Wuj Richin Bix Chire ri Dios 54:6 - Kaqchiquel Bible

⁶ Yin kan rik'in k'a ronojel wánima xtinsuj sipanik chawe. Kan xtinbixaj k'a ri nimalej abi' rat Jehová, roma kan janila at utz wik'in yin.

Wuj Richin Bix Chire ri Dios 54:6 ပူးပေါင်းရင်းမြစ်များ

Wuj Richin Bix Chire ri Dios 52:9

Nimalej Dios, yin kan xtinya' k'a aq'ij jantape' roma keri' abanon chuwe. Kan xtinkuquba' nuk'u'x awik'in rat. Y roma ri' xtinya' aq'ij chikiwech ri winaqi' ri yatkitzeqelibej, roma kan jari' ri ruk'amon richin ninben.

Wuj Richin Bix Chire ri Dios 147:1

Tinimirisaj ruq'ij ri Jehová, roma kan utz wi chi niya'ox ri bix chire ri qa-Dios. Kan jebel y kan ki' toq niya'ox ruq'ij rija'.

Wuj Richin Bix Chire ri Dios 7:17

Jak'a yin kan xtinya' ruq'ij ri Jehová, roma rija' kan pa ruchojmilal nuq'et-tzij, Kan xtinbixaj k'a ri rubi' ri nimalej Jehová.

Wuj Richin Bix Chire ri Dios 140:13

Kan qitzij chi ri choj kik'aslen kan xtikiya' aq'ij. Ri choj yebiyin chawech kan xkebek'oje' awik'in richin q'asen.

Wuj Richin Bix Chire ri Dios 107:22

Chuqa' tisuju' sipanik richin matioxinik chire. y kan titzijoj k'a rik'in kikoten ronojel ri nuben rija'.

Wuj Richin Bix Chire ri Dios 116:17

Kan xtinsuj jun sipanik richin matioxinik chawe. Jak'a ri abi' rat ri xtinnataj beneq ruwech.

Wuj Richin Bix Chire ri Dios 92:1

Nimalej Jehová, kan janila k'a jebel ri niya'ox aq'ij rat. Ri nibixex ri nimalej abi' kan janila jebel.

Wuj Richin Bix Chire ri Dios 21:13

Jehová, kan xtiqanimirisaj k'a ri abi' rat, roma ri nimalej awuchuq'a'. Xqojbixan k'a y xtiqaya' aq'ij, roma ri uchuq'a' ri k'o pan aq'a'.

Wuj Richin Bix Chire ri Dios 50:14

Ri abix richin matioxinik, jari' ta ri sipanik chire ri Dios. Kan tabana' k'a ronojel ri asujun chire ri nimalej Dios.

Wuj Richin Bix Chire ri Dios 118:7

Ri Jehová kan k'o wik'in yin, ja rija' ri nito'on wichin. Yin kan xkentz'et k'a ri e etzelanel wichin toq xketzaq.

Wuj Richin ri Isaías 50:7

Roma kan ja ri ajaw Jehová ri xito'on, kan man xsach ta nuk'u'x. Roma ri' kan kow xik'oje' achi'el jun abej y wetaman chi kan man xkik'ixbitej ta.

Wuj Richin ri Isaías 50:9

Yin kan ja ri Jehová k'iytisanel richin ronojel ri xtito'on wichin. Roma ri' kan man jun xtitikir chuwij. Roma konojel ri e etzelanel wichin xa kan xkek'is, achi'el nuben jun tzieq tzia'q, ri kan janila xkusex, ncha' ri samajel.