Wuj Richin Bix Chire ri Dios 53:5 - Kaqchiquel Bible

⁵ Akuchi ri kan man jun xibinri'il k'o, chiri' xkik'en janila xibinri'il ri winaqi'. Roma ri Dios kan xeruk'is konojel ri e yakatajineq chirij. Kan xek'ixbitej roma ri Dios kan xerixowaj.

Wuj Richin Bix Chire ri Dios 53:5 ပူးပေါင်းရင်းမြစ်များ

Wuj Richin Etamabel-Tzij 28:1

Ri wineq itzel xa nixibiyaj y jantape' tzeqeliben nuna', jak'a ri chojmilej wineq, kan achi'el jun koj ri xa man jun xibinri'il chuwech.

Wuj Richin ri Chojmirisabelri'il 26:36

Y ri kik'in ri iwijatzul ri man xkeken ta, ri xkebek'oje' pa kiruwach'ulew ri etzelanel kichin, yin xtinben chike richin xkemayamo-qa. Xtinben k'a chike chi xtikixibij-ki' xaxe roma nitzaq-pe jun ruxaq che' y xke'animej k'a achi'el xa ta k'o e oqotayon rik'in espada y kan xketzaq, stape' man jun e oqotayon.

Wuj Richin ri Chojmirisabelri'il 26:17

Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

Ez 6:5

Kan xtink'eq k'a ri kich'akul chikiwech ri wachibel ri e kibanon y ri kibaqil xtintaluj chuwech ri porobel.

Wuj Richin ri Jeremías 6:30

Roma ri' ninbij chi rije' e achi'el ri saqipueq ri man nik'atzin ta chik, roma rat Jehová kan xe'awetzelaj.

Wuj Richin Bix Chire ri Dios 141:7

Ri kibaqil rije' kan xkek'aq k'a kan chuchi' ri jul richin muqbel, achi'el toq yeban boloj y k'a nik'oje' na kan k'olok'eq ulew chupan.

1 Sam 14:15

Y xpe k'a jun nimalej xibinri'il chike konojel ri achi'a' aj-Filistea ri ek'o chiri', ri ek'o pa juyu', ri chajinela' y konojel ri e beneq pan eleq'. Chuqa' kan xuben k'a jun nimalej silonel chiri'. Y ronojel re' kan ja ri Dios ri xtaqon-pe pa kiwi' rije'.

Wuj Richin Bix Chire ri Dios 73:20

Ri itzel taq winaqi' e achi'el jun achik' ri nimestex toq niseqer-pe; keri' xtaben chike rat ajaw, toq xkayakatej, rat xa xke'awixowaj roma ri kibanobal.

Wuj Richin Bix Chire ri Dios 40:14

Ek'o yekanon richin nikelesaj ri nuk'aslen. Roma ri' rat xtaben chike chi xkek'ixbitej y xtisach kik'u'x, Chuqa' ek'o yekanon richin niqaqa itzel chuwij. Roma ri' xtikitzolij ta k'a ki' chikij y xkek'ixbitej ta k'a.

Wuj Richin Bix Chire ri Dios 35:26

Xa kan ke'ak'ixbisaj y tasacha' kik'u'x konojel ri yekikot chuwij roma ink'o pa q'axo'n. Taqasaj kiq'ij ri xkinimirisaj-ki' chinuwech yin.

Wuj Richin Bix Chire ri Dios 35:4

Tasacha' k'a kik'u'x y ke'ak'ixbisaj ri nikajo' yinkikamisaj. Kan tikitzolij k'a ki' chikij, y tiqaqa k'ix pa kiwi' ri nikajo' nikiben etzelal chuwe.

Wuj Richin Bix Chire ri Dios 14:5

Re winaqi' re' kan xkek'ark'ot roma xibinri'il, roma ri Jehová kan k'o kik'in ri kikuquban kik'u'x rik'in rija'.

Wuj Richin Bix Chire ri Dios 2:4

Jak'a ri Dios ri k'o chila' chikaj xa xtitze'en, kan nikikot ri ajaw chikij rije'.

Wuj Richin ri K'uxla'anik 2:6

Ri rachoch rija' kan xuwulaj k'a el, achi'el niban chire jun ti mo'k ri k'o chupan ri tiko'n. Xuwulaj k'a el ri akuchi niban-wi molojri'il. Ri Jehová xrelesaj k'a el chupan ri tinamit Sión ri nimaq'ij y ri q'ij richin uxlanen. Roma ri royowal kan xerixowaj k'a kan ri rey y ri e sacerdote.

Wuj Richin ri Achin Job 15:21

Xa kan ruyon k'a ch'abel richin xibinri'il ri yerak'axaj; toq jebel eleneq chuwech ronojel jari' toq yepe ri eleq'oma' chirij.

Wuj Richin ri Jeremías 49:15

Yin kan xtinben k'a chiwe richin chi ja rix ri más ix ko'ol ok chikikojol ri ruwach'ulew y kan ja rix ri más ix etzelan chikikojol ri winaqi'.