ri ruch'abel kan e ch'uch'uj, más chuwech ri aceite ri niya'ox chirij jun sokotajik. Jak'a ri ch'abel ri' xa e achi'el jun espada ri nikamisan.

Wuj Richin Bix Chire ri Dios 10:13

¿Achi'el toq nakoch' chi yatkixowaj ri e banoy etzelal, y nikibij-qa pa kánima chi rat xa man naq'et ta tzij pa kiwi'?

San Mateo 12:34

Roma ri' ja rix ri ix q'olonela', y chuqa' ix kijatzul kan ri itzel taq q'olonela'. ¿Kan yixtikir kami nibij ri utz, toq xa ja ri etzelal k'o iwik'in? Roma jun wineq kan jak'a ri k'o pa ránima ri nubij.

Wuj Richin ri Jeremías 33:24

¿Man awetaman ta k'a chi ri winaqi' nikibij chi ri Israel y ri Judá xerucha' ri Jehová, jak'a wakami man xerajo' ta chik?, yecha'. Roma ri' kan xkiben chike ri nutinamit richin maneq kejqalen y man e jun ruwach'ulew ta.

Wuj Richin Bix Chire ri Dios 94:4

¿K'a janipe' kami xketane' richin nikibila' poqon taq ch'abel? ¿Kan jantape' kami xtikinimirisaj-ki' re e banoy taq etzelal?

Wuj Richin ri K'uxla'anik 3:62

Xawak'axaj yan k'a ri ch'abel ri yekibila' ri e yakatajineq chuwij. Rat kan atz'eton chik k'a ronojel ri ch'obonik ri jantape' yekibanala' chuwij,