Wuj Richin Bix Chire ri Dios 54:1 - Kaqchiquel Bible

¹ Nu-Dios yin, tabana' utzil kinakolo' roma ri nimalej abi'. Kan kinato' k'a rik'in ri awuchuq'a'.

Wuj Richin Bix Chire ri Dios 54:1 ပူးပေါင်းရင်းမြစ်များ

1 Sam 26:1

Ri David rewan-ri' chiri' pa juyu' Haquilá, ri k'o pa relebel-q'ij chire ri tz'iran ruwach'ulew.

Wuj Richin Bix Chire ri Dios 20:1

Ja ri Jehová xtak'axan awichin chupan ri q'ij richin bis; kan ja ri ru-Dios ri Jacob ri xtikolon awichin.

Hechos 4:12

Y kan man jun chik k'a ri nilitej ta kolotajik rik'in. Roma chuwech re ruwach'ulew xa kan man jun chik ri ya'on ta pe chiqe roj winaqi' richin yojkolotej ta, xcha' ri Pedro.

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin Bix Chire ri Dios 79:9

Nimalej Dios ri at qakolotajik roj. Tabana' utzil qojato' roma ri ruk'ojlemal ri abi'. Qojakolo' y takuyu' ri qamak roma ri nimalej abi'.

Wuj Richin Bix Chire ri Dios 48:10

Kan achi'el k'a ri utzilej atzijol, keri' ri ruya'ik aq'ij chuwech chijun re ruwach'ulew. Ri awijkiq'a' xaxe ri ruchojmilal ri nuben.

San Mateo 1:21

Ri ak'ual ri xtralaj, ti ala', y Jesús*f1* ri rubi' ri xtaya'. Keri' xtubini'aj roma ja rija' xtikolon kichin ri awinaq chupan ri kimak, xcha'.

Wuj Richin ri Isaías 30:27

Tiwak'axaj k'a rix ri aj-Asiria: Ri Jehová kan xtipe nej rik'in oyowal. Y xtuk'en-pe jun nimalej q'eqel-sib. Rik'in ri ruch'abel xtak'axatej chi rija' janila royowal, y kan xtel q'aq' pa ruchi', q'aq' richin kan xkixruk'is.

San Mateo 1:23

Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.

Wuj Richin ri Jeremías 50:34

Jak'a yin ri yikolon kichin y kan k'o uchuq'a' wik'in, y nubini'an Jehová ri k'o ronojel uchuq'a' wik'in y kan pa ruchojmilal ri xtinben kik'in. Xtinya' uxlanibel-k'u'x chupan ri kiruwach'ulew, jak'a pa kiwi' ri aj-Babilonia xa xtinya' xibinri'il.

Wuj Richin Bix Chire ri Dios 26:1

Jehová tabana' utzil taq'alajirisaj chi yin man jun mak nubanon, roma yin kan tz'aqet k'a ri nubanobal chawech. nukuquban nuk'u'x awik'in y man rik'in ta ka'i' nuk'u'x.

2 Crón 20:6

y xch'on rik'in ri Jehová, y xubij: Jehová ri at qa-Dios roj y kichin kan ri qati't-qamama', rat kan k'a chila' k'a chikaj naq'et-pe-tzij pa kiwi' ri q'atbel taq tzij richin ri ruwach'ulew. Pan aq'a' k'a rat k'o-wi ronojel uchuq'a' y kan man jun xtich'akon chawij.

Ex 23:21

Rix, kan tichajij k'a iwi' rik'in ri ibanobal chuwech rija' y tiwak'axaj ri rutzij. Man kixyakatej chirij, roma rija' maneq kuyubel-mak chuwech, roma kan pan nubi' yin beneq-wi.

San Mateo 10:21

Xtapon k'a ri q'ij, chi wi ek'o ta e ka'i' kach'alal-ki'; jun chike rije' xtiyakatej y xtujech ri rach'alal pa kamik. Chuqa' ek'o tata'aj ri xkeyakatej chikij ri kalk'ual. Y ri alk'ualaxela' xkeyakatej chuqa' chikij ri kite-kitata' y xkekijech pa kamik.

Wuj Richin Etamabel-Tzij 23:11

Roma wi keri' naben chike, rije' kan k'o k'a ri nito'on kichin y kan k'o ronojel uchuq'a' pa ruq'a'; ri kan nitikir-wi nuben chi nitzolin pa kiq'a' ri kan kichin rije'.

Wuj Richin Bix Chire ri Dios 99:4

Ri rey kan niqa' chuwech ri ruchojmilal. Kan ja rija' ri yoyon re ruchojmilal re' pan Israel. Kan xuben k'a ri ruchojmilal y ri q'atoj-tzij pa kiwi' ri winaqi' israelita.