Wuj Richin Bix Chire ri Dios 58:6 - Kaqchiquel Bible

⁶ Nu-Dios yin, tawulaj-el key ri e banoy etzelal, tawulaj-el key ri kan achi'el koj nikiben chuwij.

Wuj Richin Bix Chire ri Dios 58:6 ပူးပေါင်းရင်းမြစ်များ

Wuj Richin Bix Chire ri Dios 3:7

Jehová, ¡kayakatej k'a chikij! ¡Kinakolo' k'a nu-Dios yin. Tasoko' k'a ri kipalej ri e etzelanel wichin. Tawulaj k'a key ri e banoy taq etzelal.

Wuj Richin ri Miqueas 5:8

Keri' chuqa' ri xkekolotej kan chire ri qawinaq, ri kitalun-ki', xkeyakatej chikij ri e etzelanel kichin achi'el jun koj ri niyakatej chikij ri chikopi' ri ek'o pa k'echelaj. Xkekik'is achi'el jun koj ri yeruwech' ri q'ataj karne'l, y kan yeruk'is konojel. Y kan man jun xtitikir xtuto-ri' chuwech.

Os 5:14

Yin kan xkiyakatej k'a chirij ri Israel, achi'el toq niyakatej royowal jun koj. Xkiyakatej chuqa' chikij ri aj-Judá achi'el nuben jun alaj koj. Kan jak'a yin xkiwulan kichin, chirij ri' kan xkitzolej k'a; xkenchop k'a y man jun xkekolon pa nuq'a'.

Wuj Richin Bix Chire ri Dios 17:12

Rije' e achi'el jun koj ri royoben richin k'o niqaqa pa ruq'a', chuqa' achi'el ri alaj koj ri rewan-ri' richin niq'eleben.

Wuj Richin Bix Chire ri Dios 10:15

Jehová, tawelesaj kuchuq'a' ri e banoy etzelal; kan taya' k'a ri rutojbalil ri kimak, kan man jun mak tik'oje' kan ri maneq ta rutojbalil.

Wuj Richin ri Achin Job 29:17

Y chikikolik ri winaqi', yin kan k'o chi xench'ek ri maneq Dios chikiwech, kan xenmajij k'a kan ri winaqi' chikiwech.

Wuj Richin ri Isaías 31:4

Ri Jehová k'iytisanel richin ronojel xubij chuwe chi kan xtipe pa ruwi' ri juyu' Sión richin xtorubana' oyowal richin xtuto' ri rutinamit, achi'el nuben jun koj toq rukamisan chik jun karne'l, y kan niq'ajan-pe chirij ri napon-apo rik'in. Y stape' xtikimol-ki' e k'iy yuq'unela' chirij rija', man xtuxibij ta ri', ni man jun chire rija' ri kiraqoj-chi'ij ri yuq'unela'.

Wuj Richin Bix Chire ri Dios 91:13

Xqojbiyaj k'a chikikojol ri koj y ri kumetz. Stape' xqojq'ax pa kiwi' alaji' taq koj y pa kiwi' itzel taq kumatzi' ri kan yekamisan, man jun xtiqak'uluwachij.

Wuj Richin ri Q'axanri'il 23:24

Rije' kan xkebeyakatej-pe achi'el jun koj ri janila ruchuq'a'. Rije' man ye'uxlan ta, k'a toq k'o na jun ri kichapon. Man nikiq'et ta ki' k'a toq kik'uxun ri etzelanel kichin, y kiqumun chik kikik'el konojel ri xekikamisaj,

Wuj Richin ri Achin Job 41:14

¿Kan k'o ta kami jun wineq ri man nuxibij ta ri' nujoq' pa ruchi' ri chikop ri', ri akuchi e cholan-wi ri kamisanel y xibinel taq rey?

Wuj Richin ri Molojri'il 10:11

Wi ri kumetz xa xupurij yan jun wineq nabey, y k'ari' napon ri nitikir nibanon chire ri kumetz chi niniman y man jun nuben, xa man jun chik nik'atzin-wi chi napon ri wineq ri'.

Wuj Richin ri Jeremías 8:17

Xtinbentaqa' k'a pe pan iwi' kumatzi' ri k'o kamisanel-ya' pa kichi' y yixbekiti'. Y kan man jun xtitikir xtiq'aton kichin, ni ta ri aj-itza'. Yin Jehová ri yibin.