Wuj Richin Bix Chire ri Dios 51:15 - Kaqchiquel Bible

¹⁵ Ajaw, tabana' chuwe chi yin yitikir yibixan, richin kan xkatinnimirisaj rik'in ri nubix.

Wuj Richin Bix Chire ri Dios 51:15 ပူးပေါင်းရင်းမြစ်များ

Hebreos 13:15

Roma ri' jantape' k'a tiqaya' ruq'ij ri Dios pa rubi' ri Jesucristo. Kan tiqaq'alajirisaj rik'in ri qachi' chi ja rija' ri qaniman.

Wuj Richin Bix Chire ri Dios 9:14

keri' yin xkitikir xtinq'alajirisaj chuchi' ri Jerusalem, chi xaxe rat ruk'amon niya'ox aq'ij, chiri' k'a xkikikot-wi yin, roma kan in akolon.

Ez 29:21

Chupan k'a ri q'ij ri', xtinben chi ri awinaq israelita xtinimer ri kuchuq'a' y rat Ezequiel, kan xkatikir chik xkach'on kik'in. Y k'ari' xtiketamaj chi ja yin Jehová, xcha'.

Wuj Richin Bix Chire ri Dios 119:13

Yin kan rik'in k'a ri nuchi' nutzijon ronojel ri pixa' ri abin kan rat.

Ez 3:27

Jak'a toq yin k'o ninwajo' ninbij chawe, xtinya' chik ri ach'abel y k'ari' xtabebij chike ri rutzijol. Y ri nrajo' nrak'axaj kan trak'axaj k'a. Y ri man nrajo' ta nrak'axaj kan man k'a trak'axaj, roma rije' kan e jun tinamit ri yalan itzel, xcha'.

Ex 4:11

Jak'a ri Jehová xubij chire: Ja yin ri yibanon chire ri wineq chi nich'on, o richin man nich'on ta; richin nak'ex, richin nitzu'un o richin man nitzu'un ta.

Marcos 7:34

Chirij ri' xtzu'un chikaj, xjiq'ijo'x y xubij: Efata, xcha'. Re ch'abel re' nel chi tzij tijaqatej.

Ez 16:63

Y chupan k'a ri q'ij ri' yin kan utz chik xkatintz'et rat Jerusalem. Y kan xtoqaqa chi'ak'u'x ri xaben y xtik'oje' ak'ix. Y kan man jun bey chik xtikijeq pa kichi' chawij. Ja yin Jehová ri yibin, xcha'.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

San Mateo 22:12

Ri rey xch'on k'a rik'in ri achin ri', y xuk'utuj k'a chire: ¿Achike k'a xaben richin xatikir xatok-pe wawe', toq xa man akusan ta pe ri tzieq ri nik'atzin chupan re jun k'ulubik re'?, xcha' ri rey chire. Y ri achin man jun ch'abel xubij.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

Wuj Richin ri Rutikeribel 44:16

Ri Judá xubij chire: ¿Achike k'a xtiqabij wakami? ¿Achi'el toq xtiq'alajin chi man oj aj-maki' ta? Ri Dios xril ri qamak ri qabanon. Wakami k'a, jare' ojk'o pan aq'a', xqojok k'a asamajela' junan rik'in ri achoq ik'in xilitej-wi ri qumbel, xcha' ri Judá.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.