Wuj Richin Bix Chire ri Dios 55:10 - Kaqchiquel Bible

¹⁰ Ri etzelal kan chaq nisutiyaj k'a chirij ri tinamit chi paq'ij chi chaq'a'. Chupan ri tinamit kan xaxe k'a ri itzel taq banobel y ri itzel taq ch'obonik k'o.

Wuj Richin Bix Chire ri Dios 55:10 ပူးပေါင်းရင်းမြစ်များ

Ez 9:4

Y xubij chire chi tibe chukojol ri tinamit y tuya' ketal nik'aj-kiwech ri winaqi' ri yebison y yejilon, roma ri itzel taq banobel ri yekiben ch'aqa' chik winaqi' chiri', ri kan nrixowaj rija'.

Hechos 9:24

Ri winaqi' ri ye'ajowan yekamisan ri Saulo, kan chi paq'ij chi chaq'a' koyoben k'a apo akuchi niban oken y elen ri pa tinamit, richin nikikamisaj. Jak'a ri kich'obonik ri kibanon chirij, xapon rutzijol rik'in ri Saulo.

San Juan 18:28

Nimaq'a' yan xkelesaj-el ri Jesús ri chiri' pa rachoch ri Caifás, richin chi nibejach pa ruq'a' ri Pilato ri k'o chiri' pa jay richin q'atbel-tzij. Jak'a ri e uk'uayon-apo richin ri Jesús man k'a xe'ok ta apo ri pa jay, roma chike rije' xa xajan y man xkajo' ta ye'ok man e ch'ajch'oj ta. Roma wi man e ch'ajch'oj ta man yetikir ta nikinimaq'ijuj ri Solbelri'il.

San Juan 18:3

Roma ri' ri aj-raqen kichin ri e sacerdote y ri fariseo xekiteq-el jujun chajinela' richin ri rachoch ri Dios richin nikachibilaj-el ri Judas e rachibilan-el ri jun tzobaj aj-labal aj-Roma. Rije' kan kik'ualon k'a candil y q'aq' richin saqil, y chuqa' kik'ualon jalajoj ruwech kamisabel. K'ari' ri Judas xeruk'uaj-el ri chiri'.

Os 7:6

Ri kánima rije' kan nik'a'on k'a richin nikiben etzelal chire ri rey, kan junan rik'in jun horno ri niya'ox ruq'aq'al. Ri koyowal rije' kan chijun aq'a' nik'a'on y toq niseqer-pe, ri koyowal xa kan achi'el xa ta ruxaq q'aq' nuben-el.

Wuj Richin Bix Chire ri Dios 59:6

Re winaqi' re', ri pa taq tiqaq'ij yepe y kan yeba'on achi'el tz'i', yebiyajilan chupan chijun ri tinamit, nikikanoj achoq ik'in nikiben oyowal.

1 Sam 19:11

Y ri Saúl chi'anin xeruteq-el rusamajela' chirachoch ri David richin chi tikichajij, y nimaq'a' yan tikikamisaj kan. Jak'a ri Mical xubij chire ri David: Wi man xtakol ta el awi' chupan re aq'a' re', chua'q nimaq'a' yan xkakamisex, xcha'.

2 Sam 15:31

Y ri David kan retaman chik k'a chi ri Ahitófel k'o chikikojol ri e yakatajineq chirij. Roma ri' xuk'utuj utzil chire ri Dios chi xtuyoj ta ronojel ri ruch'obonik ri Ahitófel.

Wuj Richin Bix Chire ri Dios 58:3

Rix ri ix banoy etzelal kan pan isanti'il k'a xich'er yan iwi'. Kan xaxe k'a toq xixalex, xich'er kan iwi' richin ri tz'ukuj-tzij.

Wuj Richin ri Habacuc 1:3

¿Achike roma aya'on q'ij chi roj k'a niqatej na poqon? ¿Achike roma rat kan akoch'on natz'et-pe ri itzel banobel ri nikiben ri nuwinaq? Kan xaxe k'a ri kamik y ri wululen ri k'o xabakuchi. Xabakuchi yetz'ukutej-wi-el oyowal y ch'ojinik.