Wuj Richin Bix Chire ri Dios 51:18 - Kaqchiquel Bible

¹⁸ Rik'in ri awajowabal rat, kan taya' k'a ri utzil pa ruwi' ri tinamit Sión. Kan tabana' k'a chi xtiyak-el ri tz'aq chirij ri tinamit.

Wuj Richin Bix Chire ri Dios 51:18 ပူးပေါင်းရင်းမြစ်များ

Wuj Richin ri Nehemías 2:17

Ri jun chik q'ij, xinbij k'a chike: Rix nitz'et chi ojk'o pa jun ruk'ayewal: Ri Jerusalem wuluwik wakami y ronojel ri ruchi' xeruk'is q'aq'. Kixanpe y kinito' y qapaba' chik q'anej jun bey ri tz'aq, richin man chik tiqaya' q'ij richin chi yojkik'ixbisaj ri e etzelanel qichin, xicha'.

Wuj Richin Bix Chire ri Dios 102:16

Roma rat kan xtapaba' chik q'anej ri tinamit Sión. Kan k'a chiri' k'a xtiq'alajin-wi-pe ri ak'ojlemal.

Wuj Richin Bix Chire ri Dios 147:2

Ri Jehová nupaba' chik q'anej ri tinamit Jerusalem; Kan xkeruk'en chik pe konojel ri winaqi' ri e talutajineq.

Wuj Richin Bix Chire ri Dios 25:22

Nu-Dios yin, tabana' utzil takolo' ri atinamit chuwech ri bis.

Wuj Richin Bix Chire ri Dios 40:7

Roma ri' xinbij: Jare' ink'o nu-Dios richin yatinsamajij, kan achi'el ri tz'ibatel chuwij chupan ri wuj.

Wuj Richin Bix Chire ri Dios 69:35

Ri Dios kan xtukol k'a ri tinamit Sión, y xkeruyek chik k'a q'anej ri ch'aqa' chik tinamit richin Judá. Chiri' k'a xkek'oje' chik ri winaqi' y ri ruwach'ulew kan xtok chik kichin.

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Wuj Richin ri Isaías 58:12

Ri iwinaq xtikiyek chik el jun bey ri tinamit ri e wulatejineq kan. Xtiben-qa ri ruxe' ri kan e wulatejineq kan ojer. Y kan xtubini'aj: Tinamit ri Chojmirisey Richin ri Wulatejineq.

Wuj Richin ri Isaías 62:1

Roma ri wajowabal pa ruwi' ri tinamit Sión kan xkich'on, roma ri wajowabal pa kiwi' ri nuwinaq man xkinuxlan ta, k'a ja toq konojel ri ch'aqa' chik winaqi' xtikitz'et ri ruchojmilal ri niban chiri', achi'el nitz'et ri q'ij toq niseqer-pe, y k'a toq xtikitz'et ri kolotajik, achi'el jun q'aq' ri jantape' tzijil.

Wuj Richin ri Jeremías 51:50

Rix israelita ri xixkolotej kan chire ri kamik, kixanimej-el y man kixpa'e-qa. Y toq ixk'o nej kan kinich'obo' k'a yin, toqaqa chi'ik'u'x ri itinamit Jerusalem.

Dn 9:25

Ja juna' ri' nitikeriba' richin niwajlaj toq xtel ri rutzijol chi nipabex chik q'anej jun bey ri tz'aq richin ri tinamit Jerusalem. Toq xkechojmirisex k'a ri tz'aq y ri bey ri chiri', kan xtuk'uaj k'a kawineq beleje' juna', y kan xtik'oje' janila ruk'ayewal. Y k'o chi nikiq'axaj chik 434 juna' k'a toq xtoqaqa na ri jun tata'al ri taqon-pe roma ri Dios.

Wuj Richin ri Miqueas 6:7

¿Kan xtiqa' kami chuwech ri Jehová xtinsuj chire 1,000 achija' taq karne'l? ¿Xtuk'awomaj kami ri Dios xtinya' ta chire ri aceite achi'el jun raqen-ya'? ¿Xtinsuj ta k'a ri nabey nuk'ajol chire richin nikuyutej numak? ¿Xtinya' ta jun chike ri walk'ual roma ri numak ri e nubanalon?

Wuj Richin ri Miqueas 7:11

Rix aj-Jerusalem, kan peteneq k'a ri q'ij chi xtipaba' chik jun bey ri tz'aq ri rusutin-rij ri itinamit. Toq xtapon ri q'ij ri' ri ruk'ulba't ri iruwach'ulew kan xtinimer.

Wuj Richin ri Zacarías 2:5

Y roma ri' ja ri Jehová xtitaqon-pe jun tz'aq ri banon rik'in q'aq' richin xtusutij-rij ri Jerusalem, y ja rija' xtisaqirisan richin, xcha' ri ángel chire.

San Lucas 12:32

Roma ri' man tixibij-iwi' rix ri yixtzeqeliben wichin, roma stape' xa ix juba' ok, kan rurayibel-wi k'a ri aj-chikajil qatata' richin niq'et-tzij pa rajawaren rija'.

Efesios 1:5

Xojrucha' richin xojok ralk'ual roma ri Jesucristo. Kan jari' wi k'a ri rurayibel y ri ruch'obonik.

Efesios 1:9

Kan xuq'alajirisaj-wi k'a chiqawech ri ruch'obon chi nuben ri kan rewan-pe. Rija' rubanon chi ronojel ri' nibanatej roma ri Cristo.

Filipenses 2:13

Roma ri Dios jari' ri nisamej pa taq iwánima, y nuya' ri rayibel chiwe chi niben ri niqa' chuwech rija'. Y kan nuya' chuqa' iwuchuq'a' richin yixtikir niben.

2 Tesalonicenses 1:11

Roma ri' beneq-ruwech yojch'on rik'in ri Dios pan iwi' rix, richin chi xtuben ta chiwe chi yixtikir nik'uaj jun k'aslen utz ri ruk'amon chiwe chi'iwonojel ri xojoyox roma rija'. Y xtuben ta chiwe chi yixtikir niben ronojel ri utz ri nirayij, y ri samaj ri ichapon roma ikuquban ik'u'x rik'in ri Jesucristo.