Wuj Richin Bix Chire ri Dios 59:11 - Kaqchiquel Bible

¹¹ Man ke'akamisaj-el jumul, richin chi ri nuwinaq nikik'en kina'oj chikij rije'; xa ke'ataluj k'a el rik'in ri awuchuq'a' y tabana' chike richin nikitej poqon, keri' tabana' chike, rat ri at nutobal yin.

Wuj Richin Bix Chire ri Dios 59:11 ပူးပေါင်းရင်းမြစ်များ

Wuj Richin Bix Chire ri Dios 3:3

Jak'a rat Jehová at to'onel wichin yin; rat ri yabanon chuwe chi k'o ruwa-nuq'ij y naben chuwe richin chi yitikir ninyek-wi'.

Apocalipsis 9:6

Y ri q'ij ri' ri winaqi' xtikikanola' ri kikamik y man xtikil ta, roma ri kamik xa xtrewaj-el-ri' chikiwech.

San Lucas 21:21

Roma ri', wi rix ixk'o pa ruwach'ulew Judea, kixanimej k'a el y tibewewaj-iwi' ri pa taq juyu'. Wi pa Jerusalem ixk'o-wi, kixanimej k'a-el. Wi pa taq juyu' ixk'o-wi, man chik k'a kixok-apo pa Jerusalem.

Wuj Richin Bix Chire ri Dios 52:5

Roma ri' ri Dios kan xkaruk'is jumul. Xkaruchop k'a y xkarelesaj-el chupan ri awachoch. Y kan xtrelesaj k'a el ri ak'aslen.

Wuj Richin ri Achin Job 40:12

Kan katzu'un pa kiwi' ri kan nikina' chi nima'q kiq'ij y ke'aqasaj-pe ri akuchi ek'o-wi, Ri aj-maki' kan ke'ake'ej jumul, ri akuchi xke'awil-wi.

Deut 28:64

Y ri Jehová kan xkixrutaluj-el pa taq tinamit chuwech chijun ruwach'ulew, y yixapon k'a pa taq ruk'isibel chire ri ruwach'ulew; y chiri' rix xa xtiya' kiq'ij ri ch'aqa' chik dios ri e banon rik'in che' y abej ri man jun bey xiwetamaj ta kiwech y ni ta ri qati't-qamama' man xketamaj ta kiwech.

Deut 4:27

Ri Jehová yixberutaluj chikikojol ri winaqi' richin ri ch'aqa' chik ruwach'ulew y xa juba' ok chiwe rix ri xkek'ase' kan chikikojol ri tzobaj winaqi' ri'.

Wuj Richin Bix Chire ri Dios 106:27

Xerutaluj pa ch'aqa' chik tinamit, y chiri' xerukamisaj-wi chikikojol ri winaqi' ri'.

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Wuj Richin Bix Chire ri Dios 84:9

Tabana' utzil tatzu' rat ri at qatobal, taya' urtisanik pa ruwi' ri qa-rey.

Wuj Richin Bix Chire ri Dios 44:11

Xojajech k'a achi'el toq nuk'uex jun karne'l richin nibekamisex. Xa xojataluj k'a el chikikojol winaqi' ri man yatkitzeqelibej ta rat.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Wuj Richin ri Molojri'il 9:5

Ri k'a e k'es, k'a yech'obon na y ketaman chi k'o jun q'ij yebeken, jak'a ri xa e kaminaqi' man yech'obon ta chik. Maneq chik ch'akoj chikiwech y xa kan yemestex-qa chi'anin.

1 Sam 24:5

Y toq ri David xuben yan keri' kan janila xq'axon ri ránima, roma xutzak'ij kan juba' ruchi' ri rutziaq ri Saúl.

Wuj Richin Bix Chire ri Dios 118:7

Ri Jehová kan k'o wik'in yin, ja rija' ri nito'on wichin. Yin kan xkentz'et k'a ri e etzelanel wichin toq xketzaq.