Wuj Richin Bix Chire ri Dios 55:1 - Kaqchiquel Bible

¹ Nu-Dios yin, tabana' utzil tawak'axaj ri nuch'owen. Man tawewaj-awi' chinuwech.

Wuj Richin Bix Chire ri Dios 55:1 ပူးပေါင်းရင်းမြစ်များ

1 Pedro 3:12

Ri rutzubal ri Jehová ruya'on k'a pa kiwi' ri choj kik'aslen. Rija' kan nrak'axaj ri kich'owen. Ri Jehová kan nuteq k'a pe ri royowal pa kiwi' ri man utz ta nikiben.

Wuj Richin Bix Chire ri Dios 86:6

Nimalej Jehová, tabana' utzil tawak'axaj ri nuch'owen, kan tik'oje' chi'ak'u'x ri nuk'utunik ri ninben chawe.

Wuj Richin Bix Chire ri Dios 61:1

Nu-Dios yin, tabana' utzil tawak'axaj ri nuch'abel. Kan tak'ulu' ronojel ri nuch'owen ri ninben awik'in.

Wuj Richin Bix Chire ri Dios 27:9

Jehová man tawewaj-awi' chinuwech. Man taya' ri awoyowal pa nuwi' yin ri in asamajel, roma kan ja rat k'a ri at nuto'onel yin. Man kinaya' kan, ni man kinawisq'opej kan, nu-Dios y nukolonel yin.

Wuj Richin Bix Chire ri Dios 80:1

Tawak'axaj ri qach'owen, rat nimalej Jehová ri yachajin ri tinamit Israel. Qojachajij k'a, achi'el nuben jun yuq'unel kik'in ri taq rukarne'l. Rat ri atk'o pa kiwi' ri kiwachibel ri querubín,*f80*

Wuj Richin Bix Chire ri Dios 64:1

Nu-Dios yin, tabana' utzil tawak'axaj ri nusujunik. Tachapa' ri nuk'aslen roma kan ninxibij-wi' chikiwech ri e etzelanel wichin.

Wuj Richin Bix Chire ri Dios 84:8

Jehová Dios k'iytisanel richin ronojel, tabana' utzil tawak'axaj ri nuch'owen. Kinawak'axaj k'a nimalej qa-Dios roj israelita.

Wuj Richin Bix Chire ri Dios 80:4

Jehová, Dios k'iytisanel richin ronojel, ¿K'a janipe' k'a nik'o-qa ri awoyowal chirij ri qach'owen?

Wuj Richin Bix Chire ri Dios 5:1

Tabana' utzil Jehová, tawak'axaj ri nuch'abel. Tatzu' k'a ri nuq'axo'n.

Wuj Richin ri K'uxla'anik 3:8

Stape' yisik'in richin nink'utuj to'onik, jak'a ri Jehová kan man nrak'axaj ta ri nuch'abel.

Wuj Richin Bix Chire ri Dios 143:7

Tabana' utzil Jehová, tak'uluba-pe ri nuch'abel chi'anin roma yin xa yiken yan qa. Man tawewaj-awi' chinuwech, man taben chuwe chi in achi'el chik jun kamineq.

Wuj Richin Bix Chire ri Dios 28:1

Ja ri abi' rat ninnataj Jehová, nuto'onel yin. Man k'a tapoqonaj nak'uluba-pe ri nuch'abel. Roma wi keri' xa kan in ajlan chik k'a chikikojol ri kaminaqi'.

Wuj Richin Bix Chire ri Dios 17:1

Jehová, rat atz'eton chi yin maneq numak, tawak'axaj k'a ri nuch'abel. Tabana' utzil tawak'axaj ri nuch'owen, roma re' kan man richin ta q'oloj.

Wuj Richin Bix Chire ri Dios 6:1

Jehová, tabana' utzil man yinaya' pa ruk'ayewal toq awoyowal. Ni man taben chuwe richin nintej poqon rik'in ri awoyowal.

Wuj Richin ri K'uxla'anik 3:56

Roma ri' rat kan xawak'axaj k'a ri nuch'abel. Toq xink'utuj utzil chawe, rat kan xinato'.