Wuj Richin Bix Chire ri Dios 51:6 - Kaqchiquel Bible

⁶ Rat kan niqa' k'a chawech ri wineq ri kan ch'ajch'oj ri ránima. Roma ri' kinatijoj achike rubanik yibiyin rik'in na'oj.

Wuj Richin Bix Chire ri Dios 51:6 ပူးပေါင်းရင်းမြစ်များ

2 Sam 12:13

K'ari' ri David xuq'alajirisaj chuwech ri Natán chi kan makuwineq-wi chuwech ri Jehová. K'ari' ri Natán xubij chire ri David chi ri Jehová kan xukuy yan ri rumak, y man xtrelesaj ta ri ruk'aslen.

2 Rey 20:3

Jehová, nink'utuj utzil chawe; toqaqa chi'ak'u'x ri achike rubanik ri rubanon-pe ri nuk'aslen chawech y kan qitzij rik'in ronojel wánima nubanon ri abin chuwe, y chuqa' kan ja ri niqa' chawech ri nubanon, xcha'. Chirij ri' kan janila xoq'.

1 Crón 29:17

Yin wetaman jebel chi rat natzu' ri qach'obonik, y kan yeqa' chawech ri winaqi' toq nikiben pa ruchojmilal. Yin kan rik'in ronojel wánima xinsuj ronojel re' chawe. Y ri atinamit rik'in ronojel ránima xusuj chawe ri xkik'en-pe. Roma ri' janila yikikot.

Wuj Richin ri Achin Job 32:8

Jak'a xa man keri' ta, ri wineq k'o runa'oj roma kan ja ri Dios ri xya'on chire toq xuya' ruk'aslen, kan ja ri Dios ri k'o ronojel uchuq'a' pa ruq'a', ri xya'on na'oj chire toq xuxupuj k'aslen rik'in.

Wuj Richin ri Achin Job 38:36

¿Awetaman rat Job, achike chi na'oj nibanon chire ri awánima chi nisamej jebel, y achike xya'on ri ch'obonik chire ri anojibal?

Wuj Richin Bix Chire ri Dios 125:4

Jehová, tabana' ri utz kik'in ri e utz, y kik'in ri choj kánima.

Wuj Richin Bix Chire ri Dios 15:2

Kan xaxe k'a ri wineq ri tz'aqet ri ruk'aslen y kan pa ruchojmilal nuben ronojel, ri kan xaxe ri qitzij ri nubij;

Wuj Richin Bix Chire ri Dios 26:2

Jehová, kinatejtobej y tanik'oj ri wánima. Tatz'eta' ri nuch'obonik y ronojel ri k'o pa wánima,

Wuj Richin Bix Chire ri Dios 32:5

Jari' toq xinq'alajirisaj k'a ri numak chawech, y kan man xinwewaj ta ri wetzelal. Yin xinch'ob chi ninq'alajirisaj ri numak chawech. Jari' toq rat Jehová xakuy k'a ri numak y xawelesaj chuwij ri xinwejqalej.

Wuj Richin Bix Chire ri Dios 41:5

Ri e etzelanel wichin kan itzel k'a yech'on chuwij y nikik'utula' k'a chikiwech janipe' xkiken, y xtik'is jumul ri nubi'.

Wuj Richin Bix Chire ri Dios 5:9

Rije' man jun bey yech'on ri qitzij; kan e nojineq k'a rik'in etzelal. Kan xaxe k'a ri q'oloj ri k'o pa kichi'. Roma ri' rije' kan e achi'el k'a jun muqbel kamineq.

Wuj Richin Etamabel-Tzij 2:21

Roma xaxe k'a ri wineq ri kan choj ri ruk'aslen, ri xtik'oje' kan chuwech re ruwach'ulew, y kan wawe' k'a xkeyaloj-wi-qa ri kan tz'aqet ri kik'aslen.

Wuj Richin Etamabel-Tzij 2:6

Roma xaxe k'a ri Dios ri niya'on ri na'oj, kan pa ruchi' k'a rija' nel-wi-pe ronojel ri ch'obonik y ri etamabel.

Wuj Richin ri Jeremías 12:1

Chirij re' xinbij chik chire ri Jehová: Toq yin yisujun chawech, rat beneq ruwech naben pa ruchojmilal. Jak'a yin wakami k'o ninwajo' ri nink'utuj chawe. ¿Achike roma jebel e beneq ri e banoy etzelal? ¿Achike roma man jun nikimey ri xaxe yekiq'ol ch'aqa' chik winaqi'?

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

Wuj Richin ri Jeremías 32:40

Xtinben k'a kik'in rije' jun jikibel-tzij richin q'asen. Kan xtinya' nutzij chi jantape' xtinben utz kik'in. Xtinben k'a chike richin nikiya' nuq'ij jantape' y man jun bey chik xtikijech'ej kan ki' wik'in.

Wuj Richin ri Jeremías 5:3

Jehová, ¿man ja ta kami ri qitzij nakanoj rat? Rat xaya' rutojbalil-mak pa kiwi' y man xeq'axomer ta; xaya' wululen pa kiwi', jak'a man xkajo' ta xatkinimaj. Kan xkikowirisaj k'a ri kánima, más chuwech ri abej y kan man xkajo' ta xetzolin chupan ri utzilej bey.

San Lucas 11:39

Y ri Jesús xubij chire: Rix fariseo jebel nich'ej ri ich'akul jak'a ri iwánima xa tz'il-tz'il, achi'el jun leq ri jebel ch'ajch'oj rij y ri rupan xa tz'il-tz'il, roma ri iwánima xa nojineq rik'in eleq', y rik'in etzelal.

Romanos 7:22

Ri wánima kan yalan-wi nikikot rik'in ri rupixa' ri Dios.

2 Corintios 1:12

Ri kikoten ri k'o qik'in roj wakami, kan roma qetaman chi ri qabanobal kan rik'in wi ch'ajch'oj qánima yeqaben, y kan qitzij wi chuwech ri Dios. Man qana'oj ta k'a roj ri niqakusaj, xa kan ja ri na'oj ri qak'ulun rik'in ri Dios. Kan keri' ri qak'aslen ri qak'utun chikiwech ri ek'o chuwech re ruwach'ulew, y más chiwech rix.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

1 Pedro 3:4

Xa titija' iq'ij richin ja ta ri iwánima jebel wiqil chuwech ri Dios. Tiwiqa-iwi' rik'in ch'uch'ujil y qasanri'il, roma re wiqobel re' man xtik'is ta, y jare' ri más rejqalen chuwech ri Dios.

1 Sam 16:7

Jak'a ri Jehová xubij chire ri Samuel: Man tatzu' ri rubanik, ni man tatzu' ri rupalen, roma yin man ja ta la' nucha'on richin nok kan rey. Ri wineq ja ri rubanik ri nutzu', jak'a yin kan ja ri ránima y ri ruch'obonik ri nintz'et, xcha'.