Wuj Richin Bix Chire ri Dios 56:5 - Kaqchiquel Bible

⁵ Jantape' k'a yinkisokola' rik'in ch'abel; ri kich'obonik chuwij, xaxe k'a richin yinkiya' pa k'ayew.

Wuj Richin Bix Chire ri Dios 56:5 ပူးပေါင်းရင်းမြစ်များ

San Lucas 11:54

Rije' kan man nikiya' ta k'a kan juba' ri Jesús, k'o ta nikajo' chi nikak'axaj chi rija' k'o ta jun ch'abel ri man ruk'amon ta ri nubij.

San Mateo 22:15

Jari' toq ri fariseo xebe richin xbekiya' chikiwech richin achike ta jun nikiben richin chi ri Jesús nitzaq ta pa kiq'a' rik'in ri nubij.

Wuj Richin Bix Chire ri Dios 41:7

Konojel ri e etzelanel wichin nikimol k'a ki' y yexebeloj chuwij. Kan ruyon k'a itzel taq ch'obonik nikibanala' y nikibij chi

2 Pedro 3:16

Y chupan ronojel ri ruwuj k'o tzij ke taq re' yerubij. Y ek'o k'a chike re tzij ke taq re' ri k'ayew richin yeq'ax. Y roma ri' ri winaqi' ri maneq ketamabal y man kikuquban ta kik'u'x xa nikisuq'ula-qa ri ruch'abel. Rije' keri' nikiben rik'in ch'aqa' chik tzij ri nubij chupan ri ruch'abel ri Dios. Y roma ri' xa kamik nikoyoj-qa chikij.

1 Sam 18:21

Y xubij-qa: Xtinya' ri Mical chire ri David, y re' xtik'atzin richin jun pikbel chire richin xtitzaq pa kiq'a' ri aj-Filistea, xcha-qa. K'ari' ri Saúl xubij chik chire ri David: Wakami kan xkatok-wi nuji', xcha'.

San Juan 2:19

Ri Jesús xubij k'a chike: Tiqasaj k'a pan ulew re jun jay re', ri kan richin ri Dios, y yin pan oxi' q'ij xtinyek chik jun bey, xcha'.

1 Sam 18:17

K'o k'a jun q'ij ri Saúl xubij chire ri David: Yin xtinya' chawe ri numi'al nimalaxel Merab richin xtok awixjayil, wi xtak'ut chi at jun achin ri k'o awuchuq'a' y maneq xibinri'il chawech richin naben oyowal qoma roj ri oj rutinamit ri Jehová, xcha' chire. Jak'a ri Saúl xubij-qa pa ránima: Man ja ta yin ri xkikamisan, xa ja ri aj-Filistea xkekamisan richin, xcha-qa.

San Mateo 26:61

Rije' xkibij: Re achin re' rubin: Yin yitikir ninwulaj ri rachoch ri Dios y pan oxi' q'ij ninpaba' chik jun bey chayineq, xubij rija', xecha'.

Wuj Richin ri Jeremías 18:18

Chirij ri' ri winaqi' xkibij: Qach'obo' k'a rij achike niqaben chire ri Jeremías, roma jantape' ek'o ri e sacerdote ri yech'on chirij ri pixa', ri achi'a' aj-na'oj ri nikiya' pixabanik chiqe y ri ch'aqa' chik e q'alajirisey ruch'abel ri Dios ri nikiya' rutzijol chiqe. Qojch'on k'a itzel chirij y man qojniman chire, xecha-qa.

1 Sam 18:29

Jari' toq xuk'en más rukiy. Ri Saúl kan xok k'a etzelanel richin ri David ronojel q'ij.

1 Sam 20:33

Jari' toq ri Saúl xuk'eq jun kum chirij ri ruk'ajol richin nukamisaj. Jari' toq ri Jonatán xq'ax chuwech chi ri rutata' kan nrajo-wi nukamisaj ri David.

1 Sam 20:7

Jak'a wi ri atata' man jun xtubij, nel chi tzij chi k'o uxlanibel-k'u'x pa nuwi' yin, y wi niyakatej royowal, tawetamaj k'a chi k'o ruk'ayewal niberuya' pa nuwi'.

1 Rey 18:2

K'ari' ri Elías xbe richin niberuk'utu-ri' chuwech ri Acab. Y ri wayjal ri chiri' pa Samaria kan janila k'ayew rubanon.

Wuj Richin Bix Chire ri Dios 49:6

Ri kikuquban kik'u'x rik'in ri kibeyomel, y ri kan nikinimirisaj-ki' rik'in ronojel ri k'o kik'in,

Wuj Richin Bix Chire ri Dios 118:6

Rija' kan k'o wik'in yin, roma ri' man xtinxibij ta wi', chire ri itzel ri xtuben ri wineq chuwe.