Wuj Richin Bix Chire ri Dios 51:11 - Kaqchiquel Bible

¹¹ Man tawelesaj-el ri Loq'olej Espíritu wik'in. Chuqa' man yinaya' kan nej.

Wuj Richin Bix Chire ri Dios 51:11 ပူးပေါင်းရင်းမြစ်များ

Efesios 4:30

Man tiqaya' pa bis ri Loq'olej Espíritu, roma rija' kan k'o pa taq qánima, y roma k'o qik'in nel chi tzij chi kan xqojkolotej-wi-el, chupan ri q'ij toq ri Jesucristo xtipe chiqak'amik.

2 Rey 13:23

Jak'a ri Jehová kan xujoyowaj kiwech ri aj-Israel, y kan xeruto' chupan ri ruk'ayewal ri' roma ri jikibel-tzij ri xuben ojer kik'in ri Abraham, ri Isaac y ri Jacob. Y k'a re wakami, man e rumalin ta kan, ni man e ruk'ison ta el chuwech re ruwach'ulew.

Romanos 8:9

Roj ri k'o ri Loq'olej Espíritu richin ri Dios pa taq qánima, man oj uk'uan ta chik roma ri itzel taq rayibel; kan ja chik ri Loq'olej Espíritu ri uk'uayon qichin. Jak'a ri winaqi' ri man k'o ta ri Espíritu richin ri Cristo kik'in, man e richin ta rija'.

Wuj Richin ri Rutikeribel 6:3

Y ri Jehová xubij: Man richin ta jantape' xtik'oje' ri k'aslen rik'in ri wineq ri xinya' chire pa nabey, roma ja ri rurayibel ri ch'akulaj ri uk'uayon kichin. Xaxe chik 120 juna' xke'apon-wi chuwech re ruwach'ulew, xcha'.

San Juan 14:26

Y toq yin man ink'o ta chik iwik'in, ri nata' xtuteq-pe ri Loq'olej Espíritu richin yixruto'. Y ja rija' ri xtik'oje' iwik'in pa nuk'exel. Y kan jak'a chuqa' rija' xkixtijon y xtunataj ronojel ri ch'abel ri e nubin kan yin chiwe.

San Lucas 11:13

Wi rix ri xa man kan ta utz ina'oj, man yixtikir ta niben keri' chike ri iwalk'ual, k'a ta la' chik k'a ri aj-chikajil qatata'. Rija' kan nuya-wi k'a ri Loq'olej Espíritu chike ri kan nikik'utuj, xcha' ri Jesús.

Wuj Richin Bix Chire ri Dios 71:18

Stape' chupan re nurijixinen y kere' seq chik nujolon, tabana' utzil nu-Dios, man kinamalij kan. Roma kan k'a k'o chi nintzijoj ri awuchuq'a' rat, chike ri k'a e ak'uala' na y ri man jani ke'alex.

1 Sam 16:14

Ri Espíritu richin ri Jehová xel k'a el rik'in ri Saúl, y ri Jehová xuteq chik k'a pe jun itzel espíritu rik'in, y jari' ri nich'ujirisan richin.

1 Sam 10:10

Toq rija' y ri rusamajel xe'apon pa Guibeá, kan xekik'ul k'a ri jun tzobaj q'alajirisey ruch'abel ri Dios. Y ri Espíritu richin ri Dios xpe rik'in ri Saúl, richin xuya' ruchuq'a'. Y kan xok chuqa' jun q'alajirisey ruch'abel ri Dios kik'in ri ch'aqa' chik.

Wuj Kichin ri To'onela' 16:20

Y xubij chire: ¡Sansón, ri aj-Filistea xepe richin yatkichop!, xcha'. Y toq xuna' ruwech, xubij-qa: Wakami xa xkinanimej chik el jun bey achi'el nubanon-pe ronojel mul, xcha-qa. Y kan man retaman ta chi xa malin chik kan roma ri Jehová.

2 Tesalonicenses 1:9

Ri rutojbalil ri xtiya'ox chike kan richin jantape'. Y xke'elesex k'a el nej chire ri ajaw y chire ri ruk'ojlemal y ruchuq'a'.

Wuj Richin Bix Chire ri Dios 71:9

Man kinawixowaj chupan ri nurijixinen; Man kinamalij re maneq chik wuchuq'a'.

2 Rey 24:20

Ri Sedequías xyakatej chirij ri rey richin Babilonia. Y jari' ri xbanon chi xyakatej royowal ri Jehová pa ruwi' ri Jerusalem y ri Judá, y xuben chi kan xeruk'is.

2 Sam 7:15

Jak'a ri nujoyowanik man xtinwelesaj ta pa ruwi' rija', achi'el xinben rik'in ri Saúl, ri xinwelesaj richin chi xatinya' kan rat pa ruk'exel.

Wuj Kichin ri To'onela' 15:14

Y toq ye'apon yan ri chiri' pa Lehi, ri aj-Filistea xe'el k'a pe richin xokik'ulu' y yesik'in, jari' toq ri Espíritu richin ri Jehová xuya' ruchuq'a' ri Sansón, y ri kolo' ri achoq ik'in ximon-wi ri ruq'a' xek'oqpitej achi'el xa ta jun kolo' k'atineq, y ri kolo' xetzaq-el chire ri ruq'a'.

Wuj Richin ri Jeremías 7:15

Kan xkixinwelesaj-el chinuwech achi'el xenwelesaj-el pan Israel konojel ri iwach'alal ri xek'oje' chiri', xcha'.

Wuj Richin Bix Chire ri Dios 43:2

Nu-Dios yin, kan ja wi rat ri at nutobal. ¿Achike k'a roma in amalin kan? ¿Achike roma chaq xkibison roma ri q'axo'n ri nikiben chuwe ri e etzelanel wichin?

Wuj Richin ri Rutikeribel 4:14

Wakami xa nawelesaj ri uchuq'a' pa nuq'a' pa ruwi' ri ulew y yin k'o chi ninwewaj-el-wi' chawech y akuchi na xkibe-wi pa ruwi' ri ruwach'ulew, y xabachike k'a xkik'ulun xkirukamisaj kan, xcha'.

2 Rey 23:27

K'ari' ri Jehová xubij: Yin kan xkenwelesaj-el chinuwech ri aj-Judá, achi'el xinben kik'in ri aj-Israel. Chuqa' xkenwetzelaj ri aj-Jerusalem ri nucha'on yin akuchi k'o-wi ri jay richin niya'ox nuq'ij, xcha'

Wuj Kichin ri To'onela' 13:25

Y k'o k'a jun q'ij, toq ri Sansón k'o k'a chiri' ri akuchi kimolon-wi-ki' ri tzobaj richin Dan, ri k'o chikikojol ri tinamit Sorá y ri Estaol, jari' toq ri ru-Espíritu ri Jehová xuchop nuya' ruchuq'a' rija'.