Wuj Richin Bix Chire ri Dios 56:9 - Kaqchiquel Bible

⁹ Ri e etzelanel wichin kan xketzolin k'a chikij, toq yin xkich'on awik'in. Jak'a yin kan wetaman, chi rat nu-Dios kan atk'o wik'in.

Wuj Richin Bix Chire ri Dios 56:9 ပူးပေါင်းရင်းမြစ်များ

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Wuj Richin Bix Chire ri Dios 118:6

Rija' kan k'o wik'in yin, roma ri' man xtinxibij ta wi', chire ri itzel ri xtuben ri wineq chuwe.

Wuj Richin Bix Chire ri Dios 102:2

Man tawewaj-awi' chinuwech toq yin ink'o pa q'axo'n. Tabana' utzil taya' axikin chire ri nuch'abel. Kan ta chi'anin xtak'uluba-pe ri nuch'abel toq yin yich'on awik'in.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Wuj Richin ri Jeremías 33:3

Kach'on k'a q'anej wik'in y yin xtink'uluba-pe ri ach'abel y kan xtink'ut k'a chawech nima'q taq banobel ri ewatel chawech rat.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

Wuj Richin Bix Chire ri Dios 9:3

Ri e etzelanel wichin kan ye'animej k'a chawech rat. Toq nak'ut-awi' chikiwech, rije' xa yetzaq y yek'is.

Wuj Richin Bix Chire ri Dios 27:2

Toq xkimol-ki' chuwij ri e etzelanel wichin richin nikajo' yinkich'ek y yinkikamisaj, jari' toq xkipajk'ij kaqen y xetzaq.

2 Rey 20:5

Katzolin, y kere' tabij chire ri Ezequías: Rat at rey pa ruwi' ri nutinamit. Y yin in a-Dios rat, y ri ru-Dios chuqa' ri David ri ánima amama'. Xinwak'axaj ri ach'owen, y xintz'et ri ruya'al runaq'-awech. Wakami k'a xkatink'achojirisaj richin keri' pa rox q'ij xkabe-el pa wachoch richin naya' nuq'ij.

Wuj Richin ri Malaquías 3:16

Y toq xkak'axaj ronojel re', ri winaqi' ri k'o rukiy ri Dios chikiwech kan xech'on chikiwech ri chi kachibil-ki'. Y ri Dios kan xuya' ruxikin chike y xerak'axaj k'a. K'ari' ri Jehová xutz'ibaj kibi' chupan jun wuj richin natabel kichin ri k'o rukiy chikiwech, y ri nikinimirisaj ri rubi'.