Wuj Richin Bix Chire ri Dios 53:6 - Kaqchiquel Bible

⁶ ¡K'ate' ta chiri' pa juyu' Sión xtipe-wi ri qakolotajik! Toq ri Dios xtuben chi xtitzolin-pe ri rutinamit pa ximonri'il, jari' toq xqojkikot roj ri oj rijatzul kan ri Jacob, ri oj rijatzul kan ri Israel.

Wuj Richin Bix Chire ri Dios 53:6 ပူးပေါင်းရင်းမြစ်များ

Wuj Richin Bix Chire ri Dios 14:7

K'ate' ta chiri' pa juyu' Sión xtipe-wi ri kolonel qichin roj. Toq ri Jehová xtuya' chik urtisanik pa qawi' roj ri oj israelita, jari' toq xqojkikot qonojel.

Wuj Richin ri Jeremías 30:18

Chuqa' xtinjel ri ik'aslen y kan xtinjoyowaj iwech. Ri itinamit xtipabex chik q'anej pa ruwi' ri wulatejineq kan y ri rachoch ri rey kan xtipabex chik q'anej ri kan akuchi k'o-wi-pe.

Wuj Richin ri Isaías 12:6

Kan qojsik'in rik'in kikoten. Kan qojbixan qonojel roj winaqi' aj-Sión, roma ri qa-Dios kan nim chiqakojol.

Wuj Richin ri Isaías 14:32

Y wi k'o jun taqonel richin ri ruwach'ulew ri' xtapon, man jun itzel xkixtikir xtibij chire. Jak'a ri Jehová xtuyek chik el jun bey ri tinamit Sión, y chiri' k'a xkeruya-wi konojel ri ek'o pa bis richin ri rutinamit.

Wuj Richin Bix Chire ri Dios 85:1

Nimalej Jehová, rat kan xajoyowaj chik ruwech re qaruwach'ulew. Xaben k'a chi xel-pe chupan ri ximonri'il.

Wuj Richin ri Nehemías 12:43

Chupan ri q'ij ri' janila kamelabel xqasuj, y qonojel xojkikot roma ri Dios xuya' jun nimalej uxlanibel-k'u'x chiqe. Chuqa' ri ixoqi' y ri ak'uala' kan janila xekikot. Ri kikoten ri xbanatej pa Jerusalem k'a nej xapon-wi ri rutzijol.

Am 9:14

Kan keri' k'a xtibanatej chi xkixinwelesaj-pe pa ximonri'il rix israelita. Xtipabex chik q'anej jun bey ri itinamit ri e wulatejineq kan, richin xkixk'oje' chik jun bey chiri'. Rix xtitik chik qa i-uva y xtiqum chik ri vino. Chuqa' xtitik qa jalajoj ruwech che' y kan ja rix xkixtijo.

Joel 3:1

Toq xtapon ri q'ij ri' yin xkixinwurtisaj chik rix aj-Judá; y rix aj-Jerusalem kan xkixkikot rik'in ri urtisanik ri xtinya-pe.

Wuj Richin ri Jeremías 31:23

Yin Jehová ri k'o ronojel uchuq'a' pa nuq'a' y roma ri' ninbij chi toq yin xtinjel ri rubanik ri kik'aslen ri winaqi' ri ek'o pa tinamit Judá, jari' toq rije' xkek'oje' chik jun bey pa kiruwach'ulew y pa taq kitinamit. Y xkech'on wik'in y xtikik'utuj chuwe chi yin xtinwurtisaj ri wachoch ri k'o pa ruwi' re juyu' re'.

Wuj Richin Bix Chire ri Dios 50:2

Ri Dios, rik'in ri rusaqil nuk'ut chi rija' kan k'o chiri' pa tinamit Sión, chupan ri tinamit ri kan jebel nitzu'un.

Wuj Richin ri Achin Job 42:10

Y toq ri Job xtane' yan chi ch'owen rik'in ri Dios, pa kiwi' ri rachibil, ri Dios kan xuya' chik k'a ri rubeyomel. Y man xaxe ta chik k'a ri rubanik ri rubeyomel pa nabey ri xuya' chire, xa kan xuya' chik jun keri' pa ruwi' ri k'o rik'in.

Wuj Richin ri Esdras 3:11

Y rije' nikibixaj re bix re': Niqamatiox chire ri Jehová, roma rija' kan janila utz, roma beneq ruwech nujoyowaj qawech roj ri oj aj-Israel. Y ri rujoyowanik kan richin q'asen, xecha'. Y chijun ri tinamit nisik'in roma kikoten y kan nikiya' ruq'ij rija', roma kan xya'ox yan qa ri ruch'okolibal ri rachoch ri Jehová.

Wuj Richin ri Chojmirisabelri'il 26:17

Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

Wuj Richin ri Chojmirisabelri'il 26:36

Y ri kik'in ri iwijatzul ri man xkeken ta, ri xkebek'oje' pa kiruwach'ulew ri etzelanel kichin, yin xtinben chike richin xkemayamo-qa. Xtinben k'a chike chi xtikixibij-ki' xaxe roma nitzaq-pe jun ruxaq che' y xke'animej k'a achi'el xa ta k'o e oqotayon rik'in espada y kan xketzaq, stape' man jun e oqotayon.

Wuj Richin Etamabel-Tzij 28:1

Ri wineq itzel xa nixibiyaj y jantape' tzeqeliben nuna', jak'a ri chojmilej wineq, kan achi'el jun koj ri xa man jun xibinri'il chuwech.