Wuj Richin Bix Chire ri Dios 55:4 - Kaqchiquel Bible

⁴ Kan janila k'a niq'axon ri wánima, yin ninna' chi ri kamik niqaqa yan pa nuwi'.

Wuj Richin Bix Chire ri Dios 55:4 ပူးပေါင်းရင်းမြစ်များ

Wuj Richin Bix Chire ri Dios 116:3

Yin kan chuwi' kamik chik k'a ink'o-wi. Ri rukiy ri jul muqbel kamineq xa kan xoqaqa yan k'a chuwij. Xa kan ruyon chik k'a bis y q'axo'n ri wilon.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

Wuj Richin Bix Chire ri Dios 88:3

Roma yin kan xik'o yan nuk'u'x chire re q'axo'n re ninq'axaj, ri nuk'aslen xa kan naqaj chik k'o chire ri kamik.

Wuj Richin Bix Chire ri Dios 69:20

Ri q'axo'n kan rusokon k'a ri wánima y kan in k'ayewatajineq. Kan xinwoyobej chi k'o ta jun xjoyowan nuwech y kan man jun. Xinwajo' chi k'o ta xkuquban nuk'u'x, jak'a kan man jun.

Wuj Richin Bix Chire ri Dios 6:3

Chuqa' ri wánima kan janila nibison. Y rat Jehová ¿K'a jampe' k'a xkinato'?

San Juan 12:27

Yin kan janila k'a niq'axo ri wánima wakami. Jak'a man ruk'amon ta chi ninbij chire ri nata' chi kirukolo' chuwech re q'axomal re' y xa kan roma ri' xinoqaqa, xcha'.

2 Sam 16:7

Rokik nuk'aqala' abej, ri Simí kere' k'a nubij chire ri David: Katel-el wawe' rat ri at banoy etzelal y at kamisanel.

Wuj Richin Bix Chire ri Dios 42:10

Ri q'axo'n ri nikiya' chuwe ri e etzelanel wichin kan k'a chupan ri nubaqil napon-wi. Ronojel q'ij nikik'utula' chuwe akuchi k'o-wi ri nu-Dios.