Wuj Richin Bix Chire ri Dios 55:5 - Kaqchiquel Bible

⁵ Kan janila k'a nuxibin-wi' y kan yik'ark'ot. Kan man jun chik yitikir ninben roma ri xibinri'il.

Wuj Richin Bix Chire ri Dios 55:5 ပူးပေါင်းရင်းမြစ်များ

Wuj Richin Bix Chire ri Dios 119:120

Yin kan ninxibij k'a wi' chawech rat Jehová. Ri apixa' kan k'o rejqalen chinuwech yin.

Wuj Richin ri Achin Job 21:6

Toq kan noqaqa chinuk'u'x ronojel ri nuq'axan-pe, nipe tewulej-ya' chuwij, ninxibij-wi' y nibeyikik-pe ri nuch'akul.

San Lucas 22:44

Y kan janila k'a q'axo'n ri k'o pa ránima. Roma ri' kan rik'in k'a ronojel ránima nich'on rik'in ri Dios. Y roma ri' xuchop nitz'oqpin. Y ri ya' ri nel chirij kan nima'q taq tz'uj, achi'el toq jun nibiyin rukik'el.]*f36*

Ez 7:18

Xtikikusaj k'a tzieq qiriqoj-qiriqoj retal richin bis, kan xkebaybot roma xibinri'il, kan xtikaqer ri kipalej roma k'ix y xtikisokaj ri rusumal-kiwi' retal richin k'ixbilal.

Wuj Richin ri Isaías 21:4

Kan sachineq nuk'u'x, y ri xibinri'il kan xuya' tew chuwij. Y ri chi'aq'a' ri kan janila woyoben richin yinuxlan, xa kan janila nink'en rukiy.

Wuj Richin Bix Chire ri Dios 61:2

Kan k'a pa ruk'isibel chire ri ruwach'ulew xkich'on-wi awik'in, kan xkich'on k'a awik'in toq ri wánima janila nibison. Kinak'uaj, k'a pa ruwi' ri abej ri más nim chinuwech yin.

Wuj Richin Bix Chire ri Dios 42:6

Ink'o wawe' akuchi nitiker-wi-el ri raqen-ya' Jordán, pa juyu' Hermón y ri Misar. Janila yibison, y roma ri' kan janila yatinquqa' rat.

Wuj Richin ri Achin Job 6:4

Kan in sokotajineq k'a roma ri ch'ab ri e richin ri Dios ri k'o ronojel uchuq'a' pa ruq'a'. Ri nuk'aslen kan nuk'ul k'a ri kamisanel aq'om ri ek'o-pe chikitza'n ri ch'ab ri'. Kan ronojel k'a ri xibinri'il ri nuya' ri Dios kan kisutin-wij.

2 Sam 15:14

K'ari' ri David xubij chike konojel ri e tata'al ri k'a ek'o rik'in: Qojyakatej y qojanimej, roma man xqojtikir ta xtiqakol-qi' chuwech ri Absalón. Wi man xqojanimej ta, man xqojkolotej ta, y ri Absalón kan xtuben k'a janila chi kamik. Jo' chi'anin richin man yojruq'i' ta y yojruk'is roj y konojel ri winaqi' richin re tinamit, xcha'.

Wuj Richin Bix Chire ri Dios 18:6

Chupan k'a ri nimalej bis ri' xich'on rik'in ri Jehová, xink'utuj utzil chire richin yiruto'. Rija' kan xirak'axaj-pe k'a ri akuchi-k'o-wi, ri nuch'owen rik'in, xapon k'a chuwech rija' y kan xrak'axaj.