Wuj Richin Bix Chire ri Dios 51:14 - Kaqchiquel Bible

¹⁴ Tabana' utzil man taya' q'ij chi yin yiken, roma ja rat at nukolonel. Keri' kan xtinq'alajirisaj k'a rik'in ri nubix chi rat kan at choj-wi.

Wuj Richin Bix Chire ri Dios 51:14 ပူးပေါင်းရင်းမြစ်များ

Wuj Richin ri Rutikeribel 42:22

K'ari' xch'on-apo ri Rubén y xubij chike: Yin xinbij chiwe chi man jun itzel tiben chire ri ala' ri' y man xinimaj ta nutzij y k'a wakami yojtajin rutojik ri rukamik ri qachaq', xcha'.

Wuj Richin ri Rutikeribel 9:6

Jun wineq kan achi'el nubanik yin, y wi k'o ta jun xtikamisan jun wineq, ri xtibanon xa kan xtiqaqa chuqa' pa ruq'a' jun chik wineq.

2 Sam 12:9

¿Achike roma man xaya' ta rejqalen ri nuch'abel, y xa xaben itzel chinuwech? Xakamisaj k'a chi espada ri Urías ri heteo, y kan xok-qa awixjayil ri rixjayil rija'. Roma xakamisaj ri Urías rik'in ri ki-espada ri amonita,

2 Sam 21:1

Rokik ri David niq'aton-tzij, xpe k'a jun wayjal ri xuben oxi' juna'. Y toq ri David xuk'ulubej ri Jehová, ri Jehová xubij chi re wayjal re' xpe pa kiwi' rije' roma ri Saúl y ri e rijatzul e kamisanela'. Roma rije' xa xekikamisaj ri gabaonita.

2 Sam 3:28

Jak'a toq ri David xunabej ri xuben ri Joab, xubij chi rija' y ri ruq'atbal-tzij kan maneq kimak chuwech ri Jehová, roma ri rukamik ri Abner.

Wuj Richin ri Esdras 9:13

Chirij ronojel re xqaqa pa qawi', roma ri itzel taq qabanobal y roma ri nima'q taq qamak, stape' rat qa-Dios man aya'on ta ri rutojbalil ri qamak ri ruk'amon, y xaya' kan jun molaj chiqe, y ja roj ri'.

Wuj Richin ri Nehemías 9:33

Ri abanon rat kan pa ruchojmilal-wi chupan ronojel ri qak'uluwachin. Roj xa xatqamalij kan y xojmakun chawech, jak'a rat man jun bey oj aya'on kan y kan abanon-pe qik'in achi'el ri asujun-pe chiqe.

Wuj Richin Bix Chire ri Dios 25:5

Kinak'uaj y tak'utu' chinuwech ri qitzij, roma kan ja rat ri at nu-Dios ri yakolon wichin. Kan jantape' k'a nukuquban nuk'u'x awik'in.

Wuj Richin Bix Chire ri Dios 26:9

Tabana' utzil man nawelesaj nuk'aslen junan kik'in ri aj-maki'. Man naben chuwe chi junan nink'uluwachij kik'in ri e kamisanela',

Wuj Richin Bix Chire ri Dios 35:28

K'ari' jantape' k'a xtintzijoj ri ruchojmilal ri naben rat, y kan chijun q'ij k'a xtinya' aq'ij.

Wuj Richin Bix Chire ri Dios 38:22

Chi'anin katanpe richin yinato', nukolonel yin.

Wuj Richin Bix Chire ri Dios 55:23

Nu-Dios yin, rat xtaben chi ri winaqi' ri nikiben itzel taq banobel xkeken chi'anin. Xtaben k'a chi ri winaqi' ri kan xaxe ri kamik nikajo' nikiben y e q'olonel, man xkek'ase' ta k'a k'iy juna'. Jak'a yin kan awik'in rat ninkuquba' nuk'u'x jantape'.

Wuj Richin Bix Chire ri Dios 68:20

Ri Dios, ri kan qa-Dios roj, jari' ri xtikolon qichin. Ri Jehová ri qajaw, xqojrujech'ej chuwech ri kamik.

Wuj Richin Bix Chire ri Dios 88:1

Nimalej Jehová, ja rat ri at nukolonel, chi paq'ij chi chaq'a' yisik'in awik'in richin yinato'.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin ri Isaías 45:17

Jak'a roj ri atinamit kan xqojkolotej kan richin jantape'. Y man jun bey chik xqojk'ixbitej, ni man xtiqasex ta chik qaq'ij.

Ez 33:8

Rik'in juba' yin ninbij chawe chi ri wineq ri rujachon-ri' chubanik etzelal, kan xtiken. Wi rat man jun xabij chire ri wineq ri' richin nuchojmirisaj ta ri ruk'aslen, rija' xtiken k'a y chawe rat xtinch'ojij-wi ri rukik'el.

Dn 9:16

Qajaw Dios, rat kan at choj-wi, y roma ri' tabana' utzil chi tik'o-qa ri awoyowal pa ruwi' ri atinamit Jerusalem, ri juyu' ri ch'aron chawe rat. Roma ri kimak ri qate-qatata', ri tinamit Jerusalem xa k'o pa jun nimalej ruk'ixbilal, chikiwech ri ch'aqa' chik tinamit.

Dn 9:7

Rat ajaw kan at choj-wi, jak'a roj xa sachineq qak'u'x; keri' ri ek'o pa Jerusalem, y keri' chuqa' ri ch'aqa' chik qawinaq israelita ri ek'o nej naqaj chupan ch'aqa' chik ruwach'ulew, ri akuchi xojataluj-wi rat, roma xqapaba-qi' chawech.

Os 4:2

Ri Dios nubij: Xa kan ruyon k'a tz'ukuj taq tzij k'o chikikojol, xaxe yekamisan, ye'eleq', nikibanala' ixoqinik y ch'aqa' chik itzel taq banobel. Kan jantape' k'a chi kamik nibanatej chupan ri ruwach'ulew Israel.

Hechos 18:6

Jak'a rije' kan man niqa' ta k'a chikiwech ri nubij ri Pablo, y k'iy k'a itzel taq tzij ri yekibila'. Roma ri' ri Pablo xutotaj ri rutziaq, richin keri' tikinabej chi man utz ta ri xkiben. Xubij k'a chuqa' chike: Ja rix k'o imak wi xkixbeqaqa pa ruk'ayewal. Yin xinel yan k'a chuwech, roma kan xinya' ri rutzijol chiwe. Re wakami yixinya' k'a kan, richin yibe kik'in ri winaqi' ri xa man e judío ta, xcha' kan chike.

Hechos 20:26

Roma ri' kan ninbij kan chiwe, chi man numak ta yin wi ek'o ri xkebeqaqa k'a chupan ri ruk'ayewal.

Romanos 10:3

Rije' man ketaman ta k'a ri rubanik chi ja ri Dios nibanon choj chike ri winaqi'. Rije' xa kiyon nikiben-qa chi choj ri kik'aslen, y keri' xa man kiya'on ta ki' pa ruq'a' ri Dios.