Wuj Richin Bix Chire ri Dios 52:5 - Kaqchiquel Bible

⁵ Roma ri' ri Dios kan xkaruk'is jumul. Xkaruchop k'a y xkarelesaj-el chupan ri awachoch. Y kan xtrelesaj k'a el ri ak'aslen.

Wuj Richin Bix Chire ri Dios 52:5 ပူးပေါင်းရင်းမြစ်များ

Wuj Richin Etamabel-Tzij 2:22

Jak'a ri aj-maki' kan xtiqupix-el ri kik'aslen chuwech re ruwach'ulew, y ri nikiq'ej ruwi' ri ruch'abel ri Dios, kan xkek'uq-el re wawe'.

Wuj Richin Bix Chire ri Dios 27:13

Jak'a kan q'axineq chinuwech chi kan xtintz'et ri awutzil rat, rokik in k'es.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

Wuj Richin ri Isaías 38:11

Chuqa' xinch'ob chi kan man xtintz'et ta chik awech rat Jehová chupan ri awachoch, ni man jun chik wineq ri k'o chuwech re ruwach'ulew.

Wuj Richin ri Isaías 22:19

Ri Dios xkarelesaj chupan ri asamaj, y chuqa' xtrelesaj ronojel ri ya'on pan aq'a'.

Wuj Richin Etamabel-Tzij 19:9

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun tzij, xa pa kamik xtapon-wi.

Wuj Richin Etamabel-Tzij 19:5

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun-tzij, man xtikolotej ta el.

Wuj Richin Etamabel-Tzij 12:19

Ri ch'abel ri yerubij jun wineq ri xaxe ri qitzij ri nubij, kan yeyaloj k'a; jak'a ri ch'abel ri yerubij jun wineq ri xa tz'ukuy-tzij, xaxe ok richin jun ti ramaj.

Wuj Richin Bix Chire ri Dios 116:9

Yin ninwajo' yik'ase' y man jani yiken, richin ninsamajij y ninya' ruq'ij.

Wuj Richin Bix Chire ri Dios 55:23

Nu-Dios yin, rat xtaben chi ri winaqi' ri nikiben itzel taq banobel xkeken chi'anin. Xtaben k'a chi ri winaqi' ri kan xaxe ri kamik nikajo' nikiben y e q'olonel, man xkek'ase' ta k'a k'iy juna'. Jak'a yin kan awik'in rat ninkuquba' nuk'u'x jantape'.

Wuj Richin ri Achin Job 18:14

Ri kamik kan xtrelesaj k'a pe ri wineq ri' pa rachoch, y xtuk'uaj k'a rik'in ri rajawal kamik.