Wuj Richin Bix Chire ri Dios 56:13 - Kaqchiquel Bible

¹³ Roma xinakol chuwech ri kamik y xinajech'ej chuwech ri pikbel, richin chi yibiyin chuwa saqil chawech rat.

Wuj Richin Bix Chire ri Dios 56:13 ပူးပေါင်းရင်းမြစ်များ

Wuj Richin ri Achin Job 33:30

Richin chi nukol ri ránima ri wineq y man napon ta pa jul richin kamineq, richin nusaqirisaj rik'in ri saqil richin k'aslen.

Wuj Richin Bix Chire ri Dios 145:14

Rat Jehová kan ye'atemej k'a ri yetzaq yan qa; kan ye'ayek k'a ri e k'ayewatajineq.

Wuj Richin Bix Chire ri Dios 49:15

Jak'a ri nuk'aslen yin kan xtukol ri Dios chuwech ri jul ri', roma rija' xkiruk'uaj-el k'a akuchi k'o-wi.

1 Tesalonicenses 1:10

Y chuqa' nikitzijola' chi iwoyoben ri q'ij toq ri Jesucristo, ri Ruk'ajol ri Dios, xtipe chik jun bey. Rija' xk'astej-pe chikikojol ri kaminaqi' roma ri ruchuq'a' ri Dios. Y chuqa' iwetaman chi ja rija' ri xqojkolon chuwech ri ruk'ayewal ri xtipe.

Wuj Richin Bix Chire ri Dios 17:5

Kan nutzeqeliben ri abey, roma ri' kan man yitzaq ta.

Wuj Richin ri Isaías 2:5

Y ri israelita xtikibij: ¡Wakami k'a roj ri oj aj pa rachoch kan ri Jacob, qojbiyin pa saqil ri ruya'on kan ri Jehová!, xkecha'.

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Wuj Richin ri Isaías 38:3

y xubij: Jehová, nink'utuj utzil chawe re wakami chi yinoqaqa ta chi'ak'u'x chi yin kan choj ri nuk'aslen ri nubanon-pe chawech, y rik'in ronojel wánima nubanon ronojel ri niqa' chawech rat, xcha'. K'ari' xuchop janila oq'ej.

Wuj Richin Bix Chire ri Dios 94:18

Toq yin xa kan yijilijo' yan, y xich'on awik'in, jari' k'a toq rat Jehová xinato' chi'anin rik'in ri awajowabal ri man k'isel ta.

Santiago 5:20

Y tiwetamaj k'a chi wi nitzolej chik pe ruk'u'x jun aj-mak, y rija' nuchop jun k'aslen utz, kan xiben k'a chire chi nikuyutej ri janipe' mak ri e rubanalon, y nikolotej chuwech ri kamik ri nuk'en-pe ri mak.

Hebreos 2:15

Qonojel roj, kan jantape' k'a xqaxibij-qi' chuwech ri kamik. Y roma ri' kan xojxime'. Jak'a ri Jesús xken richin chi xojrelesaj chupan ri ximonri'il ri'.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

San Juan 8:12

Ri Jesús xch'on chik k'a jun bey kik'in ri fariseo, y xubij: Ja yin ri yisaqirisan kik'aslen ri winaqi' ri ek'o chuwech re ruwach'ulew. Ri nitzeqeliben wichin, kan xtinsaqirisaj k'a y xtril ruk'aslen wik'in. Y rija' man chik k'a xtibiyin ta pa q'equ'm, xcha'.

2 Corintios 1:10

Y ja rija' ri xojkolon-pe chuwech ri kamik ri', y kan keri' xtuben. Kan qakuquban k'a qak'u'x rik'in chi re beneq-apo kan xqojrukol-wi k'a chuwech ri kamik achi'el ri rubanon-pe qik'in.

Wuj Richin ri Chojmirisabelri'il 23:38

Pa ruwi' ronojel ri sipanik ri' k'o chi nisuj ri sipanik richin ri q'ij richin uxlanibel, ri sipanik roma ri ibin chi niben y ri sipanik richin matioxinik ri nalex-pe pan iwánima richin niya' chuwe.